تۇرعىن ءۇي جانە قالا – اۋىل قۇرىلىسى مينيسترلىگى ەڭبەكاقىنى كەشەۋىلدەتۋ ماسەلەسىن جونگە سالادى

حالىق گازەتىنىڭ ءتىلشىسى ديڭ يتيڭ 12 – ايدىڭ 4 – كۇنى بەيجيڭنەن حابارلايدى. تۇرعىن ءۇي جانە قالا – اۋىل قۇرىلىسى مينيسترلىگىنىڭ بازاردى باقىلاۋ – باسقارۋ مەڭگەرمەسى قالا قۇرىلىسى مەڭگەرمەسىمەن بىرگە جۋىردا بەينە كەسكىندى ءماجىلىس وتكىزىپ، تۇرعىن ءۇي جانە قالا – اۋىل قۇرىلىسى جۇيەسىنىڭ 2025 – جىلى قىس مەزگىلىندەگى ەڭبەكاقىنى كەشەۋىلدەتۋدى جونگە سالۋ ارەكەتى جونىندە اتتانىسقا كەلتىرىپ، ورنالاستىرۋ جاساعان.

ماجىلىستە مىنالار تالاپ ەتىلگەن: جەر – جەردەگى تۇرعىن ءۇي جانە قالا – اۋىل قۇرىلىسى تاراۋلارى ەڭبەكاقىنى كەشەۋىلدەتۋ جاعىنداعى كومەسكى قاتەرلەردى جان – جاقتى ءبىر – بىرلەپ تەكسەرىپ، جاڭا جىل، كوكتەم مەرەكەسى سىندى ماڭىزدى كەزەڭدەرگە دەن قويىپ، ءتۇيىندى وڭىرلەرگە، ءتۇيىندى كاسىپورىندارعا، ءتۇيىندى نىساندارعا نازاردى شوعىرلاندىرىپ، ەڭبەكاقىنى كەشەۋىلدەتۋ ماسەلەسىن شەشىم ەتۋ جانە ورنىقتى مەڭگەرۋ قىزمەتىن شىنايى، ويداعىداي ىستەۋى كەرەك. ءارقايسى جاقتاردىڭ جاۋاپكەرشىلىگىن شىنايى تياناقتاندىرىپ، قۇرىلىس بازارىنداعى زاڭ – تۇزىمگە قايشى ارەكەتتەر مەن ينجەنەريا قاراجاتىن بەرمەۋ قاتارلىلاردان تۋىنداعان ەڭبەكاقىنى كەشەۋىلدەتۋ ماسەلەسىنەن قاتاڭ ساقتانۋى قاجەت.

شوعىرلى جونگە سالۋدى تىڭعىلىقتى ىلگەرىلەتىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋگە ساياتىن تيپتىك دەلولاردى بىتىرۋگە ءتۇيىندى تۇردە قۋزاۋ سالىپ، شاعىمدانۋ ارنالارىن ىركىلىسسىزدەندىرىپ، العاش قابىلداعان ادام جاۋاپتى بولۋ ءتۇزىمىن قاتاڭ تياناقتاندىرۋ كەرەك. ادام كۇشى بايلىعى جانە قوعامدىق قامتاماسىزداندىرۋ مينيسترلىگىمەن سايكەسىپ، ەڭبەكاقىنى كەشەۋىلدەتۋگە ساياتىن دەلولاردى انىقتاپ ءبىر جاقتى ەتۋ تەبىنىن كۇشەيتىپ، وكشەلەي تەكسەرۋ جانە كۇشىنەن قالدىرۋ ءتۇزىمىن ورناتىپ، ”ەڭبەكاقىنى قولىنا تاپسىرعان سوڭ، جاۋاپكەرشىلىكتەن ارىلتىپ، حاۋىپتى جويۋ“ باسقىشىن ىسكە اسىرۋ كەرەك. ورتانى قورعاۋ تازالىعى جۇمىسشىلارىنىڭ ەڭبەكاقىسىن تاراتۋدى الدىن الا، تاراتۋ بارىسىندا، تاراتىپ بولعان سوڭ باقىلاۋ – باسقارۋدى كۇشەيتىپ، ەڭبەكاقىنى كەشەۋىلدەتۋگە قاتىستى بايقالعان ماسەلەلەرگە تۇرگە ءبولىپ شارا قولدانۋ، دەر كەزىندە ءبىر جاقتى ەتۋ، بايقالعان سايىن جويىپ وتىرۋدى تياناقتاندىرۋ قاجەت.

كەلۋ قاينارى: حالىق تورابى