تىنىس جولى جۇقپالى اۋرۋلارىنان ساقتانۋ ءۇشىن مىناداي جاعدايلاردا ماسكى تاعىڭىز

قازىر كوپ جەردە جۇقپالى تۇماۋدىڭ تارالۋى جوعارى شەككە جەتتى، جۇقپالى تۇماۋدان ساقتانۋ بارىسىندا جەكەلىك ساقتىقتى ويداعىداي ىستەۋ بارىنشا ماڭىزدى. ماسكىنى عىلىمي تۇردە تاعۋ ارقىلى تىنىس جولى جۇقپالى اۋرۋلارىنان ءونىمدى ساقتانۋعا بولادى.

قانداي جاعدايلاردا ماسكى تاققان ءجون؟

1. وزىڭىزگە تۇماۋ تيگەن كەزدە. قىزۋ ورلەۋ، تاماق اۋرۋ، جوتەلۋ قاتارلى جۇقپالى تۇماۋدىڭ اۋرۋ بەلگىلەرى بايقالعان مەزگىلدە.

2. ەمحاناعا بارعان كەزدە. ەمدەۋ قۇرىلىمدارىنا بارىپ ەمدەلگەن، ناۋقاسقا سەرىك بولعان، ناۋقاستى كۇتىمدەگەن، ناۋقاستان كوڭىل سۇراي بارعان كەزدە.

3. بولمە ىشىندەگى ادام كوپ ورىندارعا بارعاندا. قورشاعان ورتاسى تىنشۋ، ادام كوپ شوعىرلانعان ەرەنبازار، اۆتوموبيل (پويەز) كۇتۋ زالىنا بارعاندا نەمەسە الەۋمەتتىك اۆتوبۋسقا وتىرعان كەزدە.

4. دەنساۋلىعى ءالسىز ادامدار شوعىرلانعان جەرگە بارعاندا. قارتتاردى كۇتىمدەۋ قۇرىلىمى، قوعامدىق يگىلىك قۇرىلىمى، بالالار باقشاسى قاتارلى دەنساۋلىعى ءالسىز ادامدار شوعىرلانعان جەرلەرگە بارعاندا، سىرتتان كەلگەن ادامدار كىرگەندە نەمەسە الەۋمەتتىك قىزمەتكەرلەر قىزمەت ىستەگەن كەزدە ولاردىڭ ماسكى تاققانى ءجون.

5. دەنساۋلىعى ءالسىز ادامدار سىرتقا شىققان كەزدە. قارتتار، بالالار، سوزىلمالى اۋرۋى بار ناۋقاستار، ايەلدەر قاتارلى ءتۇيىندى توپتاعى ادامدار ادام شوعىرلانعان بولمە ىشىندەگى الەۋمەتتىك ورىندارعا بارعان كەزدە ماسكى تاققانى ءجون.

6. ماڭايىڭىزداعى ادامدار جايسىزدانعان كەزدە. ەگەر قىزمەتتەسىڭىزدە، ساباقتاسىڭىزدا نەمەسە ۇيىڭىزدەگىلەردە جوتەلۋ، قىزۋى ورلەۋ قاتارلى تىنىس جولى اۋرۋلارىنىڭ بەلگىسى بايقالسا، ولارمەن بىرگە ۇيرەنۋ بارىسىندا، تۇرمىستا، قىزمەت بارىسىندا ماسكى تاققانىڭىز ءجون.

كەلۋ قاينارى: حالىق تورابى