جاڭا كەزەكتى سۋىق اعىس تاعى كەلدى! سولتۇستىكتە بيىل قىستاعى تۇڭعىش رەتكى كورنەكتى قار جاۋادى

وسى اپتادا تاعى دا كەڭ كولەمدە تەمپەراتۋرا كۇرت تومەندەيدى! 12 – ايدىڭ 10 – كۇنىنەن باستاپ، جاڭا ءبىر كەزەكتى كۇشتى سۋىق اعىس شينجياڭنىڭ سولتۇستىگىنە ىقپال جاسايدى، وسىدان كەيىنگى 12 – ايدىڭ 11 - كۇنىنەن 13 – كۇنىنە دەيىن وسى كۇشتى سۋىق اعىس شىعىستان وڭتۇستىككە ويىسىپ، بۇكىل ەلگە ىقپال جاسايدى، تەمپەراتۋرا تومەندەۋدەن بۇرىن اۋا تەمپەراتۋراسىنىڭ جوعارىلاۋ مولشەرى زور بولعاندىقتان، مەجەمەن تەمپەراتۋرا كەڭ كولەمدى ءارى شورت تومەندەگەندىكتەن ۇسكىرىك اياز دارەجەسىنە جەتۋى مۇمكىن، مەجەمەن ەلىمىزدىڭ باسىم كوپ رايوندارىندا تەمپەراتۋرا جاپپاي 6 دا 10 سەلتسي گرادۋس تومەندەيدى، سولتۇستىك رايونداردىڭ ءىشىنارا جەرلەرىندە تەمپەراتۋرا 12 دە 14 سەلتسي گرادۋس تومەندەيدى.

بۇل رەتكى كۇشتى سۋىق اعىستىڭ اسەرىنەن كورنەكتى جاۋىن – شاشىن بولادى. جۇڭگو اۋا رايى ساراپشىلارىنىڭ تانىستىرۋىنشا، جوعارى كەڭىستىك جاعدايىنان قاراعاندا، 12 - ايدىڭ 10 - كۇنىنەن 11 - كۇنىنە دەيىن، شينجياڭنىڭ سولتۇستىگىندە تومەن اۋا ءيىرىمى دامىپ، وڭتۇستىك تارماق ارناسى دا شىعىسقا قاراي داميدى، بۇل سۋ بۋى شارت - جاعدايىنىڭ جاقسارۋىنا ءتيىمدى بولىپ، كەڭ كولەمدە كورنەكتى جاۋىن – شاشىن نەگىزىن قالايدى.

قازىرگى الدىن الا مالىمەتكە قاراعاندا، 12 – ايدىڭ 9 – كۇنىنەن 10 – كۇنىنە دەيىن شينجياڭنىڭ سولتۇستىگىندە قار جاۋادى، 12 – ايدىڭ 11 – كۇنىنەن 13 – كۇنىنە دەيىن ەلىمىزدىڭ باتىس سولتۇستىگىنىڭ شىعىس بولەگىندە، ەلىمىزدىڭ سولتۇستىگىنەن شىعىس سولتۇستىگىنە دەيىن ىلگەرىندى - كەيىندى قار، جاڭبىر جاۋادى، بۇل سولتۇستىكتە بيىل قىستاعى تۇڭعىش رەتكى كورنەكتى قار بولۋى مۇمكىن، كۇشكە يە ۋاقىتى ءبىرشاما ۇزاق بولعاندىقتان، ءالى دە رەتكە سالىنۋى مۇمكىن، جالعاستى نازار اۋدارىڭىزدار. سونىمەن بىرگە وڭتۇستىكتە دە ءبىر رەت جاڭبىر جاۋادى، بۇل وتكەن اپتاداعى قۇرعاق اۋا رايىنا مۇلدە ۇقسامايدى.

كەلۋ قاينارى: حالىق تورابى