ورتالىقتىڭ ەكونوميكالىق قىزمەت ءماجىلىسى بەيجيڭدە اشىلدى

12 - ايدىڭ 10 - كۇنىنەن 11 - كۇنىنە دەيىن ورتالىقتىڭ ەكونوميكالىق قىزمەت ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 12 - ايدىڭ 11 - كۇنى، بەيجيڭ. ورتالىقتىڭ ەكونوميكالىق قىزمەت ءماجىلىسى 12 - ايدىڭ 10 - كۇنىنەن 11 - كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى.

شي جينپيڭ ماڭىزدى سوزىندە 2025 - جىلعى ەكونوميكالىق قىزمەتتى قورىتىندىلاپ، قازىرگى ەكونوميكالىق جاعدايعا تالداۋ جاساپ، 2026 - جىلعى ەكونوميكالىق قىزمەتتى ورنالاستىردى. لي چياڭ قورىتىندى ءسوز سويلەپ، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرۋ، تياناقتاندىرۋ، كەلەر جىلعى ەكونوميكالىق قىزمەتتى جاقسى ىستەۋ جونىندە تالاپ قويدى.

ءماجىلىس مىنالاردى اتاپ كورسەتتى: بيىل توتەنشە وزگەشە ءبىر جىل بولدى. شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، قايراتتانا كۇرەس جۇرگىزىپ، جاڭا دامۋ ۇستانىمىن بۇلجىماي دايەكتىلەندىرىپ، جوعارى ساپالى دامۋدى ىلگەرىلەتىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياساتتى اتقاردى، ەكونوميكالىق، قوعامدىق دامۋدىڭ باستى نىسانالارى ءساتتى ورىندالۋ الدىندا تۇر. ەلىمىز ەكونوميكاسى قاۋىرت ىلگەرىلەپ، جاڭالىققا، ساپالىلانۋعا قاراي دامىپ، وسىزاماندانعان كاسىپ سالاسى جۇيەسى قۇرىلىسى ۇزدىكسىز ىلگەرىلەپ، رەفورما جاساۋدا، ەسىك اشۋدا تىڭ قادام تاستالىپ، ءتۇيىندى سالالارداعى حاۋىپ - قاتەردى جويۋدا بەلسەندى ىلگەرىلەۋشىلىككە قول جەتىپ، حالىق تۇرمىسىن قامتاماسىزداندىرۋ اناعۇرلىم پارمەندى بولدى. وتكەن 5 جىلدا ءبىز ءتۇرلى سوققىعا، سىن - سايىسقا ءونىمدى توتەپ بەرىپ، پارتيا مەن مەملەكەت ىستەرىندە جاڭا كەلەلى تابىستارعا قول جەتكىزۋدى ىلگەرىلەتتىك، ”14 - بەسجىلدىق“ ءساتتى اياقتالۋ الدىندا تۇر، ەكىنشى 100 جىلدىق كۇرەس نىساناسىنىڭ جاڭا جورىعىندا تاماشا باستاما جۇزەگە استى.

ءماجىلىس بىلاي دەپ قارادى: اماليات ارقىلى ءبىز جاڭا جاعدايداعى ەكونوميكالىق قىزمەتتى ويداعىداي ىستەۋ جونىندە تاعى دا جاڭا تانىم جانە تۇسىنىككە يە بولدىق: ءسوز جوق، ەكونوميكالىق كومەسكى كۇشتى تولىق اشۋ، ءسوز جوق، ساياساتتىق قولداۋ مەن رەفورما جاساۋدى، جاڭالىق اشۋدى قاتار جۇرگىزۋگە تاباندى بولۋ، ءسوز جوق، ”جانداندىرۋ“ مەن ”ويداعىداي باسقارۋعا“ كەپىلدىك ەتۋ، ءسوز جوق، قارجى قوسۋ مەن قارجىنى ادامىنا جۇمساۋدى تىعىز ۇشتاستىرۋعا تاباندى بولۋ، ءسوز جوق، ىشكى شەبەرلىك ارقىلى سىرتقى سىن - سايىسقا توتەپ بەرۋ كەرەك.

ءماجىلىس مىنالاردى اتاپ كورسەتتى: ەلىمىزدىڭ ەكونوميكالىق دامۋىندا كونە ماسەلەلەر، جاڭا سىن - سايىس ءالى دە از ەمەس، سىرتقى ورتانىڭ وزگەرىسىنىڭ ىقپالى تەرەڭدەپ، ەل ىشىندە قامداۋ قۋاتتى بولۋ، قاجەتسىنۋ ءالسىز بولۋ قايشىلىعى كورنەكتىلەنىپ، ءتۇيىندى سالالارداعى حاۋىپ - قاتەر مەن كومەسكى كىناراتتار ءبىرشاما كوبەيدى. مۇنىڭ كوبى دامۋ، بۇرىلىس جاساۋ بارىسىنداعى ماسەلەلەر، قۇلشىنۋ ارقىلى شەشۋگە بولادى، ەلىمىز ەكونوميكاسىنىڭ ۇزاق ۋاقىت جاقسارۋ تىرەكتىك شارت - جاعدايى مەن نەگىزگى بەتالىسى وزگەرگەن جوق. سەنىمدى بەكەمدەپ، ابزالدىقتان ويداعىداي پايدالانىپ، سىن - سايىسقا توتەپ بەرىپ، ەكونوميكانىڭ ورنىقتىلىق بارىسىندا جاقسارۋ بەتالىسىن ۇزدىكسىز بەكەمدەۋ، كەڭەيتۋ كەرەك.

ءماجىلىس مىنالاردى باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ەل ءىشى ەكونوميكالىق قىزمەتى مەن حالىقارالىق ەكونوميكا - ساۋدا كۇرەسىن اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياساتتاردى اتقارىپ، ساياساتتىڭ بولجامپازدىعىن، باعىتتامالىلىعىن، سايكەسىمدىلىگىن كۇشەيتىپ، ىشكى سۇرانىمدى ۇزدىكسىز كەڭەيتىپ، قامداۋدى ساپالىلاندىرىپ، مولشەرىن جانداندىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، بۇكىل ەل بويىنشا ءبىر تۇتاس ءىرى بازار قۇرىلىسىن ىشكەرىلەي ىلگەرىلەتىپ، ءتۇيىندى سالالارداعى حاۋىپ - قاتەردەن ۇزدىكسىز ساقتانىپ جانە ونى شەشىپ، جۇمىستاندىرۋدى، كاسىپورىندى، بازاردى، مەجەنى ورنىقتىرۋعا كۇش سالىپ، ەكونوميكانىڭ ساپاسى مەن مولشەرىن ۇتىمدى جوعارىلاتۋ مەن ۇيلەسىمدى ارتتىرۋدى جەبەپ، قوعامنىڭ جاراسىمدىلىعى مەن ورنىقتىلىعىن ساقتاپ، ”15 - بەسجىلدىق“ جوبانىڭ باستاماسىن جاقسى باستاۋ كەرەك.

ءماجىلىس مىنالاردى اتاپ كورسەتتى: كەلەر جىلعى ەكونوميكالىق قىزمەتتىڭ ساياساتتىق بەتالىسى جاعىندا، ورنىقتىلىق بارىسىندا ىلگەرىلەۋگە، ساپانى جوعارىلاتىپ، ونىمدىلىكتى ارتتىرۋعا تاباندى بولىپ، ىركىندى ساياسات پەن ارتقان ساياساتتىڭ شوعىرلى اسەرىن ساۋلەلەندىرىپ، كەرى پەريود پەن پەريود اتتاعان رەتتەۋ تەبىنىن ارتتىرىپ، ماكرولىق ەكونوميكانى جونگە سالۋ ونىمدىلىگىن جوعارىلاتۋ كەرەك. اناعۇرلىم بەلسەندى قازىنا ساياساتىن ۇزدىكسىز اتقارۋ كەرەك. قاجەتتى قازىنالىق قىزىل سيفردىڭ، قارىزدىڭ جالپى كولەمى مەن شىعىستىڭ جالپى مولشەرىن ساقتاپ، قازىنانى عىلمي باسقارۋدى كۇشەيتىپ، قازىنالىق شىعىس قۇرىلىمىن ساپالىلاندىرىپ، باجىدا جەڭىلدىك بەرۋ، قازىنالىق قوسىمشا قاراجات بەرۋ ساياساتىن ارناعا ءتۇسىرۋ كەرەك. جەرگىلىكتى ورىنداردىڭ قازىنا قيىنشىلىعىن شەشۋگە ءمان بەرىپ، نەگىزگى ساتىلارداعى ”ءۇشتى قامتاماسىزداندىرۋدىڭ“ تومەنگى شەگىن بەكەمدەۋ كەرەك. قازىنا - ەكونوميكا ءتارتىبىن قاتايتىپ، پارتيا، ۇكىمەت ورگاندارىنىڭ ۇنەمشىل تۇرمىس كەشىرۋىنە تاباندى بولۋ كەرەك. لايىقتى كەڭ اقشا ساياساتىن ۇزدىكسىز اتقارۋ كەرەك. ەكونوميكانىڭ ورنىقتى ارتۋىن جەبەۋدى، زات باعاسىنىڭ ۇيلەسىمدى جوعارىلاۋىن اقشا ساياساتىنىڭ ماڭىزدى ولشەمى ەتىپ، ولشەمدى تومەندەتۋ، ءوسىمدى تومەندەتۋ سياقتى كوپ ءتۇرلى ساياساتتىق قۇرالداردان يكەمدى، ءونىمدى پايدالانىپ، اقشا ساياساتىنىڭ جەتكىزىلۋ مەحانيزمىن ىركىلىسسىزدەندىرىپ، فينانس قۇرىلىمدارىن ىشكى سۇرانىمدى كەڭەيتۋ، عىلىم - تەحنيكادا جاڭالىق جاراتۋ، ورتا، شاعىن، ۇساق كاسىپورىندار سياقتى ءتۇيىندى سالالاردى كۇش سالا قولداۋعا جەتەكتەۋ كەرەك. حالىق اقشاسى سىندىرىلىمىنىڭ ۇيلەسىمدى، تەپە - تەڭ ورەدەگى نەگىزگى ورنىقتىلىعىن ساقتاۋ كەرەك. ماكرولىق ساياسات بەتالىسىنىڭ بىردەيلىگى مەن ونىمدىلىگىن كۇشەيتۋ كەرەك. ءتۇرلى ەكونوميكالىق ساياساتتار مەن بەي ەكونوميكالىق ساياساتتار، ىركىندى ساياساتتار جانە ارتقان ساياساتتاردى ماكرولىق ساياساتتىڭ بەتالىسىن ءبىرىڭعاي باعالاۋعا ەنگىزۋ كەرەك. مەجەلى باسقارۋ مەحانيزمىن اقاۋسىزداندىرىپ، قوعامدىق سەنىمدى سەرپىلتۋ كەرەك.

ءماجىلىس كەلەر جىلعى ەكونوميكالىق قىزمەتتە مىناداي ءتۇيىندى مىندەتتەردى ويداعىداي يگەرۋدى تۇراقتاندىردى.

ءبىرىنشى، ىشكى سۇرانىمدى جەتەكشى ەتۋگە تاباندى بولىپ، قۋاتتى ەل ءىشى بازارىن قۇرۋ. تۇتىنۋدى سەرپىلتۋ ارناۋلى ارەكەتىن ىشكەرىلەي اتقارىپ، قالا - اۋىل تۇرعىندارىنىڭ كىرىسىن ارتتىرۋ جوسپارىن جاساپ اتقارۋ. ساپالى تاۋارلارمەن جانە قىزمەت وتەۋمەن قامداۋدى كەڭەيتۋ. ”ەكى جاڭا“ ساياساتىن اتقارۋدى ساپالىلاندىرۋ. تۇتىنۋ سالاسىنداعى ۇيلەسىمسىز شەكتەۋ شارالارىن اداقتاپ، قىزمەت وتەۋ تۇتىنۋىنىڭ كومەسكى كۇشىن اشۋ. قارجىلاندىرۋدىڭ قۇلدىراۋدان توقتاۋىن جانە ورنىعۋىن جەبەپ، ورتالىقتىڭ مەجە ەسەبىندەگى قارجىلاندىرۋ كولەمىن لايىقتى ارتتىرىپ، ”ەكى كەلەلى“ نىسانداردىڭ اتقارىلۋىن ساپالىلاندىرىلىپ، جەرگىلىكتى ۇكىمەتتەردىڭ ارناۋلى زايومنان پايدالانۋ ورنىن باسقارۋدى ساپالىلاندىرىپ، جاڭاشا ساياساتتىق فينانس قۇرالدارىنىڭ رولىن ۇزدىكسىز ساۋلەلەندىرىپ، حالىقتىق قارجىلاندىرۋدىڭ ومىرشەڭدىگىن ۇتىمدى ارتتىرۋ. قالانىڭ جاڭالانۋىن جوعارى ساپامەن ىلگەرىلەتۋ.

ەكىنشى، جاڭالىق اشۋ ارقىلى دەم بەرۋگە تاباندى بولىپ، جاڭا قوزعاۋشى كۇشتى جەدەل جەتىلدىرۋ جانە ۇلعايتۋ. وقۋ - اعارتۋ، عىلىم - تەحنيكا دارىندىلارىن دامىتۋدى ءبىر تۇلعالاندىرىپ ىلگەرىلەتۋ جوباسىن جاساۋ. بەيجيڭ (بەيجيڭ - تيانجين - حىبەي)، شاڭحاي (چاڭجياڭ اتىراۋى)، گۋاڭدۇڭ - شياڭگاڭ - اۋمىن ۇلكەن شىعاناق رايونى حالىقارالىق عىلىم - تەحنيكادا جاڭالىق جاراتۋ ورتالىعىن قۇرۋ.

كاسىپورىنداردىڭ جاڭالىق اشۋداعى نەگىزگى تۇلعالىق ورنىن كۇشەيتىپ، جاڭادان گۇلدەنگەن سالالارداعى ءبىلىم مەنشىك ۇقىعىن قورعاۋ ءتۇزىمىن كەمەلدەندىرۋ. قىزمەت وتەۋ كاسىبىنىڭ قۋاتىن ۇلعايتۋ، ساپاسىن جوعارىلاتۋ ارەكەت جوباسىن جاساۋ. جاڭا كەزەكتى ءتۇيىندى كاسىپ سالاسى تىزبەگىنىڭ جوعارى ساپالى دامۋ ارەكەتىن اتقارۋ. ”جاساندى زەردە +“ دى ىشكەرىلەي كەڭەيتىپ، جاساندى زەردەمەن جونگە سالۋدى كەمەلدەندىرۋ. عىلىم - تەحنيكاعا فينانستىق قىزمەت وتەۋدە جاڭالىق جاراتۋ.

ءۇشىنشى، رەفورمادا قامال الۋعا تاباندى بولىپ، جوعارى ساپالى دامۋدىڭ قوزعاۋشى كۇشىن، ومىرشەڭدىك كۇشىن كۇشەيتۋ. مەملەكەت بويىنشا بىرلىككە كەلگەن ءىرى بازار قۇرىلىسى ەرەجەسىن جاساپ، ”قاراتالاسۋ ۇلگىسىندەگى“ باسەكەنى ىشكەرىلەي جونگە سالۋ. مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن ونان ارى تەرەڭدەتۋ جوباسىن جاساپ جانە اتقارىپ، حالىقتىق شارۋاشىلىقتى جەبەۋ زاڭىنىڭ سايكەستى زاڭ - ەرەجەلەرى مەن ساياساتتارىن كەمەلدەندىرۋ. كاسىپورىنداردىڭ كەشىكتىرىلگەن قارىز اقشاسىن جەدەل اداقتاۋ. تۇعر كاسىپورىندارى مەن تۇعىر ىشىندەگى تيجاراتشىلاردىڭ، ەڭبەكشىلەردىڭ تەڭ يگىلىككە كەنەلىپ دامۋىن ىلگەرىلەتۋ. ماڭىزدى فاكتورلاردى بازارلاندىرۋ رەفورماسىن تۇيىندە سىناق ەتۋدى كەڭەيتۋ. جەرگىلىكتى باجى جۇيەسىن اقاۋسىزداندىرۋ.

ورتا، شاعىن فينانس قۇرىلىمدارىنىڭ مولشەردى ازايتىپ، ساپانى جوعارىلاتۋىن ىشكەرىلەي ىلگەرىلەتىپ، كاپيتال بازارىنىڭ جالپىلىق رەفورماسىن ۇزدىكسىز تەرەڭدەتۋ.

ءتورتىنشى، سىرتقا ەسىك اشۋعا تاباندى بولىپ، كوپ سالادا سەلبەسىپ تەڭ يگىلىككە كەنەلۋدى ىلگەرىلەتۋ. تۇزىمدىك ەسىك اشۋدى ورنىقتى ىلگەرىلەتىپ، قىزمەت وتەۋ سالاسىنداعى دەربەس ەسىك اشۋدى ءتارتىپتى كەڭەيتىپ، ەركىن ساۋدا سىناق رايونىنىڭ ورنالاسۋ كولەمىن ساپالىلاندىرىپ، حاينان ەركىن ساۋدا پورتى قۇرىلىسىن تىڭعىلىقتى ىلگەرىلەتۋ. ساۋداعا قارجى قوسۋدى ءبىر تۇلعالاندىرۋدى، ىشكى - سىرتقى ساۋدانى ءبىر تۇلعالاندىرىپ دامىتۋدى ىلگەرىلەتۋ. قىزمەت وتەۋ ەكسپورتىنا قولداۋ كورسەتىپ، سيفرلى ساۋدا، جاسىل ساۋدانى بەلسەنە دامىتۋ. شەتەل ساۋداگەرلەرىنىڭ قارجى قوسۋىن جەبەۋ ءتۇزىلىس، مەحانيزمى رەفورماسىن تەرەڭدەتۋ. شەتەلدەردەگى جالپىلىق قىزمەت وتەۋ جۇيەسىن كەمەلدەندىرۋ.

”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ. اناعۇرلىم كوپ وڭىرلىك جانە ەكى جاقتى ساۋداعا قارجى قوسۋ كەلىسىمىن اقىلداسىپ جاساۋدى ىلگەرىلەتۋ.

بەسىنشى، سايكەستى دامۋعا تاباندى بولىپ، قالا مەن اۋىلدىڭ توعىسۋىن جانە وڭىرلىك ىقپالداستىقتى جەبەۋ. اۋدان ورتالىعىن ماڭىزدى دانەكەر ەتكەن قالا - قالاشىقتاندىرۋ قۇرىلىسى مەن اۋىل - قىستاقتى جاپپاي گۇلدەندىرۋدى ءبىر تۇتاس جوسپارلاپ ىلگەرىلەتىپ، اۋدان ءوڭىرى ەكونوميكاسىنىڭ جوعارى ساپالى دامۋىن ىلگەرىلەتۋ. ەگىستىك جەردىڭ قىزىل سىزىعىن قاتاڭ ساقتاپ، استىق ءوندىرىسىن تيتتەي دە بوساڭسىتپاي مىقتى يگەرىپ، استىق سياقتى ماڭىزدى اۋىل شارۋاشىلىق ونىمدەرىنىڭ باعاسىن ۇيلەسىمدى دەڭگەيدە ساقتاۋدى جەبەۋ. كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، ۇدايىلانعان كومەكتەسۋ - سۇيەمەلدەۋدى اۋىل - قىستاقتى گۇلدەندىرۋ ستراتەگياسىنا ەنگىزىپ، ءبىر تۇتاس جوسپارلاپ اتقارىپ، كولەمدى قايتا كەدەيلەسۋدەن، كەدەيلەسۋ تۋىلماۋ تومەنگى شەگىن بەكەمدەۋ. ەكونوميكالىق ءىرى ولكەلەردىڭ اۋىر جۇك ارقالاۋىنا قولداۋ كورسەتۋ. ءتۇيىندى قالالار شوعىرىنىڭ سايكەسىمدىلىگىن، ىقپالداستىعىن كۇشەيتىپ، اكىمشىلىك رايون اتتاعان سەلبەستىكتى تەرەڭدەتۋ.

نەگىزگى شىعاناقتاردىڭ جالپى تۇلعالىق جوباسىن كۇشەيتىپ، تەڭىز - مۇحيت ەكونوميكاسىنىڭ جوعارى ساپالى دامۋىن ىلگەرىلەتۋ.

التىنشى، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ ارقىلى جەتەكشىلىك ەتۋگە تاباندى بولىپ، جاپپاي جاسىل تيپكە بۇرىلىس جاساۋدى ىلگەرىلەتۋ. ءتۇيىندى سالالاردا ەنەرگيانى ۇنەمدەپ، كومىر قىشقىل گازىن ازايتۋدى ىشكەرىلەي ىلگەرىلەتۋ. ەنەرگيادا قۋاتتى ەل قۇرۋ جوبا باعدارلاماسىن جاساپ، جاڭاشا ەنەرگيا جۇيەسى قۇرىلىسىن جەدەلدەتىپ، جاسىل ەلەكتردەن پايدالانۋدى كەڭەيتۋ. مەملەكەت بويىنشا كومىر قىشقىل گازىن شىعارۋ ۇقىعى ساۋدا بازارى قۇرىلىسىن كۇشەيتۋ. جاراقسىز قاتتى زاتتاردى جان - جاقتى جونگە سالۋ ارەكەتىن اتقارىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن ىشكەرىلەي جۇرگىزىپ، جاڭا لاس زاتتاردى جونگە سالۋدى كۇشەيتۋ. ”ءۇش تەرىستىك“ ينجەنەرياسىنان قامال الۋ شايقاسىن تىڭعىلىقتى ىلگەرىلەتىپ، تابيعي قورعالاتىن جەرلەردى بىرىكتىرۋ، ساپالىلاندىرۋ. اۋا رايىن باقىلاۋ - ولشەۋ، الدىن الا مالىمەت بەرۋ، ساقتاندىرۋ جۇيەسى قۇرىلىسىن كۇشەيتىپ، سولتۇستىك رايونداردىڭ تاسقىننان ساقتانۋ، تاسقىن ىعىستىرۋ، اپاتقا قارسى اتتانۋ نەگىزدىك قۇرىلعىلارىنداعى ولقىلىقتاردى جەدەل تولىقتاپ، سۇركەيلى اۋا رايىنا توتەپ بەرۋ قابىلەتىن جوعارىلاتۋ.

جەتىنشى، حالىق تۇرمىسىن بارىنشا جاقسارتۋعا تاباندى بولىپ، حالىق بۇقاراسى ءۇشىن ناقتى ىستەردى كوبىرەك ىستەۋ. جۇمىس ورنىن ورنىقتىرىپ، كولەمىن كەڭەيتىپ، ساپاسىن جوعارىلاتۋ ارەكەتىن اتقارىپ، جوعارى مەكتەپ بىتىرگەن وقۋشىلار، شارۋا جۇمىسكەرلەر سياقتى ءتۇيىندى قاۋىمنىڭ جۇمىستانۋىن ورنىقتىرىپ، يكەمدى جۇمىستانعانداردى، جاڭا جۇمىستانۋ فورماتسياسىنداعى ادامداردى جۇمىسشى - قىزمەتكەرلەردى قامسىزداندىرۋعا قاتىناسۋعا شابىتتاندىرۋ جانە قولداۋ كورسەتۋ. وقۋ-اعارتۋ بايلىعىنىڭ ورنالاستىرىلۋ قۇرىلىمىن رەتكە سالۋدى ىلگەرىلەتىپ، ادەتتەگى ورتا مەكتەپتەرگە عىلمي اتاق بەرۋدى جانە ساپالى جوعارى مەكتەپتەردىڭ تولىق كۋرسقا وقۋشى قابىلداۋىن كوبەيتۋ. ءدارى - دارمەكتى شوعىرلى ساتىپ الۋدى ساپالىلاندىرىپ، ەمدەۋ قامسىزداندىرۋىنىڭ تولەۋ ءتاسىلى رەفورماسىن تەرەڭدەتۋ.

ساۋىقتىرۋ، كۇتىمدەۋ كولەمىن كەڭەيتىپ، دەڭگەيىن جوعارىلاتۋ ينجەنەرياسىن اتقارىپ، ۇزاق ۋاقىت كۇتىمدەۋدى قامسىزداندىرۋ ءتۇزىمىن اتقارىپ، قيىنشىلىعى بار قاۋىمعا قامقورلىق جاساۋدى، كومەكتەسۋدى كۇشەيتۋ. بەلسەندى ۇيلەنۋ - بالالى بولۋ كوزقاراسىن دارىپتەپ، جاڭادان تۋىلعان بالالاردىڭ سانىن كۇش سالا ورنىقتىرۋ. ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، اپاتتان قۇتقارۋ، ازىق - تۇلىك، ءدارى - دارمەك حاۋىپسىزدىگى سياقتى قىزمەتتەردى تىڭعىلىقتى ىستەۋ.

سەگىزىنشى، تومەنگى شەكتى بەرىك ساقتاۋعا تاباندى بولىپ، ءتۇيىندى سالالارداعى حاۋىپ - قاتەردى بەلسەندى، ورنىقتى تۇردە شەشۋ. ءۇي - جاي بازارىن كۇش سالا ورنىقتىرىپ، قالا جاعدايىنا قاراي ساياسات قولدانىپ، ارتۋ مولشەرىن تىزگىندەۋ، قامبادا باسىلىپ قالۋدى ازايتۋ، ساپالى قامداۋ، ىركىندى تاۋار ۇيلەردى ساتىپ الىپ قامتاماسىزداندىرۋ سيپاتتى تۇرعىن ءۇي رەتىندە پايدالانۋ سياقتىلارعا شابىت بەرۋ.

تۇرعىن ءۇي الەۋمەتتىك قورى ءتۇزىمى رەفورماسىن تەرەڭدەتىپ، ”جايلى ءۇي“ قۇرىلىسىن تارتىپپەن ىلگەرىلەتۋ. ءۇي - جاي شارۋاشىلىعىن دامىتۋدىڭ جاڭا ۇلگىسىن قالىپتاستىرۋدى جەدەلدەتۋ. جەرگىلىكتى ۇكىمەتتەردىڭ قارىز حاۋىپ - قاتەرىن بەلسەندى، ءتارتىپتى تۇردە شەشىپ، جەر - جەردىڭ قارىزدى ىرىقتىلىقپەن قايتارۋىنا قۋزاۋشىلىق ەتۋ، بەلگىلەمەگە قايشىلىق جاساپ كومەسكى قارىزدى تىڭنان ارتتىرماۋ.

قارىزدى قايتا قۇرۋ جانە اۋىستىرۋ ءادىسىن ساپالىلاندىرىپ، جەرگىلىكتى ۇكىمەتتەردىڭ قارجى قۇراۋ تۇعىرىنداعى تيجاراتتىق قارىز حاۋىپ - قاتەرىن كوپ ءتۇرلى شارامەن ارىلتۋ.

ءماجىلىس مىنالاردى اتاپ كورسەتتى: يدەيا مەن ارەكەتتى پارتيا ورتالىق كوميتەتىنىڭ جاعداي جونىندەگى عىلمي تۇجىرىمىمەن سانالى تۇردە بىرلىككە كەلتىرىپ، ەلىمىز دامۋىنىڭ ۇلكەن اۋقىمىن يگەرىپ، بولاشاق دامۋعا دەگەن سەنىمدى بەكەمدەۋ كەرەك. كەلەر جىلعى ەكونوميكالىق قىزمەتتىڭ جالپى تالابى مەن ساياساتتىق بەتالىسىن جاپپاي دايەكتىلەندىرىپ، بەلسەندى، سىندارلى نىسانا بەتالىسىنان جازباي، ورىن تەپكەن قيىنشىلىقتار مەن ماسەلەلەردى كۇش سالا شەشىپ، ساپاسىن، ونىمدىلىگىن جوعارىلاتۋ جاعىندا اناعۇرلىم زور ناتيجەگە قول جەتكىزىپ، تۇرعىندار مەن كاسىپورىنداردىڭ تابىس سەزىمىن كۇشەيتۋ؛ رەفورما مەن ساياساتتىڭ سايكەسۋ اسەرىن كۇشەيتىپ، ەكونوميكالىق اينالىم مەن بازار مەجەسىنىڭ ۇزدىكسىز جاقسارۋىن ىلگەرىلەتۋ كەرەك. جالپى جاعداي اياسىندا كەلەر جىلعى ەكونوميكالىق قىزمەتتىڭ شەشۋشى كۇش سالۋ ءتۇيىنىن يگەرىپ، ەل ىشىندەگى ۇلكەن اينالىمدى كۇشەيتۋدى ارقاۋ ەتىپ، ىشكى سۇرانىستىڭ ارتۋىنداعى جاڭا كەڭىستىكتى كەڭەيتۋ؛ جاڭاشا وندىرگىش كۇشتى دامىتۋدى ارقاۋ ەتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن ىلگەرىلەتۋ؛ جوعارى ساپالى دامۋدىڭ قوزعاۋشى كۇشىن، ومىرشەڭدىك كۇشىن قاۋلاتۋدى ارقاۋ ەتىپ، رەفورمانى تاباندىلىقپەن تەرەڭدەتىپ، ەسىك اشۋدى كەڭەيتۋ؛ حالىق تۇرمىسىنىڭ قۇت - ىرىسىن ۇزدىكسىز ارتتىرۋدى ارقاۋ ەتىپ، حالىق تۇرمىسىن قامتاماسىز ەتۋ جانە جاقسارتۋ تەبىنىن ارتتىرۋ؛ حاۋىپسىزدىك تومەنگى شەگىن بەرىك ساقتاۋدى ارقاۋ ەتىپ، ءتۇيىندى سالالارداعى حاۋىپ - قاتەردى شەشۋدى ورنىقتى ويداعىداي ىستەۋ كەرەك.

ءماجىلىس مىنالاردى باسا دارىپتەدى: پارتيانىڭ ەكونوميكالىق قىزمەتكە جاپپاي باسشىلىعىن كۇشەيتىپ، ءبىر تۇتاس ەرىك - جىگەر مەن قۋاتتى بىرىككەن كۇش قالىپتاستىرۋ كەرەك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، جەر - جەر، تاراۋلار ءىس جۇزىندىك جاعدايمەن ۇشتاستىرىپ، جەرگىلىكتى جاعدايعا قاراي ىستەپ، پارتيا ورتالىق كوميتەتىنىڭ كەلەر جىلعى ەكونوميكالىق قىزمەت جونىندەگى وي جەلىسىن، مىندەتىن، ساياساتىن جاپپاي تياناقتاندىرۋ كەرەك. دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، حالىق ءۇشىن ساياسي ناتيجە شىعارۋعا، ناقتى ءىس ىستەۋ ارقىلى ساياسي ناتيجە شىعارۋعا تاباندى بولىپ، سانالى تۇردە زاڭدىلىق بويىنشا ىستەپ، پارىقتى تەكسەرۋ - باعالاۋ جۇيەسىن كەمەلدەندىرۋ كەرەك. پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ «ۇسىنىسى» بويىنشا مەملەكەت پەن جەرگىلىكتى ورىنداردىڭ ”15 - بەسجىلدىق“ جوباسىن جانە ارناۋلى جوباسىن جاساپ، جوعارى ساپالى، باياندى دامۋدى ىلگەرىلەتۋ كەرەك. تاماشا ساياسي ورتا، دارىندىلار ورتاسى، تيجارات - ساۋدا ورتاسى، قوعامدىق پىكىر ورتاسى سياقتىلاردى قالىپتاستىرىپ، ساياساتتى ۇگىتتەۋدى، ءتۇسىندىرۋدى كۇشەيتىپ، قوعامنىڭ وڭ ەنەرگياسىن تولىق قاۋلاتۋ كەرەك.

ءماجىلىس مىنالاردى تالاپ ەتتى: جىل سوڭى، جىل باسىنداعى ماڭىزدى حالىق تۇرمىسى تاۋارلارىمەن قامداۋعا كەپىلدىك ەتۋ قىزمەتىن ويداعىداي ىستەپ، قيىنشىلىعى بار بۇقارانىڭ ءوندىرىسى مەن تۇرمىسىنا كوڭىل ءبولىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك.

ءماجىلىس بۇكىل پارتيانى، بۇكىل قوعامدى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇدىرىقتاي جۇمىلىپ، ۇدەرە العا تارتىپ، كەلەر جىلعى ەكونوميكالىق، قوعامدىق دامۋدىڭ نىسانا مىندەتتەرىن قۇلشىنا جۇزەگە اسىرىپ، ”15 - بەسجىلدىقتىڭ“ جاقسى باستالۋىنا، ءساتتى قادام تاستاۋعا كەپىلدىك ەتۋگە ۇندەدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، ورتالىق اسكەري ىستەر كوميتەتى ءتوراعاسىنىڭ ورىنباسارلارى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار، سونداي - اق ورتالىق اسكەري ىستەر كوميتەتىنىڭ مۇشەلەرى قاتارلىلار ماجىلىسكە قاتىناستى.

ءارقايسى ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىقتىڭ باسقارۋىنداعى ءىشىنارا فينانس قۇرىلىمدارى مەن كاسىپورىندارداعى، ورتالىق اسكەري ىستەر كوميتەتى ورگانىنىڭ ءارقايسى تاراۋلارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى.