ۋاڭ بيڭچيان جولداستىڭ سۇيەگى گۋاڭجوۋدا ورتەلدى

شينحۋا اگەنتتىگى، 12 - ايدىڭ 14 - كۇنى، گۋاڭجوۋ. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن ادال كوممۋنيزم جاۋىنگەرى، پرولەتاريات توڭكەرىسشىسى، ەلىمىزدىڭ قازىنا - ەكونوميكا شەبىنىڭ جانە سوتسياليستىك زاڭ - ءتۇزىم قۇرىلىسىنىڭ كورنەكتى باسشىسى، مەملەكەتتىك كەڭەستىڭ بۇرىنعى مۇشەسى، 8 - كەزەكتى مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ بيڭچيان جولداستىڭ سۇيەگى 12 - ايدىڭ 14 - كۇنى گۋاڭدۇڭ گۋاڭجوۋ قالاسىنداعى جەرلەۋ ورنىندا ورتەلدى.

ۋاڭ بيڭچيان جولداس ناۋقاس سەبەبىنەن 2025 - جىلى 12 - ايدىڭ 8 - كۇنى ساعات 3 تەن 35 مينۋت وتكەندە گۋاڭدۇڭدا 100 جاسىندا قايتىس بولدى.

ۋاڭ بيڭچيان جولداستىڭ ناۋقاسى اۋىرلاعان كەزدە جانە قايتىس بولعاننان كەيىن شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن ۋاڭ بيڭچيان جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى.

جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي قاتارلىلار 12 - ايدىڭ 14 - كۇنى گۋاڭجوۋ قالاسىنداعى جەرلەۋ ورنىنا ارناۋلى بارىپ، ۋاڭ بيڭچيان جولداستىڭ سۇيەگىمەن قوشتاستى ءارى تۋىس - تۋعاندارىنان حال سۇرادى.

12 - ايدىڭ 14 - كۇنى تۇستەن بۇرىن گۋاڭجوۋ قالاسىنداعى جەرلەۋ ورنى قايعىلى جىم - جىرت كۇيگە ەندى، ازالى مۋزىكا باياۋ تولقىپ تۇردى. زالدىڭ ءتورىنىڭ جوعارعى جاعىنا ”اڭ بيڭچيان جولداسقا قايعىلى ازا بىلدىرەمىز“ دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا ۋاڭ بيڭچيان جولداستىڭ سۋرەتى قويىلعان. ۋاڭ بيڭچيان جولداستىڭ سۇيەگىنىڭ اينالاسىنا الۋان گۇلدەر مەن ارشالار قويىلىپ، سۇيەگىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.

تۇستەن بۇرىن ساعات 9 مولشەرىندە جاۋ لىجي قاتارلىلار ازالى مۋزىكا ءۇنى ىشىندە ۋاڭ بيڭچيان جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، ۋاڭ بيڭچيان جولداستىڭ سۇيەگىنە 3 رەت تاعزىم ەتتى ءارى ۋاڭ بيڭچيان جولداستىڭ تۋىس - تۋعاندارىمەن ءبىر - بىرلەپ قول الىسىپ، باس شۋجي شي جينپيڭ قاتارلى ورتالىقتاعى باسشى جولداستاردىڭ شىنايى سالەمىن جەتكىزدى.

پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاستى نەمەسە ءتۇرلى فورمالارمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جانە گۋاڭدۇڭ ولكەسىندەگى جاۋاپتى جولداستار، ۋاڭ بيڭچيان جولداستىڭ كوزى تىرىسىندەگى دوس - جاراندارى مەن اۋىلداستارىنىڭ ۋاكىلدەرى دە سۇيەكپەن قوشتاستى.

كەلۋ قاينارى: حالىق تورابى