مەملەكەت ءتوراعاسى شي جينپيڭ 2026 ـ جىلعى جاڭا جىلدى قۇتتىقتاۋ ءسوزىن سويلەدى 

جاڭا جىل قارساڭىندا مەملەكەت ءتوراعاسى شي جينپيڭ ورتالىق راديو ـ تەلەۆيزيا باس ستانسياسى جانە ينتەرنەت ارقىلى 2026 ـ جىلعى جاڭا جىلدى قۇتتىقتاۋ ءسوزىن سويلەدى.

□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

شينحۋا اگەنتتىگىنىڭ 12 ـ ايدىڭ 31 ـ كۇنى بەيجيڭنەن بەرگەن حابارى. جاڭا جىل قارساڭىندا مەملەكەت ءتوراعاسى شي جينپيڭ ورتالىق راديو ـ تەلەۆيزيا باس ستانسياسى جانە ينتەرنەت ارقىلى 2026 ـ جىلعى جاڭا جىلدى قۇتتىقتاۋ ءسوزىن سويلەدى. تولىق مازمۇنى تومەندەگىدەي:

كوپشىلىك سالەمەتسىزدەر مە! جىلدار الماسىپ، جاڭالىقتار تولاسسىز جارىققا شىعۋدا. جاڭا جىل كەلۋ بايلانىسىمەن مەن بەيجيڭدە كوپشىلىككە ىزگى تىلەك جولدايمىن.

2025 ـ جىل «14 ـ بەسجىلدىق» اياقتالاتىن جىل. 5 جىلدان بەرى، ءبىز قايراتتانا العا ۇمتىلىپ، قايسارلىقپەن العا باسىپ، قات ـ قابات قيىنشىلىقتار مەن سىن ـ سايىستاردى جەڭىپ، نىسانا ـ مىندەتتەردى تولىق ورىنداپ، جۇڭگو ۇلگىسىندەگى وسىزامانداندىرۋ جاڭا جورىعىندا ورنىقتى قادام تاستادىق. ەلىمىز ەكونوميكاسىنىڭ جالپى مولشەرى ءۇرتىس جاڭا وتكەلدەردەن ءوتتى، بيىل 140 تريلليون يۋانعا جەتەتىندىگى مەجەلەندى، ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، مەملەكەت قورعانىسى ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلدى، تۇنىق سۋ، جاسىل تاۋ كوز تارتاتىن نەگىزگى تۇسكە اينالدى، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. 5 جىلدىق بارىس توتەنشە وزگەشە بولدى، ناتيجەگە وڭاي ـ وسپاق قول جەتكەن جوق. كوپشىلىك ەرلىكپەن العا باسىپ، ەڭبەك ەتىپ ۇلەس قوسىپ، كۇن سايىن گۇلدەنىپ ـ كوركەيگەن جۇڭگونى سومدادى. مەن قاجىرلىلىقپەن ۇلەس قوسقان ءاربىر كۇرەسكەرگە قۇرمەت بىلدىرەمىن!

وسى جىلدا مىناداي ۇمىتىلماس ساتتەر بولدى: ءبىز جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن سالتاناتپەن ەسكە تۇسىردىك، تايۋان قايتارىپ الىنعاندىعىن ەسكە ءتۇسىرۋ كۇنىن بەلگىلەدىك. مەملەكەتتىڭ سالتاناتتى قيمىلى ايبىندى، اسقاق وتكىزىلىپ، جەڭىس داڭقى تاريحقا ماڭگى جازىلىپ، جۇڭحۋا ۇلاندارىن تاريحتى ەستە بەرىك ساقتاپ، ارداگەر قۇربانداردى ساعىنا ەسكە الىپ، بەيبىتشىلىكتى قاستەرلەپ، بولاشاق جاراتۋعا جىگەرلەندىرىپ، جۇڭحۋا ۇلتىنىڭ ۇلى گۇلدەنۋىنىڭ تەلەگەي ۇلى كۇشىن ۇيىستىردى.

ءبىز جاڭالىق اشۋعا سۇيەنىپ جوعارى ساپالى دامۋعا قۋات ۇستەدىك. عىلىم ـ تەحنولوگيا مەن كاسىپ سالاسى ىشكەرىلەي توعىسىپ، جاڭالىق اشۋ جەتىستىكتەرى تولاسسىز جارىققا شىعىپ، جاساندى زەردە ۇلكەن مودەلدەرى جارىسا دامىپ، چيپتى دەربەس زەرتتەپ اشۋدا تىڭ ناتيجەگە قول جەتكىزدىك، ەلىمىز جاڭالىق اشۋ قۋاتى ەڭ تەز ارتقان ەكونوميكالىق تۇلعالاردىڭ بىرىنە اينالدى. تيانۋىن — 2 ”جۇلدىز ارالاۋ“ ساپارىن باستادى، يارلۇڭزاڭبو وزەنىنىڭ تومەنگى اعارىنداعى سۋ ەلەكتر ينجەنەرياسىنىڭ قۇرىلىسى باستالدى، تۇڭعىش ەلەكتروماگنيتتىك سەرىپپەلى ۇشىرۋ تۇرپاتتى اۋياماتكا رەسمي قوسىنعا كىردى. ادام ءپىشىندى قۇلتەمىر ”گۇڭفۋ ۇلگىسىن“ ايگىلەدى، ۇشقىش اپپاراتتار كوركەم ”جارقىلداق“ كورىنىسىن قالىپتاستىردى. جاڭالىق، جاسامپازدىق جاڭاشا وندىرگىش كۇشتەردى تۋىنداتىپ، تۇرمىستى دا بارعان سايىن ارلەندىرە ءتۇستى.

ءبىز مادەنيەت ارقىلى رۋحاني مەكەندى نارلەندىردىك. مادەني ەسكەرتكىش مۇراجايى ورلەۋى، بەيزاتتىق مادەنيەت مۇرالارى ورلەۋى ارتا ءتۇستى، دۇنيە جۇزىلىك مۇراعا تاعى دا جاڭا مۇشە قوسىلدى، ۋكۇڭ مەن نىجا الەمگە تانىلدى، بايىرعى سلوپتاعى جۇڭگو ۇلگىسى جاستاردىڭ نازارىنداعى ”ەڭ تاماشا ەستەتيكاعا“ اينالدى. مادەنيەت ـ ساياحات بازارى كۇسەتتەنىپ، ”قالا ەرەن دوپ جارىسى“، ”قىستاق ەرەن دوپ جارىسى“ دابىرالى وتكىزىلدى، قار ـ مۇز سپورتى قىستاعى قىزۋ سەزىمدى لاۋلاتتى. ءداستۇر مەن وسى زامان ءوزارا توعىسىپ، جۇڭحۋا مادەنيەتى اناعۇرلىم كوركەم نۇر ـ شۇعىلا شاشتى.

ءبىز تاماشا تۇرمىسقا بىرگە جەتىپ، بىرگە يگىلىكتەندىك. مەن شيزاڭعا، شينجياڭعا بارىپ قۇتتىقتاۋ قيمىلدارىنا قاتىناستىم، قارلى ۇستىرتتەن تيانشان الابىنا دەيىن، ءار ۇلت بۇقاراسى تىلەكتەس، نيەتتەس بولىپ، اناردىڭ دانىندەي تىعىز ۇيىستى، كوپشىلىك كىرشىكسىز حادامەن، ىستىق ىقىلاستى ءان ـ بيمەن وتانعا تەرەڭ سۇيىسپەنشىلىگىن، باقىت جونىندەگى القاۋىن ءبىلدىردى. حالىق تۇرمىسىندا كىشى ـ گىرىم ءىس بولمايدى، بارلىق ىستە سۇيىسپەنشىلىكتى ايگىلەۋ كەرەك. وتكەن ءبىر جىلدا جاڭادان جۇمىستانعان قاۋىمنىڭ ۇقىق ـ مۇددەسى ونان ارى قامتاماسىزداندىرىلدى، قارتتارعا ۇيلەسىمدى ەتىپ جاڭالاۋ قارتتارعا قولايلىلىق تۋدىردى، ءسابي بالالارى بار وتباسىلارىنا اي سايىن 300 يۋان قوسىمشا قاراجات كوبەيتىپ بەرىلدى. كۇندەلىكتى تۇرمىس قاجەتى قامدالىپ، تۇرمىس قامى شەشىلىپ، ءاربىر ”شاعىن وتباسى“ باقىتتى تۇرمىس كەشىرىپ، جۇڭگو سىندى ”ۇلكەن شاڭىراق“ كۇن سايىن كوركەيىپ ـ گۇلدەندى.

ءبىز قۇشاعىمىزدى ۇزدىكسىز ايقارا اشىپ دۇنيەمەن قاۋىشتىق. شاڭحاي سەلبەستىك ۇيىمى تيانجين باسشىلار ءماجىلىسى، دۇنيە جۇزىلىك ايەلدەر ىستەرى باسشىلار ءماجىلىسى تابىستى وتكىزىلدى، حاينان ەركىن ساۋدا پورتى تۇتاس ارال بويىنشا كەدەن جابىق كۇيدە جۇمىس جۇرگىزدى، كليمات وزگەرىسىنە اناعۇرلىم ويداعىداي توتەپ بەرۋ ءۇشىن، ەلىمىز جاڭا ءبىر رەتكى مەملەكەتتىڭ دەربەس ۇلەس قوسۋ نىساناسىن جاريالادى. ”ءۇش ۇلكەن باستامادان“ كەيىن، مەن الەمدىك باسقارۋ باستاماسىن العا قويىپ، اناعۇرلىم ءادىل، ۇيلەسىمدى الەمدىك باسقارۋ جۇيەسىن ورناتۋدى جەبەدىم. بۇگىنگى دۇنيە قۇبىلمالى، قىم ـ قۋىت بولىپ، ءىشىنارا وڭىرلەر ءالى دە سوعىس ءورتىنىڭ وتىندە تۇر. جۇڭگو باستان ـ اياق تاريحتىڭ دۇرىس جاعىندا تۇرىپ، ءار ەلمەن قول ۇستاسا وتىرىپ دۇنيە ءجۇزىنىڭ بەيبىت دامۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.

تاياۋدا مەن مەملەكەتتىك سپورت جارىسىنىڭ اشىلۋ سالتىنا قاتىناستىم، گۋاڭدۇڭ - شياڭگاڭ - اۋمىن ءۇش جەردىڭ ءبىر نيەتپەن ارەكەتتەنۋى ادامدى سۇيىندىرەدى. ”ءبىر ەل، ەكى ءتۇزىم“ باعىتىن بۇلجىماي دايەكتىلەندىرىپ، شياڭگاڭنىڭ، اۋمىننىڭ مەملەكەتتىڭ دامۋ كەلەلى جاعدايىمەن اناعۇرلىم ويداعىداي توعىسىپ، ۇزاق ۋاقىت گۇلدەنىپ ـ كوركەيۋىن، ورنىقتىلىقتى ساقتاۋىن قولداۋ كەرەك. ەكى جاعالاۋداعى باۋىرلاستار ەتەنە تۋىسقاندار، وتاننىڭ بىرلىككە كەلۋ تاريحي ۇلكەن اۋقىمى بوگەۋ بەرمەيدى!

پارتيا گۇلدەنگەندە عانا مەملەكەت قۇدىرەتتەنەدى. ءبىز ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتىپ، سەنىمگە يە بولۋ شاراسى ارقىلى پارتيانى قاتاڭ باسقارىپ، قاتاڭ جونگە سالىپ، دەرتتى الاستاپ، دەنەنى قالپىنا كەلتىرىپ، وزىنە ـ ءوزى توڭكەرىس جاساۋدى ىلگەرىلەتىپ، پارتيا ستيلىن، ۇكىمەت ستيلىن ۇزدىكسىز جاقسارتتىق. اۋەلگى ماقساتتى، بورىشتى نىعايتىپ، تاباندىلىق كورسەتىپ، ۇزدىكسىز ۇلەس قوسىپ، يان ـ انداعى ”جەر كەپە سۇراۋىنا“ ۇزدىكسىز ويداعىداي جاۋاپ بەرىپ، حالىق قالاۋىنان شىعاتىن ءداۋىر جاۋابىن جازۋىمىز كەرەك.

2026 ـ جىل ”15 ـ بەسجىلدىق“ باستالاتىن جىل. ءىستى ءساتتى باستاۋ ءۇشىن، ءسوز جوق، ونىڭ ناتيجەسىن ويلاستىرۋ، تابىسقا جەتۋ ءۇشىن الدىمەن جوسپار جاساۋ كەرەك. ءبىز نىسانا ـ مىندەتتەردى كوزدەپ، سەنىمدى بەكەمدەپ، قولايلى ساتتەن پايدالانىپ العا ۇمتىلىپ، جوعارى ساپالى دامۋدى تىڭعىلىقتى ىلگەرىلەتىپ، رەفورما جاساۋدى، ەسىك اشۋدى ونان ارى جاپپاي تەرەڭدەتىپ، جالپى حالىقتىڭ بىرگە بايۋىن جەبەپ، جۇڭگو كەرەمەتىنىڭ جاڭا تاراۋىن ۇزدىكسىز جازۋىمىز كەرەك.

ارمانعا تالپىنعاندار جولدى الىسسىنبايدى، الىس جولعا ارشىنداي قادام تاستايدى. ءبىز اتقا قونىپ، قامشى باساتىن ەرلىك جىگەرمەن ارىنداعان ومىرشەڭ كۇشتى تاسقىنداتىپ، ءبىر ءسات تە كىدىرمەيتىن تەبىندى ساقتاپ، بىرگە ارمان ءۇشىن كۇرەسىپ، باقىت ءۇشىن تالپىنىپ، ۇلى جوبانى تاماشا رەالدىققا اينالدىرايىق.

جاڭا جىلدىڭ نۇرلى تاڭى ارايلاپ اتۋ الدىندا تۇر. وتانىمىزدىڭ تاۋ ـ وزەندەرىنىڭ ايبىندى دا كوركەم، جەرىمىزدىڭ ىرىستى بولۋىن، بايتاق دالانىڭ شۇلەن شۇعىلاعا شومۋىن تىلەيمىن! كوپشىلىكتىڭ كۇندەرىنىڭ كوڭىلدى، كاسىپتەرىنىڭ ناتيجەلى، بارلىق ىستەرىنىڭ ويداعىداي بولۋىن تىلەيمىن!