شي جينپيڭ يرلانديانىڭ زۇڭليى مارتينمەن كەزدەستى

1 - ايدىڭ 5 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن يرلانديانىڭ زۇڭليى مارتينمەن كەزدەستى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

شينحۋا اگەنتتىگى، 1 - ايدىڭ 5 - كۇنى، بەيجيڭ (ءتىلشى دۇڭ شۋە). 1 - ايدىڭ 5 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن يرلانديانىڭ زۇڭليى مارتينمەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن يرلانديا بەيبىتشىلىكتى، اشىق، سيىسىمدى بولۋدى، ءوز كۇشىنە سۇيەنىپ العا باسۋدى سۇيەدى، ەكى ەل حالقى كۇرەس ارقىلى مەملەكەتتىڭ تاۋەلسىزدىگى مەن ۇلتتىڭ ازاتتىعىنا قول جەتكىزىپ، نەشە ۇرپاق ادامداردىڭ ۇزدىكسىز كۇرەس جاساۋىنا سۇيەنىپ وسىزاماندانۋعا قادام تاستادى. 2012 - جىلى ەكى ەل ءوزارا تيىمدىلىك جاساۋ ستراتەگيالىق سەرىكتەستىك قارىم - قاتىناسىن ورناتقاننان بەرى، ەكى جاقتى ساۋدا سوماسى 4 ەسەلەنىپ، ءوزارا قارجى قوسۋ بىركەلكى دامىپ، ەكى ەل حالقى قوس باعىتتا اتتانىپ، ءوز ەلدەرىنىڭ دامۋىنا دەم بەردى. ءوزارا قۇرمەت ەتۋ، تەڭ تۇرعىدا مامىلە جاساۋ، ءوزارا پايدا جەتكىزىپ، تەڭ يگىلىككە كەنەلۋ _ جۇڭگو - يرلانديا قارىم - قاتىناسىنىڭ ۇزاق ۋاقىت ورنىقتى دامۋىنىڭ باعالى تاجىريبەسى، ەكى جاق بىرگە مۇراگەرلىك ەتۋى جانە ساۋلەلەندىرۋى كەرەك. جۇڭگو جاق يرلانديا جاقپەن ستراتەگيالىق بايلانىستى كۇشەيتىپ، ساياسي سەنىمدىلىكتى تەرەڭدەتىپ، ناقتى سەلبەستىكتى كەڭەيتىپ، ەكى ەل حالقىنا باقىت جاراتىپ، جۇڭگو - ەۆروپا قارىم - قاتىناسىنا قوزعاۋشى كۇش قوسۋدى قالايدى.

شي جينپيڭ بىلاي دەپ باسا دارىپتەدى: جۇڭگو مەن يرلانديا ەكى جاق كوپ ساتىلى، كوپ سالالى دوستىق بارىس - كەلىستى ساقتاپ، قارىم - قاتىناس پەن ءتۇسىنىسۋدى ۇزدىكسىز كۇشەيتىپ، ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىنە كوڭىل ءبولىپ، ساياسي سەنىمدىلىكتى بەكەمدەپ، ەكى جاقتى قارىم - قاتىناستىڭ ساياسي نەگىزىن بەكەمدەۋى كەرەك. بيىل _ جۇڭگونىڭ ”15 - بەسجىلدىق“ جوباسىنىڭ باستاما جىلى، الداعى 5 جىلدا جۇڭگو جوعارى ساپالى دامۋدى ۇزدىكسىز ىلگەرىلەتىپ، جوعارى دەڭگەيدەگى سىرتقا ەسىك اشۋدى كەڭەيتەدى. جۇڭگو جاق يرلانديا جاقپەن ەكونوميكا - ساۋدا سەلبەستىگىن كۇشەيتىپ، جاساندى زەردە، سيفرلى ەكونوميكا، ەمدەۋ، ءدارى - دارمەك، دەنساۋلىق ساقتاۋ سياقتى سالالاردا دامۋ ستراتەگياسىن ۇشتاستىرىپ، قوس باعىتتا قارجى قوسۋدى جەبەپ، ابزالدىقتارىمەن ءبىرىن - ءبىرى تولىقتاپ، ورايدان بىرگە يگىلىكتەنىپ، بىرگە دامۋدى قالايدى. ەكى جاق وقۋ - اعارتۋ، مادەنيەت، ساياحات سەلبەستىگىن كۇشەيتىپ، حالىق تىلەگىنىڭ توعىسۋىن جەبەۋى كەرەك، ءتىپتى دە كوپ يرلانديا جاستارى مەن ورەندەرىنىڭ جۇڭگوعا كەلىپ ۇيرەنۋىن، اۋىس - كۇيىس جاساۋىن قارسى الامىز.

شي جينپيڭ بىلاي دەپ اتاپ كورسەتتى: قازىرگى دۇنيە بىلىقپالىق قاباتتاسىپ، سىڭار جاقتى زورەكەرلىك ارەكەتى حالىقارالىق تارتىپكە اۋىر سوققى بولىپ وتىر. ءار ەل باسقا ەل حالقىنىڭ دەربەس تاڭداعان دامۋ جولىنا قۇرمەت ەتۋى، حالىقارالىق زاڭ مەن بىرلەسكەن مەملەكەتتەر ۇيىمى ەرەجەسىنىڭ ماقساتى مەن پرينسيپىنە بويسۇنۋى، ءىرى ەلدەر ءتىپتى دە باستاماشى بولۋى كەرەك. جۇڭگو مەن يرلانديا كوپ جاقتىلىقتى قولداپ، حالىقارالىق ادىلدىك پەن ادىلەتتىلىكتى دارىپتەپ، حالىقارالىق ىستەردە سايكەسۋدى، سەلبەسۋدى كۇشەيتىپ، بىرلەسكەن مەملەكەتتەر ۇيىمىنىڭ بەدەلىن بىرگە قورعاپ، دۇنيە جۇزىلىك جونگە سالۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋى كەرەك. جۇڭگو مەن ەۆروپا ۇزاق بولاشاقتى كوزدە ۇستاپ، سەرىكتەستىك قارىم - قاتىناس ورنىنا تاباندى بولىپ، الاۋىزدىقتارعا وبيەكتيۆ، اقىلعا قونىمدى مامىلە جاساپ جانە ونى ءبىر جاقتى ەتىپ، سەلبەسىپ تەڭ يگىلىككە كەنەلۋگە تاباندى بولۋى كەرەك. يرلانديا سوڭعى جارتى جىلدا ەۆروپا وداعىنىڭ كەزەكتى ءتوراعا ەلى بولادى، جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىندا سىندارلى رول اتقارۋىنى ءۇمىت ەتەمىز.

مارتين مىنالاردى ءبىلدىردى: يرلانديا مەن جۇڭگونىڭ تەرەڭ دە ۇزاق دوستىعى بار، ەكى ەلدىڭ ەكونوميكا - ساۋدا سەلبەستىگى ۇزدىكسىز كۇشەيىپ، گۋمانيتارلىق اۋىس - كۇيىسى كۇن سايىن جيىلەي ءتۇستى. 2012 - جىلى ءتوراعا شي جينپيڭ يرلانديادا ءساتتى ساپاردا بولىپ، تاياۋ جىلداردان بەرگى يرلانديا مەن جۇڭگونىڭ ءوزارا تيىمدىلىك جاساۋ ستراتەگيالىق سەرىكتەستىك قارىم - قاتىناسىنا بەرىك نەگىز قالادى. جۇڭگو مەملەكەتتىڭ ۇزاق بولاشاقتىق دامۋ ستراتەگياسىن ءونىمدى جاساپ جانە اتقارىپ، كەلەلى تابىستارعا قول جەتكىزدى، مۇنىسى ادامدى ءتانتى ەتەدى. يرلانديا ءبىر جۇڭگو ساياساتىن باتىل اتقارىپ، ەكى ەلدىڭ ءوزارا تيىمدىلىك جاساۋ ستراتەگيالىق سەرىكتەستىك قارىم - قاتىناسىن كۇشەيتۋگە جانە دامىتۋعا كۇش سالادى، جۇڭگو جاقپەن ساۋدا، قارجى قوسۋ، عىلىم - تەحنيكا، بيولوگيالىق ءدارى - دارمەك، تۋىندامالى ەنەرگيا، جاساندى زەردە، وقۋ - اعارتۋ سياقتى سالالارداعى سەلبەستىكتى تەرەڭدەتۋدى قالايدى. جۇڭگو حالىقارالىق ىستەردە كەم بولسا بولمايتىن ماڭىزدى رول اتقارىپ، بىرلەسكەن مەملەكەتتەر ۇيىمىنىڭ بەدەلىن قورعاۋعا، دۇنيە ءجۇزىنىڭ بەيبىتشىلىگىن جەبەۋگە بەلسەندى ۇلەس قوسۋدا. ءارقانداي حالىقارالىق داۋ - شاردى شەشۋدە حالىقارالىق زاڭعا بويسۇنۋ كەرەك. يرلانديا جۇڭگو جاقپەن تىعىز قارىم - قاتىناستى، سايكەسۋدى ساقتاپ، حالىقارالىق زاڭدى قورعاپ، ەركىن، اشىق ساۋداعا تاباندى بولىپ، دۇنيە ءجۇزىنىڭ گۇلدەنۋى مەن ورنىقتىلىعىن جەبەۋدى قالايدى. ەۆروپا - جۇڭگو قارىم - قاتىناسىنىڭ ورنىقتى دامۋىن ساقتاۋ توتەنشە ماڭىزدى، يرلانديا ەۆروپا - جۇڭگو قارىم - قاتىناسىنىڭ اقاۋسىز دامۋىن ىلگەرىلەتۋدە سىندارلى رول اتقارۋدى قالايدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى