شيزاڭ ديڭرىداعى اپاتتان كەيىنگى قايتا قۇرۋدا ”سول جىلى قايتا قۇرۋ، سول جىلى كوشىپ كىرۋ“ ورىندالدى

شيزاڭنىڭ رىگازى قالاسى ديڭرى اۋدانى جاڭسۋ اۋىلى چاجياڭ قىستاعىندا شىت جاڭا قىزىل ءتۇستى زاڭزۋ ۇلگىسىندەگى شاعىن عيمارات سولاڭدوجيدىڭ ءۇيى. ءۇيدىڭ سىرتىندا ەڭ تومەن تەمپەراتۋرا نولدەن تومەن 20 سەلتسي گرادۋسقا تۇسكەنىمەن، ۇيدە بۋى بۇرقىراعان سارى مايلى شايدىڭ حوش ءيىسى اڭقيدى.

14 جاستاعى سولاڭدوجي جۇگىرىپ - سەكىرىپ، مارە - سارە بولىپ اسىرسالىپ ويناپ ءجۇر. ءبىر جىلدىڭ الدىندا، جەر سىلكىنگەن كەزدە ول قيراندىنىڭ استىندا كومىلىپ، ەكى اياعى سىنعان ەدى. قۇتقارۋشىلار قيراندىدان قۇتقارعان ءسات كۇنى بۇگىنگە دەيىن ونىڭ ەسىندە ساقتاۋلى.

”ەسەيگەننەن كەيىن ءورت وشىرۋشى بولىپ، ءتىپتى دە كوپ ادامعا كومەكتەسۋدى ارماندايمىن!“ سولاڭدوجي بولاشاققا زور ءۇمىت ارتىپ وتىر.

2025 - جىلى 1 - ايدىڭ 7 - كۇنى، ديڭرى اۋدانىندا 6.8 بال جەر سىلكىندى. باس شۋجي شي جينپيڭ وسكەلەڭ ءمان بەرىپ ءارى ماڭىزدى نۇسقاۋ بەرىپ بىلاي دەپ اتاپ كورسەتتى: ”ادامداردى ىزدەۋ، قۇتقارۋدى بار كۇشپەن ورىستەتىپ، جارالانعانداردى بار كۇشپەن قۇتقارىپ، ەمدەپ، ءولىم - ءجىتىمدى مۇمكىندىكتىڭ بارىنشا ازايتۋىمىز كەرەك“، ”بۇقارانىڭ نەگىزگى تۇرمىسىن ويداعىداي ورنالاستىرىپ، قىستان حاۋىپسىز، جىلى وتۋگە شىنايى كەپىلدىك ەتۋىمىز كەرەك“. 2025 - جىلى 8 - ايدا باس شۋجي شي جينپيڭ شيزاڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعاندا بىلاي دەپ اتاپ كورسەتتى: ”ديڭرى اۋدانىنىڭ اپاتتان كەيىنگى قايتا قۇرۋ قىزمەتىن ۇزدىكسىز ويداعىداي ىستەۋ كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شيزاڭ قات - قابات قيىنشىلىقتاردى جەڭىپ، قيراندىنىڭ ورنىنان جاڭا مەكەن قۇردى. ءبىر جىلدان بەرى، جيىنى 22 مىڭنان استام تۇرعىننىڭ ءۇيى قايتا سالىندى، اۋدانى 3 ميلليون 100 مىڭ شارشى مەتر كەلەتىن، 10 مىڭ 500 دەن استام تۇرعىن ءۇي جوندەلدى، بەكەمدەلدى.

پارتيا قۇرىلىسى جەتەكشى رول اتقاردى، نەگىزگى ساتى پارتيا ۇيىمى جاۋىنگەر قورعاندىق رولىن ساۋلەلەندىردى —

ساجا اۋدانى ساجا قالاشىعى شاربا الەۋمەتتىك اۋماعىندا ەرەكشە كوشە جولى بار، كوشەنىڭ ەكى جاعى اپاتتان كەيىنگى قايتا سالىنعان شىت جاڭا تۇرعىن ءۇي، ورتاسىنداعى جول كەڭ دە تەگىس، ەكى اۆتوموبيل قاتار قاتىنايدى.

بۇرىن ”جيم جولى“ دەپ اتالاتىن وسى شاعىن جولدىڭ كەڭدىگى ەكى مەتر عانا بولاتىن. ”قايتا قۇرۋ جوباسىنا ساي جول كەڭەيتىلەتىن بولدى، سونىمەن جول بويىنداعى تۇرعىندار كەيبىر قورا - جايلىق جەرلەرىن بوساتىپ بەردى“ دەدى ساجا اۋدانى اپاتتان كەيىنگى قايتا قۇرۋ بويىنشا قىستاقتى كوتەرمەگە الۋشى كادر اۋاڭراجيە.

3 پارتيا مۇشەسى باستاماشىلدىقپەن وزدەرىنىڭ ءبىر ءبولىم قورا - جايلىق جەرىن بوساتتى؛ اۋاڭراجيە پارتيا مۇشەلەرىن باستاپ ءۇي سايىن ارالاپ قىزمەت ىستەدى. ەڭ سوڭىندا 18 وتباسى تۇگەلدەي ”ءبىر مەترلىك“ جەرىن بوساتىپ بەردى.

لازى اۋدانى شيچين اۋىلى شيچين قىستاعىندا، ءبىر جىلدان بەرى، پارتيا مۇشەلەرى ەرىكتى قىزمەت وتەۋ اترەتىن ۇيىمداستىرىپ، ”قارتتار مەن سابيلەر“ ءۇشىن ءۇرتىس قىزمەت وتەدى، ”قيىنشىلىق قايدا بولسا، پارتيا مۇشەلەرى سوندا باردى“ دەدى قىستاق پارتيا ياچەيكاسىنىڭ شۋجيى پۋبۇزاشي.

اپاتتان كەيىنگى قايتا قۇرۋ قىزمەتى باستالعاننان بەرى، شيزاڭ جوعارىدان تومەنگە قاراي كوتەرمەگە الۋ، قۋزاۋ - جەتەكشىلىك ەتۋ جۇيەسىن ورناتتى، قالا اۋداندى، اۋدان اۋىلدى، اۋىل قىستاقتى كوتەرمەگە الدى، 836 قىستاق كادرى تۇگەلدەي نىسان قۇرىلىسى ناق مايدانىنا كىردى؛ رىگازى قالاسىندا قالا، اۋدان، اۋىل، قىستاق سىندى 4 دارەجەلى 6600 دەن استام پارتيالى كادر اپاتتان كەيىنگى قايتا قۇرۋدىڭ ءبىرىنشى شەبىندە كۇرەس جاسادى.

جۇرت تىلەگىنەن قورعان سوعىلىپ، اتا مەكەندى قايتا قۇرۋ جۇمىسىنا كوپتىڭ كۇشى جۇمىلدى —

جول تاسپاداي سالىنىپ، شاعىن عيماراتتار بوي تۇزەدى. فۋتبول الاڭىندا بالالار اسىر سالىپ ءجۇر. ديڭرى اۋدانى چاڭسو اۋىلى سىنگا قىستاعىنىڭ ءتۇرلى سايكەستى قۇرىلعىلارى كەمەلدەندى.

”شاڭحايلىق دوستار بىزگە جاڭا مەكەن قۇرىپ بەردى!“ قىستاق تۇرعىنى لوبۋمەن قۇرىلىس جۇرگىزۋشىلەر تەرەڭ دوستىق ورناتتى، ول قول قۋسىرىپ قاراپ وتىرماي كومەكتەسىپ قانا قالماي، قۇرىلىس اترەتى مەن جەرگىلىكتى قىستاق تۇرعىندارىنىڭ اۋدارماشىسى بولدى.

سىنگا قىستاعى ديڭرى جەر سىلكىنىسىندە اپات ەڭ اۋىر بولعان قىستاقتاردىڭ ءبىرى، شاڭحاي قالاسى وسى قىستاقتىڭ تۇتاس قىستاقتى قايتا قۇرۋ قىزمەتىن ۇستىنە الدى. ”ءبىز ءۇيدىڭ سىلكىنىسكە توتەپ بەرۋ جانە ودان ساقتانۋ ولشەمىن جوعارىلاتۋعا كۇش سالىپ قانا قويماي، جاسىل، جانعا جايلى وسىزاماندانعان جاڭا قىستاق قۇرۋعا دا كۇش سالدىق“ دەدى شاڭحاي قۇرىلىس توبى باس كوتەرمەگە الۋ ءبولىمى ينجەنەرياسىنىڭ باس باقىلاۋشىسى جۋاڭ ي - نۇڭ.

ءبىر جاق قيىنشىلىققا ۇشىراسا، جان - جاقتان كومەك بەردى.

جوبالاۋ باسقىشىندا، مەملەكەتتىك دامۋ جانە رەفورمالاۋ كوميتەتى، تۇرعىن ءٷي، اۋىل - قىستاق قۇرىلىسى مينيسترلىگى قاتارلى تاراۋلار جەتەكشىلىك ەتتى جانە مەدەت بەردى؛ جوبالاۋ تۇيىنىندە، شيزاڭ تۇڭجي داشۋەسى قاتارلى ورىنداردان 1000 نان استام كاسىپتىك تەحنيكا قىزمەتشىسىن جالپى بەتتىك قاتىناسۋعا ۇسىنىس ەتتى؛ قۇرىلىس جۇرگىزۋ مەزگىلىندە، بۇكىل مەملەكەتتىڭ ءار قايسى جەرلەرىنەن 134 كاسىپورىن، 2600 دەن ارتىق قۇرىلىس باسقارۋشى قىزمەتكەردى ۇسىنىس ەتتى، 61 مىڭنان استام قۇرىلىس جۇرگىزۋشى كۇندى تۇنگە جالعاپ ىستەپ، قاجىماي - تالماي شايقاس جۇرگىزدى.

كاسىپ سالاسى گۇلدەنىپ، بۇقارانىڭ تۇرمىسى بارعان سايىن جاقساردى —

قاقاعان ايازدا ديڭجيە اۋدانى دۇڭرى قىستاعى جەم - ءشوپ سەلبەستىك كووپەراتيۆىنىڭ زاۆود ۇيلەرىندە ماشينا گۇرىلدەپ، جەم - ءشوپ مانەرلەۋ ارقىلى رەتتى باۋ شوپتەرگە اينالدى.

دامۋ بولاشاعىنا كوز جىبەرسەك، قىستاق تۇرعىندارى ارت - ارتىنان سەلبەستىك كووپەراتيۆىنە جارنا قوستى. 2025 - جىلدىڭ سوڭىنا دەيىن، سەلبەستىك كووپەراتيۆىنىڭ ساتىلۋ سوماسى 650 مىڭ يۋاننان اسىپ، نەشە ونداعان قىستاق تۇرعىنىنىڭ كىرىسىن ارتتىردى.

كاسىپ گۇلدەنسە، حالىق تۇرمىسى ورنىقتى بولادى. رىگازى قالاسى اپاتقا ۇشىراعان اۋداننىڭ جەم - ءشوپ كاسىبى قۇرىلىسىن جوعارىلاتۋ نىسانىن جەدەل اتقارىپ، اپات تۋىلعان رايوننىڭ ءوزىن - ءوزى دامىتۋ قابىلەتىن ءونىمدى كۇشەيتتى.

بۇدان سىرت، رىگازى قالاسى جىلۋ ورنىنا جۇمىس بەرۋ، جۇمىسقا ورنالاستىرۋ ارقىلى سۇيەمەلدەۋ، تەحنيكالىق جاقتان تاربيەلەۋ سياقتى قىزمەتتەردى كۇش سالا ىلگەرىلەتىپ، اپاتقا ۇشىراعان رايونداعى بۇقارانى قيراندىنى تازالاۋ، جوندەۋ، بەكەمدەۋ سياقتى بۋىندارعا ات سالىسۋعا كەڭ كولەمدە جۇمىلدىرىپ، 110 مىڭ 500 ادامدى يگىلىككە كەنەلتىپ، ءبىر ميلليارد 164 ميلليون يۋان كىرىس كىرگىزىپ، اپاتقا ۇشىراعان رايونداعى بۇقارانىڭ تابىس سەزىمىن جوعارىلاتتى.

”باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ءبىز اپاتتان كەيىنگى قايتا قۇرۋ قىزمەتىن باستان - اياق ماڭىزدى ساياسي مىندەت جانە كەلەلى حالىق تۇرمىسى ينجەنەرياسى رەتىندە مىقتى، ناقتى يگەرىپ، ’سول جىلى قايتا قۇرۋ، سول جىلى قونىستانۋ‘ قىزمەت نىساناسىن جۇزەگە اسىردىق“ دەدى شيزاڭ اۆتونوميالى رايوندىق پارتكومنىڭ شۋجيى ۋاڭ جۇنجىڭ.

كەلۋ قاينارى: حالىق تورابى