قىزمەتكە ادام قابىلداۋ ينفورماتسياسى ارقىلى زاڭسىز تۇردە كورىلىمگە يە بولۋعا قاتاڭ تيىم سالىنادى

حالىق گازەتىنىڭ ءتىلشىسى چيۋ چاۋ – ي، شىن تۇڭرۇي 1 – ايدىڭ 13 – كۇنى بەيجيڭنەن حابارلايدى. ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى قاتارلى بەس تاراۋ جۋىردا «ينتەرنەت تەكشەسى ارقىلى قىزمەتكە ادام قابىلداۋ تەكتەس ينفورماتسيالاردى جاريالاۋدى جۇيەگە ءتۇسىرۋ جونىندەگى ۇقتىرۋدى» باسىپ تاراتىپ، ينتەرنەت ارقىلى رۇقساتسىز ءوز بەتىمەن قىزمەتكە ادام قابىلداۋ جاعىندا قىزمەت وتەۋ، ادام ىستەتۋشى ورىنداردىڭ تولىمدىلىعىن جانە قىزمەتكە ادام قابىلداۋ ينفورماتسياسىن قاتاڭ تەكسەرمەۋ قاتارلى ماسەلەلەرگە باعىتتاي وتىرىپ، ينتەرنەت ارقىلى قىزمەتكە ادام قابىلداۋ ءتارتىبىن اناعۇرلىم جۇيەگە تۇسىرەدى.

ۇقتىرۋدا مىنالار تالاپ ەتىلگەن: ينتەرنەت ارقىلى قىزمەتكە ادام قابىلداۋ جاعىندا قىزمەت وتەۋشىلەردى رۇقسات بەرۋ ارقىلى باسقارۋدى كۇشەيتىپ، تيجارات سيپاتىنداعى ادام كۇشى بايلىعى جاعىندا قىزمەت وتەيتىن قۇرىلىمداردىڭ قىزمەتكە ادام قابىلداۋ ينفورماتسياسىن جاريالاۋى نەمەسە ينتەرنەت تەكشەلەرىنىڭ ادام ىستەتۋشى ورىنداردىڭ اتىنان قىزمەتكە ادام قابىلداۋ ينفورماتسياسىن جاريالاۋى قاتارلى ينتەرنەت ارقىلى قىزمەتكە ادام قابىلداۋ جاعىندا قىزمەت وتەۋ بارىسىندا، زاڭ بويىنشا ادام كۇشى بايلىعى جاعىندا قىزمەت وتەۋ رۇقساتناماسىنا يە بولۋى كەرەك. ينتەرنەت تەكشەلەرى نەگىزگى تۇلعالىق جاۋاپكەرشىلىگىن اتقارۋى، تىركەلگىلەردى تىزىمگە الىپ باسقارۋدى كۇشەيتۋى كەرەك.

ۇقتىرۋدا مىنالار ايقىن تۇراقتاندىرىلعان: ينتەرنەت تەكشەلەرى قىزمەتكە ادام قابىلداۋ جاعىنداعى ينفورماتسيالاردىڭ فورمالىق ولشەمىن جۇيەگە ءتۇسىرۋى، قىزمەتكە ادام قابىلداۋ جونىندە جاريالاعان ينفورماتسيالارى شىنايى، زاڭدى بولۋى كەرەك، قىزمەتكە قادام قابىلداۋ ينفورماتسياسى دەگەن جەلەۋمەن زاڭسىز تۇردە كورىلىمگە يە بولۋعا بولمايدى. قىزمەتكە ادام قابىلداۋ جاعىندا قىزمەت وتەيتىن تىركەلگىلەردىڭ ينتەرنەتتەگى ارەكەتىن جۇيەگە ءتۇسىرۋدى كۇشەيتىپ، قىزمەتكە ادام قابىلداۋ جونىندە جاريالانعان ينفورماتسيانى ۇزدىكسىز تەكسەرۋدى كۇشەيتىپ، زاڭ – ەرەجەگە قايشى ارەكەتتەردى دەر كەزىندە بايقاۋى جانە ءبىر جاقتى ەتۋى كەرەك.

كەلۋ قاينارى: حالىق تورابى