ۇقىقتى اناعۇرلىم عىلىمي، ءونىمدى تۇردە ءتۇزىم قاپاسىندا ۇستايىق

”پارتيانىڭ وزىنە - ءوزى توڭكەرىس جاساۋىنىڭ ماڭىزدى ءتۇيىنى ۇقىقتى باسقارۋدا، ۇقىقتى ءتۇزىم قاپاسىندا ۇستاۋ — جاڭا داۋىردەگى پارتيانى جاپپاي قاتاڭ باسقارۋداعى ماڭىزدى مىندەت“. 20 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە باس شۋجي شي جينپيڭ ”15 - بەسجىلدىق“ مەزگىلىندەگى نىسانا - مىندەتتەردى جۇزەگە اسىرۋعا پارمەندى كەپىلدىك ازىرلەۋدى كوزدە ۇستاپ، ”ۇقىقتى اناعۇرلىم عىلىمي، ءونىمدى تۇردە ءتۇزىم قاپاسىندا ۇستاۋدى“ تالاپ ەتتى.

ءتۇزىم — مەملەكەتتى ورنىقتىرىپ، ەلدى تىنىشتاندىرۋدىڭ نەگىزى ءارى پارتيانى باسقارۋدىڭ، پارتيانى جونگە سالۋدىڭ نەگىزى. پارتيا 18 - قۇرىلتايىنان بەرى، پارتيا ورتالىق كوميتەتى زاڭ - ەرەجە، ءتۇزىم قۇرىلىسىنا ايرىقشا ءمان بەردى، جاسالعان، وزگەرىس ەنگىزىلگەن سان مولشەرى بۇرىن - سوڭدى بولعان ەمەس، قول جەتكىزىلگەن تابىستار جۇرتقا ايان. پارتيانى ەرەجە بويىنشا جونگە سالۋعا تاباندى بولىپ، وزىندىك توڭكەرىس ءتۇزىمى قۇرىلىسىن كۇشەيتۋ جاڭا داۋىردەگى جۇڭگو كوممۋنيستىك پارتياسىنىڭ جونگە سالۋداعى وزگەشە قۇپيا سيفرىنا اينالدى.

باس شۋجي شي جينپيڭ بىلاي دەپ اتاپ كورسەتتى: ”ۇقىقتى ءتۇزىم قاپاسىندا ۇستاۋدا ءارى ءتۇزىم - بەلگىلەمەلەردى ۇزدىكسىز كەمەلدەندىرىپ، ءتۇزىمدى كۇردەلى قىلماي قايتا قاتايتۋ، ءونىمدى ەتۋ، كادەگە جاراتۋ، ءارى ءتۇزىمدى اتقارۋ قابىلەتىن كۇش سالا جوعارىلاتىپ، بۇلجىماس تەجەمدى كۇشەيتۋ كەرەك“.

”سيىر قوراعا مىسىق قاماۋدان“، ”قاعاز قاپاسپەن جولبارىستى شەكتەۋدەن“ ساقتانۋدىڭ تەتىگى ”عىلىمي، ءونىمدى“ بولۋدا.

ءبىر جاعىنان، كەيبىر زاڭ - ەرەجە، ءتۇزىم بەلگىلەمەلەرىنىڭ تىم پرينسيپتىك سۇيەپ توماعا - تۇيىق قالۋى، باعىتتامالىلىعى، مەڭگەرىمدىلىگى كۇشتى بولماۋ سياقتى ماسەلەلەرگە باعىتتاي وتىرىپ، پارتيانى باسقارۋ، پارتيانى جونگە سالۋدىڭ رەال قاجەتىنە ساي تۇزىممەن قامداۋدى كۇشەيتىپ، توردى تىعىز، بەرىك توقۋ كەرەك؛ ەندى ءبىر جاعىنان، زاڭ - ەرەجە، ءتۇزىم الدىندا بارلىق ادامنىڭ تەرەزەسى تەڭ بولۋعا، زاڭ - ەرەجە، تۇزىمگە بويسۇنۋدا ەرەكشە ۇقىق بولماۋعا، زاڭ - ەرەجەلەردى، تۇزىمدەردى اتقارۋدا قاعىس قالماۋعا تاباندى بولىپ، ”قىزىل شىراقتى كەسىپ ءوتۋدى“، ”قورشاۋدان اتتاپ ءوتۋدى“ قاتاڭ تەكسەرىپ ءبىر جاقتى ەتىپ، ءتۇزىم - بەلگىلەمەلەردىڭ شىن مانىندە زاريادتالعان جوعارى كەرنەۋلى ەلەكتر سىمىنا اينالۋىنا كەپىلدىك ەتۋ كەرەك.

كادرلار مەن بۇقارانىڭ جانىنداعى شىنايى سەزىنەتىن وزگەرىستەردەن پارتيا ىشىندەگى زاڭ - ەرەجە، ءتۇزىم قۇرىلىسىن كۇشەيتۋ سىندى ”پارتيانى جاپپاي قاتاڭ جونگە سالۋدىڭ ۇزاق بولاشاقتىق شاراسىن، ءتۇبىرلى شاراسىن“ ءتىپتى دە تۇسىنۋگە بولادى.

”جولبارىستىڭ قاي جەردەن اۋىز اشقانىن بىلمەۋ“ ماسەلەسىن قالاي شەشۋ كەرەك؟

پارتيا 18 - قۇرىلتايىنان كەيىن، پارتيا ورتالىق كوميتەتى ورتالىقتىڭ سەگىز ءتۇرلى بەلگىلەمەسىن جاساپ اتقارىپ قيىن ماسەلەنى شەشۋدىڭ باستاماسىن اشتى. بۇقارانىڭ اڭىسى ەڭ كۇشتى بولعان ماسەلەلەردەن باستاپ ىسكە كىرىسىپ، قاتاڭ قاعيدا بەلگىلەپ، قاتاڭ تەجەپ، بۇرىن تەجەۋ مۇمكىن ەمەس دەپ قارالعان كوپتەگەن بۇرىس ستيلدەردى تەجەپ، كوپ جىلدان بەرى جويۋ قيىن بولعان كەيبىر ەسكىلىكتى كىناراتتاردى جويىپ، ”سانسىز قۇجات ءبىر اۋىزدى جابا المايتىن“ بىلىقپالىقتى اياقتاتىپ، پارتيا ستيلىنىڭ، ۇكىمەت ستيلىنىڭ شىت جاڭا تۇسكە ەنۋىن ىلگەرىلەتتى. ”سەگىز ءتۇرلى بەلگىلەمە جۇڭگونى وزگەرتتى“، بۇل _ حالىق بۇقاراسىنىڭ القاۋى، سونداي - اق بۇكىل پارتياعا ءتۇزىم قۇرىلىسىنىڭ ۇلگىسىن ورناتتى.

ءىشىنارا پارتيا، ۇكىمەت ورگاندارىنىڭ بەيبەرەكەت ىستەۋ، استا - توك ىسىراپشىلدىق قۇبىلىسىنىڭ تيىلماۋ ماسەلەسىن قالاي شەشۋ كەرەك؟

2025 - جىلى جاڭادان وزگەرىس ەنگىزىلگەن «پارتيا، ۇكىمەت ورگاندارىنىڭ ۇنەمشىلدىكتى قاتاڭ اتقارىپ، ىسىراپشىلدىققا قارسى تۇرۋ ەرەجەسىندە» بۇرىس ستيلگە قانجار قادالدى. پارتيا، ۇكىمەت ورگاندارى باستاماشىلدىقپەن ۇنەمشىلدىكپەن تۇرمىس كەشىرۋ ءتۇزىمىن بۇرانداسىن ونان ارى قاتايتىپ، ىسىراپشىلدىققا قارسى تۇراتىن ءتۇزىم توسپاسىن بەكەمدەپ، ۇنەمشىلدىكتىڭ ”تالاپتان“ ”ادەتكە“ اينالۋىن ىلگەرىلەتتى. نەگىزگى ساتى كادرلارى تەبىرەنە: ”قازىر كوپشىلىكتىڭ كوزقاراسى وزگەردى، جاقسى تاماقتانسا دا، تويا تاماقتانسا دا، ىسىراپشىلدىق ىستەمەۋ ناعىز ’سالاۋاتقا‘ اينالدى“.

«فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ءبىرقانشا بەلگىلەمەنى» جاساپ، نەگىزگى ساتىنىڭ اۋىرتپالىعىن جەڭىلدەتۋدىڭ تەرەڭدەۋىن، ناقتىلانۋىن، ناقتى ونىمدىلىككە قول جەتكىزۋىن ىلگەرىلەتۋدەن «اۋىل - قىستاق نەگىزگى ساتى كادرلارىنىڭ قىزمەت جاۋاپكەرشىلىگىن پاك اتقارۋ بەلگىلەمەسىنە» وزگەرىس ەنگىزۋگە دەيىن، كادرلاردىڭ مىندەتىن پاك اتقارۋمەن بىرگە، اۋىرتپالىعىنىڭ جەڭىلدەپ، تىڭ بەينەمەن جورىققا اتتانۋىنا دەم بەرۋگە دەيىن، ونان «جۇڭگو كوممۋنيستىك پارتياسىنىڭ يدەيالىق - ساياسي قىزمەت ەرەجەسىن» شىعارىپ، جاڭا داۋىردەگى يدەيالىق - ساياسي قىزمەتتى ويداعىداي ىستەۋگە نەگىزگى تياناق ازىرلەۋگە دەيىن ... ءتۇزىم جۇيەسى اناعۇرلىم كەمەلدەنىپ، پارتيانى باسقارۋ، پارتيانى جونگە سالۋ اناعۇرلىم پارمەندى بولدى.

حالىقارالىق قايراتكەرلەر بىلاي دەپ باعا بەردى: كوپتەگەن ەلددىڭ ساياسي پارتياسىنا جۇڭگو كوممۋنيستىك پارتياسىنىڭ تاجىريبەلەرى وي سالادى _ ساياسي ءتارتىپتى كۇشەيتۋ، ءتۇزىمدى اتقارۋدى كەمەلدەندىرۋ، ءمورال ارقىلى جەتەكشىلىك ەتۋگە ءمان بەرۋ ارقىلى ساياسي پارتيانىڭ الەۋمەتتىك سەنىمدىلىگى مەن جونگە سالۋ قابىلەتىن جوعارىلاتۋعا بولادى.

ءتۇزىمنىڭ ومىرشەڭدىگى اتقارۋدا، تەتىگى شىنايى يگەرۋدە، سۇيەۋ بولاتىنى قاتاڭ باسقارۋ.

باس شۋجي شي جينپيڭ بىلاي دەپ باسا دارىپتەدى: ”’ءبىرىنشى باسشى‘ ءتۇزىمدى باستاماشىلدىقپەن اتقارۋى كەرەك“، ”زاڭ ەرەجە، ءتۇزىم ۇگىت تاربيەسىن كۇشەيتۋ كەرەك“، ”پارتيا ىستەرىنىڭ، ۇكىمەت ىستەرىنىڭ جاريالىلىعىن اناعۇرلىم جوعارىلاتۋ كەرەك“. ءبىر رايوننىڭ، ءبىر تاراۋدىڭ ءتۇزىمىنىڭ جاقسى اتقارىلۋ - اتقارىلماۋىنىڭ كىلتى ”ءبىرىنشى باسشىدا“. ءار دارەجەلى باسشىلىق القا مۇشەلەرى، اسىرەسە، ”ءبىرىنشى باسشىلار“ وزدەرى ونەگە بولىپ، باستاماشىلدىقپەن اتقارۋى، قاتىستى باقىلاۋلار دا تياناقتانۋى كەرەك. قالىڭ پارتيا مۇشەلەرى، كادرلار زاڭ - ءتارتىپتى ءبىلۋى، قاعيدانى ءبىلۋى، يمەنۋدى ءبىلۋى، زاڭ - ەرەجە ءتۇزىمىنىڭ ”قاپاس“ ءارى ”بويتۇمار“ ەكەنىن تانىپ جەتۋى كەرەك. ۇقىقتى جاريا جۇرگىزىپ، قاعيدانى ايقىنداۋدىڭ اتقارۋ قۋاتىن جوعارىلاتقاندا عانا، كومەسكى ەرەجەنىڭ بازارىن تاراتىپ، پارتيا ءتارتىبىن، مەملەكەت زاڭىن يدەيالىق سانالىلىققا، ارەكەت سانالىلىعىنا اينالدىرۋعا بولادى.

ۇلى جوبانى تاماشا رەالدىققا اينالدىرۋدا قالىڭ پارتيا مۇشەلەرى، كادرلار بورىش، جاۋاپكەرشىلىك ارقالاۋدا. پارتيانى ءتۇزىم ارقىلى جونگە سالۋعا، پارتيانى ەرەجە بويىنشا جونگە سالۋعا تاباندى بولىپ، ۇقىقتى اناعۇرلىم عىلىمي، ءونىمدى تۇردە ءتۇزىم قاپاسىندا ۇستاعاندا عانا، پارتيانى جاپپاي قاتاڭ جونگە سالۋدىڭ جاڭا ونىمدىلىگى ارقىلى جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىنا جەتەكشىلىك ەتۋگە جانە ونى قامتاماسىز ەتۋگە بولادى.

كەلۋ قاينارى: حالىق تورابى