2026 – جىلعى ورتالىقتىڭ 1 – ءنومىرلى قۇجاتى: ديقان جۇمىسكەرلەردىڭ ەڭبەكاقىسىن بەرۋدى قامتاماسىزداندىرۋ كۇشەيتىلەدى

جۇڭگو اقپارات اگەنتتىگىنىڭ 2 ـ ايدىڭ 3 ـ كۇنى بەيجيڭنەن بەرگەن حابارى. 2026 ـ جىلعى ورتالىقتىڭ 1 - ءنومىرلى قۇجاتى «ج ك پ ورتالىق كوميتەتىنىڭ، مەملەكەتتىك كەڭەستىڭ اۋىل شارۋاشىلىعىن، اۋىل - قىستاقتى وسىزامانداندىرۋدى كوزدەپ، اۋىل - قىستاقتى جاپپاي كوركەيتۋدى تىڭعىلىقتى ىلگەرىلەتۋ جونىندەگى پىكىرى» 2 ـ ايدىڭ 3 ـ كۇنى سىرتقا جاريالاندى. قۇجاتتا مىنالار ورتاعا قويىلدى: ديقان جۇمىسكەرلەردىڭ ەڭبەكاقىسىن بەرۋدى قامتاماسىزداندىرۋدى كۇشەيتىپ، ەڭبەكاقىعا قارىزدار بولۋدى جونگە سالۋ تەبىنىن ارتتىرۋ كەرەك.

كوپ جىلدان بەرى، ورتالىقتىڭ 1 – ءنومىرلى قۇجاتى شارۋالاردىڭ كىرىسىن ارتتىرۋعا ۇزدىكسىز نازار اۋداردى. بيىل ورتالىقتىڭ 1 - ءنومىرلى قۇجاتى استىق ەگەتىن شارۋالاردىڭ پايداسى، ديقان جۇمىسكەرلەردىڭ جۇمىس ورنىن ورنىقتىرىپ، كاسىپتەندىرۋ، حالىقتى اۋقاتتاندىرۋ كاسىبىن جەتىلدىرۋ قاتارلى جاقتاردان بۇل جونىندە ۇزدىكسىز ورنالاستىرۋ جاسادى.

قۇجاتتا ديقانداردىڭ ەگىنشىلىكپەن شۇعىلدانۋ، استىق ەگۋ بەلسەندىلىگىن قورعاۋ جانە جۇمىلدىرۋ ورتاعا قويىلدى. باعا، قوسىمشا قاراجات، قامسىزداندىرۋ قاتارلى ساياساتتىق قولداۋ مەن سايكەسۋدى كۇشەيتىپ، استىق ەگەتىن شارۋالاردىڭ كىرىسىن قامتاماسىزداندىرۋ مەحانيزمىن اقاۋسىزداندىرۋ كەرەك. استىق ءوندىرۋ - ساتۋ رايوندارىنىڭ ولكە ارالىق ەندىك مۇددە تولەمى ساياساتىن ويداعىداي تياناقتاندىرىپ، استىق وندىرەتىن نەگىزگى رايونداردىڭ قازىنا كۇشىن تولىقتاۋىنا، استىق كاسىبىن دامىتۋىنا قولداۋ كورسەتۋ كەرەك.

قۇجاتتا بىلاي دەلىندى: ديقان جۇمىسكەرلەردىڭ جۇمىس ورنىن ورنىقتىرىپ، كاسىپتەنۋىن جەبەۋ كەرەك. ديقان جۇمىسكەرلەردىڭ جۇمىس ورنىن ورنىقتىرىپ، جۇمىستانۋىن قولداۋ ساياساتىن ويداعىداي تياناقتاندىرىپ، ءتۇيىندى سالالارداعى كاسىپورىنداردىڭ اۋىرتپالىعىن جەڭىلدەتىپ، جۇمىس ورنىن كەڭەيتۋىنە قولداۋ كورسەتۋ كەرەك. كەڭ كولەمدى كاسىپتىك شەبەرلىككە باۋلۋدى اتقارىپ، باۋلۋ نىساندارى مەن قىزمەت ورنى سۇرانىسىنىڭ دالمە – ءدال سايكەسۋىن جەبەۋ كەرەك. سىرتقا شىعىپ جۇمىس ىستەۋگە قىزمەت وتەۋدى قامتاماسىزداندىرۋدى جانە اۋىلعا قايتىپ جۇمىستانۋدى، شارۋاشىلىق قۇرۋدى سۇيەمەلدەۋدى ءبىرتۇتاس جوسپارلاپ، ويداعىداي ىستەپ، جاسى ۇلعايعان ديقان جۇمىسكەرلەرگە قامقورلىق جاساۋدى، كومەكتەسۋدى، سۇيەمەلدەۋدى كۇشەيتۋ كەرەك.

ديقان جۇمىسكەرلەردىڭ ەڭبەكاقىسىن تولەۋدى قامتاماسىزداندىرۋدى كۇشەيتىپ، ەڭبەكاقىعا قارىزدار بولۋدى جونگە سالۋ تەبىنىن اتتىرۋ كەرەك. اۋىل - قىستاق شەبەرلەرىن جەتىلدىرۋ ينجەنەرياسىن ىلگەرىلەتۋ كەرەك. جىلۋ ورنىنا جۇمىس بەرۋ نىساندارىنىڭ قامتۋ كولەمى، قۇرىلىس سالاسى جانە ەڭبەك اقىسىن تاراتۋ كولەمىن كەڭەيتىپ، يكەمدى كوتەرمەگە بەرۋ ءتاسىلىن قولدانىپ، اۋىل - قىستاق نەگىزگى ساتىلارىندا نىسانداردى دەربەس اتقارۋعا دەم بەرۋ كەرەك. يكەمدى جۇمىستانۋشىلاردىڭ قالا - قالاشىقتارداعى جۇمىسشى - قىزمەتكەرلەردىڭ نەگىزگى زەينەتكەرلىك قامسىزداندىرۋىنا قاتىناسۋىن ىلگەرىلەتىپ. جاڭادان جۇمىستانعانداردىڭ كاسىپتىك زاقىمدالۋىن قامتاماسىزداندىرۋدى تۇيىندە سىناق ەتۋ كەرەك.

قۇجاتتا تاعى اۋدان كولەمىندەگى حالىقتى اۋقاتتاندىرۋ كاسىبىن جەتىلدىرۋ، زورايتۋ ورتاعا قويىلدى. وزىندىك ەرەكشەلىككە يە اۋدان ءوڭىرى ەكونوميكاسىن دامىتىپ، ورتا، شاعىن كاسىپورىنداردىڭ ەرەكشە كاسىپ شوعىرىن جەتىلدىرىپ، شارۋاشىلىقتى گۇلدەندىرۋ، اۋداندى قۇدىرەتتەندىرۋ، حالىقتى اۋقاتتاندىرۋدى ءبىر تۇلعالاندىرىپ دامىتۋدى ىلگەرىلەتۋ كەرەك. شارۋالاردىڭ كاسىپ سالاسىن دامىتۋعا ات سالىسۋ ارناسى مەن ءتاسىلىن كەڭەيتىپ، كاسىپ سالاسىنىڭ دامۋ پايداسىنان ءدال يگىلىكتەنۋ مەحانيزمىن كەمەلدەندىرىپ، جاڭاشا اۋىل شارۋاشىلىق تيجارات تۇلعالارىن شارۋالاردىڭ كىرىسىن ارتتىرىپ، اۋقاتتانۋىنا جەتەكشىلىك ەتۋ كەرەك. كاسىپ نىساندارىن ءبىرتۇتاس جوسپارلاۋ مەن عىلىمي دالەلدەۋدى كۇشەيتىپ، دۇرمەككە ىلەسۋدەن، كۇرت كوتەرىلىپ، كۇرت قۇلدىراۋدان ساقتانۋ كەرەك.

كەلۋ قاينارى: حالىق تورابى