حۋبەي تەكسەرۋ گرۋپپاسىن قۇرىپ، رۋحاني اۋرۋلار ەمحاناسىنىڭ ەمدەۋ قامسىزداندىرۋى قورىنان الدامشىلىقپەن قاراجات الۋ ماسەلەسى جونىندە تەكسەرۋ جۇرگىزگەن

اقپارات قۇرالدارى اڭىس ەتكەن رۋحاني اۋرۋلار ەمحاناسىنىڭ ”ناۋقاستاردى بەلگىلەمەگە قايشى قابىلداۋى، ەمدەۋ قامسىزداندىرۋى قورىنان قاراجات الداپ الۋ كۇمانىنا شاتىلۋى“ قاتارلى ماسەلەلەر تۋرالى حۋبەي ولكەسى بىرلەسكەن تەكسەرۋ گرۋپپاسىن قۇرعان، بۇل گرۋپپا شياڭياڭ قالاسى مەن يچاڭ قالاسىنا بارىپ، ىشكەرىلەي تەكسەرۋ جۇرگىزگەن.

بىرلەسكەن تەكسەرۋ گرۋپپاسى ولكەلىك ءتارتىپ تەكسەرۋ كوميتەتى مەن باقىلاۋ كوميتەتى، ولكەلىك دەنساۋلىق ساقتاۋ – سالاماتتىق كوميتەتى، ولكەلىك قوعام حاۋىپسىزدىگى مەڭگەرمەسى، ولكەلىك ەمدەۋ قامسىزداندىرۋى مەكەمەسى قاتارلى تاراۋلاردان ۇيىمداسقان. اقپارات قۇرالدارى مەن جۇرتشىلىق اڭىس ەتكەن ماسەلەلەر جونىندە، ەگەر تەكسەرىلىپ شىن ەكەنى انىقتالسا، زاڭ – تۇزىمگە ساي قاتاڭ ءبىر جاقتى ەتىلەدى، قاتىستى ادامداردىڭ جاۋاپكەرشىلىگى قۋزاستىرىلادى. تەكسەرىپ ءبىر جاقتى ەتۋ جاعدايى الدا قوعامداعىلارعا دەر كەزىندە جاريالانادى.

كەلۋ قاينارى: حالىق تورابى