مەملەكەتتىك كەڭەستىڭ ازىق – تۇلىك حاۋىپسىزدىگى كوميتەتىنىڭ كەڭسەسى مەن بازاردى باقىلاۋ – باسقارۋ باس مەڭگەرمەسى جەر – جەردىڭ سابيلەرگە ارنالعان ءسۇت تالقانىنىڭ ساپالىق حاۋىپسىزدىگىن باسقارۋدى كۇشەيتۋى جونىندە ورنالاستىرۋ جاسادى

شينحۋا اگەنتتىگىنىڭ ءتىلشىسى جاۋ ينيڭ 2 – ايدىڭ 12 – كۇنى بەيجيڭنەن حابارلايدى. ءتىلشىنىڭ 2 - ايدىڭ 12 – كۇنى مەملەكەتتىك بازاردى باقىلاۋ – باسقارۋ باس مەكەمەسىنەن ۇعىسۋىنشا، جۋىردا سابيلەرگە ارنالعان چۋەچاۋ ماركالى ءسۇت تالقانىنىڭ قۇرامىندا بالاۋىز سپورالى تاياقشا باكتەرياسى لوقسىتقىش ۋلى قۇرامى بارلىعى انىقتالعاندىقتان، ءونىمدى ساقتانۋ سيپاتتى جيناپ الۋ جاعدايىنا باعىتتاي وتىرىپ، مەملەكەتتىك كەڭەستىڭ ازىق – تۇلىك حاۋىپسىزدىگى كوميتەتىنىڭ كەڭسەسى مەن بازاردى باقىلاۋ – باسقارۋ باس مەڭگەرمەسى بۇل جاعدايعا وسكەلەڭ ءمان بەرىپ، چۋەچاۋ (جۇڭگو) شەكتى سەرىكتەستىگىن ونىڭ جۇڭگو ۇلى قۇرلىعىندا ساتىلعان بەلگىلى توپتاعى ونىمدەرىن قايتا جيناپ الۋ قىزمەتىن ورىنداۋعا قۋزاعان.

قازىرگە دەيىن، ەلىمىزدە سابيلەرگە ارنالعان ءسۇت تالقانىن تۇتىنۋ سەبەپتى بالاۋىز سپورالى تاياقشا باكتەرياسى لوقسىتقىش ۋلى قۇرامىنان ۋلانۋعا قاتىستى دياگنوزى تۇراقتاندىرىلعان ناۋقاس بايقالعان جوق.

بازاردى باقىلاۋ – باسقارۋ باس مەكەمەسى جەر – جەردىڭ سابيلەرگە ارنالعان ءسۇت تالقانىنىڭ ساپالىق حاۋىپسىزدىگىن باسقارۋدى كۇشەيتۋى جونىندە ورنالاستىرۋ جاساپ، وندىرىسپەن شۇعىلداناتىن بارلىق كاسپورىنداردى سابيلەرگە ارنالعان ءسۇت تالقانىنىڭ قۇرامىندا بالاۋىز سپورالى تاياقشا باكتەرياسى لوقسىتقىش ۋلى قۇرامى بار -جوقتىعىن تەكسەرۋگە، زات قاينارىن تەكسەرىپ قابىلداۋ جانە ءونىمدى زاۆودتان شىعارۋدى قاتاڭ باسقارۋعا، سابيلەرگە ارنالعان ءسۇت تالقانىنىڭ ساپالىق حاۋىپسىزدىگىنە كۇش سالا كەپىلدىك ەتۋگە قۋزادى.

كەلۋ قاينارى: حالىق تورابى