قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى ەسكەرتۋ جاسادى: كوكتەم مەرەكەسى مەزگىلىندە شارشاعان كەزدە اۆتوموبيل جۇرگىزۋدەن ساق بولىڭىز

شينحۋا اگەنتتىگىنىڭ ءتىلشىسى سۇن پىڭچىڭ 2 – ايدىڭ 13 – كۇنى بەيجيڭنەن حابارلايدى. كوكتەم مەرەكەسى جاقىنداپ قالدى، وسى مەزگىلدە ۇزاق جولعا اۆتوموبيل جۇرگىزىپ اۋىلعا قايتاتىندار، تۋىسشىلايتىندار جانە ساياحاتقا شىعاتىندار كوپ بولادى، شارشاعان كەزدە اۆتوموبيل جۇرگىزۋ، اۆتوموبيل جۇرگىزگەن كەزدە نازارىن شوعىرلاندىرماۋ سەبەبىنەن شىرعالاڭ وڭاي ءارى ءجيى تۋىلادى. قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى 2 – ايدىڭ 13 – كۇنى بارشا شوفەرلەرگە مىنانى ەسكەرتتى: شارشاعان كەزدە اۆتوموبيل جۇرگىزۋدەن، اۆتوموبيل جۇرگىزگەن كەزدە نازاردى شوعىرلاندىرماۋدان ساق بولىڭىزدار.

قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى مىنانى ەسكەرتەدى: ساپارلاۋ الدىندا ساپار جوسپارىن ۇيلەسىمدى ورنالاستىرۋ، جول بويىنداعى دەمالۋ ورىندارىن الدىن الا جوسپارلاۋ، تولىق دەمالۋعا كەپىلدىك ەتۋ كەرەك، تۇنىمەن ۇيىقتاماعان جاعدايدا اۆتوموبيل جۇرگىزۋدەن، ۇزاق ۋاقىت بويى دەمالماي اۆتوموبيل جۇرگىزۋدەن ساق بولۋ قاجەت. كۇندىز 4 ساعات جانە تۇندە 2 ساعات ۇزدىكسىز اۆتوموبيل جۇرگىزگەن جاعدايدا، تەزىرەك حاۋىپسىز جەر تاۋىپ، اۆتوموبيلدى توقتاتىپ، كەمىندە 20 مينۋت دەمالۋ كەرەك، جوعارى قارقىندى تاس جولداعى شۇعىل جاعدايدا پايدالاناتىن اۆتوموبيل جولىندا اۆتوموبيلدى توقتاتىپ دەمالۋعا بولمايدى.

سونىمەن بىرگە، اۆتوموبيل جۇرگىزگەندە جول جاعدايىن بايقاۋعا ءار كەز كوڭىل ءبولىپ، تەلەفون قولدانباڭىز، زاتتارىڭىزدى اقتارىستىرماڭىز، كوزىڭىزدى جولدان تايدىرىپ، باسقالارمەن شۇيىركەلەسپەڭىز. وتە - موتە، كومەكشى اۆتوموبيل جۇرگىزۋ يقۋاتى بار اۆتوموبيلدەردى جۇرگىزگەندە، كومەكشى اۆتوموبيل جۇرگىزۋ يقۋاتى ىسكە قوسىلعان جاعدايدا دا، الداعى جاعدايدى بايقاۋعا نازار اۋدارىڭىز، كوزىڭىزدى جولدان تايدىرماڭىز، قولىڭىزدى بوساتپاڭىز.

كەلۋ قاينارى: حالىق تورابى