شىنجياڭدا وتباسىلىق ەلەكتر جابدىقتارى مەن سيفرلى بۇيىمداردىڭ كونەسىن جاڭاسىنا اۋىستىرۋ قيمىلىنىڭ ينتەرنەت تەكشەسى ىسكە قوسىلدى 

انار بۇلت / شينجياڭ گازەتىنىڭ ءتىلشىسى يۇي جياڭيان حابارلايدى. شينجياڭدا وتباسىلىق ەلەكتر جابدىقتارى مەن سيفرلى بۇيىمداردىڭ كونەسىن جاڭاسىنا اۋىستىرۋ قيمىلىنىڭ ينتەرنەت تەكشەسى رەسمي ىسكە قوسىلدى. قازىر تۇتىنۋشىلاردىڭ تابالدىرىقتان اتتاپ شىقپاي - اق ينتەرنەت ارقىلى وتباسىلىق ەلەكتر جابدىقتارى مەن سيفرلى بۇيىمداردىڭ كونەسىن جاڭاسىنا اۋىستىرىپ ساتىپ الۋىنا بولادى، مەملەكەتتىڭ كونە بۇيىمداردى جاڭاسىنا اۋىستىرۋعا بەرەتىن قوسىمشا قاراجاتىنان ينتەرنەتتەن تىس دۇكەندەرمەن بىردەي يگىلىكتەنۋگە بولادى.

ءتىلشىنىڭ 2 – ايدىڭ 11 – كۇنى اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىنشا، شينجياڭداعى وتباسىلىق ەلەكتر جابدىقتارى مەن سيفرلى بۇيىمداردىڭ كونەسىن جاڭاسىنا اۋىستىرۋ قيمىلىنىڭ ينتەرنەت تەكشەسىندە تاۋباۋ، تيانماۋ، دوۋين، شياۋمي ساۋدا بازارى، سۋنيڭ يگوۋ قاتارلى 5 تەكشە قامتىلعان. تۇتىنۋشىلار يۇنشانفۋ APP قولدانباسى ارقىلى تۇتىنۋ بەلەتىن الىپ، انىقتاپ ەسەپتەن كوتەرتۋىنە بولادى، ءبىر ادام ءبىر تۇردەگى زاتتان بىرەۋىن الۋىنا بولادى، قيمىل مەزگىلىندە ءبىر قولدانۋشى ءبىر تۇردەگى زاتتى ساتىپ العاندا قوسىمشا قاراجاتتان ءبىر رەت يگىلىكتەنە الادى، قوسىمشا قاراجات بەرىلەتىن ءتۇر مەن قوسىمشا قاراجات ولشەمى ينتەرنەتتەن تىس دۇكەندەرمەن بىردەي بولادى.

كەلۋ قاينارى: حالىق تورابى