قازاقستاننان جۇڭگونىڭ تاڭ پاتشالىعى، سۇڭ پاتشالىعى داۋىرىندەگى بايىرعى تەڭگە اقشالار تابىلدى

حالىق گازەتىنىڭ ءتىلشىسى لي چياڭ 2 - ايدىڭ 11 - كۇنى استانادان حابارلايدى. قازاقستان ارحەولوگتارى جۋىردا قازاقستاننىڭ وڭتۇستىك بولىگىندەگى جامبىل وبلىسىنان 8 - عاسىردان 12 - عاسىرعا دەيىنگى ارالىقتا سوعىلعان ءبىر توپ تەڭگە اقشانى قازىپ العان، مۇنىڭ ىشىندە جۇڭگونىڭ تاڭ پاتشالىعى، سۇڭ پاتشالىعى داۋىرىندەگى مىس اقشالار بار ەكەن.

قازاقستان حالىقارالىق اقپارات اگەنتتىگىنىڭ 2 - ايدىڭ 10 - كۇنى حابارلاۋىنشا، وسى رەت تابىلعان بايىرعى تەڭگە اقشالاردىڭ كوبى 8 - عاسىردان 12 – عاسىرعا دەيىنگى ارالىقتا سوعىلعان، بۇل ەجەلگى جىبەك جولىنداعى ساۋدالىق بارىس – كەلىستىڭ گۇلدەنىپ – كوركەيگەندىگىنىڭ ايعاعى سانالادى.

حاباردا مىنالار كورسەتىلگەن: قازاقستان ارحەولوگتارى وسى توپتاعى بايىرعى تەڭگە اقشالاردىڭ تاريحي جانە عىلىمي زەرتتەۋ قۇنى وتە جوعارى، ەجەلگى جىبەك جولىنداعى ساۋدا تاريحىن زەرتتەۋگە كومەگى تيەدى دەپ قارايدى. ارحەولوگيالىق زەرتتەۋ جۇمىسى اياقتاعان سوڭ، بۇل بايىرعى تەڭگە اقشالار جامبىل وبلىستىق مۇراجايدا ساقتاۋعا تاپسىرىلادى.

كەلۋ قاينارى: حالىق تورابى