مەملەكەتتىك كەڭەس شيۇڭ - ان جوعارى جاڭا تەحنيكا رايونىنىڭ مەملەكەتتىك جوعارى جاڭا تەحنيكا رايونى دارەجەسىنە كوتەرىلۋىن بەكىتتى

شينحۋا اگەنتتىگى، 2 - ايدىڭ 13 - كۇنى، بەيجيڭ. جۇڭگو ۇكىمەت تورابىنىڭ 2 - ايدىڭ 13 - كۇنگى حابارىنا قاراعاندا، مەملەكەتتىك كەڭەس تاياۋدا حىبەي شيۇڭ - ان جوعارى جاڭا تەحنيكا كاسىبىن اشۋ رايونىنىڭ مەملەكەتتىك جوعارى جاڭا تەحنيكا كاسىبىن اشۋ رايونى دارەجەسىنە كوتەرىلۋىن بەكىتتى.

بەكىتۋدە كورسەتىلۋىنشە، حىبەي شيۇڭ - ان جوعارى جاڭا تەحنيكا كاسىپتەر دامۋ رايونى دارەجەسى جوعارىلاتىلعاننان كەيىن جوسپارداعى جەر كولەمى 20.84 شارشى كيلومەتر بولىپ، ەكى رايون بولادى ەكەن.

بەكىتۋدە مىنالار ورتاعا قويىلدى: حىبەي شيۇڭ - ان جوعارى جاڭا تەحنيكا كاسىپتەرىن اشۋ رايونى ”جوعارى“ جانە ”جاڭا“ دەگەن ەكى مازمۇندى ناقتى، ويداعىداي ىستەپ، عىلىم - تەحنيكادا جاڭالىق اشۋ مەن كاسىپتە جاڭالىق اشۋدىڭ ىشكەرىلەي توعىسۋىن ىلگەرىلەتىپ، ەل ءىشى - سىرتىنداعى جوعارى دەڭگەيلى جاڭالىق اشۋ بايلىعىن باۋراپ جانە شوعىرلاندىرىپ، كەلەلى عىلىم - تەحنيكا نىساندارىن زەرتتەۋ - اشۋ سەلبەستىگىن بەلسەنە ورىستەتىپ، ءتۇيىندى سالالارداعى شەشۋشى، وزەكتى تەحنيكالاردان قامال الۋدى جەدەلدەتىپ، عىلىم - تەحنيكا جەتىستىكتەرىن جوعارى ونىمدىلىكپەن كادەگە جاراتۋدى، قولدانۋدى جەدەلدەتۋى، جەتەكشى كاسىپتەردى ساپالىلاندىرىپ، كۇشەيتىپ، جاڭا جارىس جولىن كورەگەندىكپەن ورنالاستىرىپ، ءتۇزىلىس مەحانيزمى رەفورماسىن تەرەڭدەتىپ جانە الدىمەن اتقارىپ، الدىمەن سىناق ەتىپ، جوعارى دەڭگەيدەگى ەسىك اشۋ سەلبەستىگىن ىلگەرىلەتىپ، دەربەس جاڭالىق اشۋ مەن العاشقى جاڭالىق اشۋدىڭ ماڭىزدى قاينارىن، حالىقارالىق بىرەگەي جوعارى دەڭگەيلى، جوعارى جاڭا كاسىپ سالاسى شوعىرلانعان رايوندى جەدەل قۇرىپ، شيۇڭ - ان جاڭا رايونىنىڭ وسىزاماندانعان قالا قۇرۋىن جوعارى ولشەممەن، جوعارى ساپامەن ىلگەرىلەتۋگە تىرەك بولىپ، بەيجيڭ - تيانجين - حىبەيدىڭ سايكەستى دامۋىنا اناعۇرلىم ويداعىداي قىزمەت كورسەتۋى كەرەك.

بەكىتۋدە مىنالار كورسەتىلدى: حىبەي شيۇڭ - ان جوعارى جاڭا تەحنيكالى كاسىپ اشۋ رايونى، ءسوز جوق، مەملەكەت جەر بايلىعى كەڭىستىك جوباسى سياقتى قاتىستى جوبالاردى قاتاڭ اتقارۋى ءارى مەملەكەت جەر بايلىعى كەڭىستىك جوباسىنىڭ ”ءبىر كارتاعا“ ەنگىزىپ باقىلاۋ - باسقارۋ جۇرگىزىپ، بەلگىلەنگەن ءتارتىپ بويىنشا جەردەن ناقتى پايدالانۋدى بەكىتتىرۋ راسمياتىن وتەپ، ەكولوگيالىق ورتانى رايوندارعا ءبولىپ باسقارۋ - مەڭگەرۋ تالابىن تياناقتاندىرىپ، جوبانىڭ ورتاعا جاسايتىن ىقپالىن باعالاۋ ءتۇزىمىن زاڭ بويىنشا اتقارۋى كەرەك. نىسان قۇرىلىسىنا ىستەتىلەتىن جەردى مەڭگەرۋ كورسەتكىشى جانە قاريدار شاقىرۋ، باسەكەلەستىرىپ ساتۋ، اشكەرە باعا قويىپ وتكىزىپ بەرۋ ءتارتىبىن قاتاڭ اتقارۋ كەرەك، قىزمەت پەن تۇرعىن ءۇيدى تەڭگەرۋ تالابى بويىنشا بەلگىلى سالىستىرماداعى قامتاماسىزدىق مايعا بەرىلەتىن تۇرعىن ءۇي سالۋدان سىرت، ساۋدالىق ءۇي - جاي اشۋعا قاتاڭ تيىم سالىپ، جەر بايلىعىنان ۇنەمدى، شوعىرلى پايدالانۋ العى شارتىندا قۇرىلىس جۇرگىزۋ كەرەك.

مۇنان سىرت، باسشىلىق پەن باسقارۋدى كۇشەيتىپ، قالا مەن اشۋ رايونىن جوبالاۋدى، قۇرۋدى، جونگە سالۋدى ءبىر تۇتاس ىلگەرىلەتىپ، اشۋ رايونىنىڭ جالپىلىق فۋنكتسياسىن كۇشەيتىپ، بايلىق پەن ساياساتتىق قامتاماسىزداندىرۋدى كۇشەيتۋ كەرەك. اشۋ رايونىن باسقارۋ ءتۇزىمى رەفورماسىن تەرەڭدەتىپ، ۇقىق پەن جاۋاپكەرشىلىك ايقىن، جۇيەلى، جوعارى ءونىمدى بولعان باسقارۋ مەحانيزمىن ورناتۋ كەرەك. اينالىمدى باقىلاۋ مەن ساناقتىق تالداۋ جاساۋدى كۇشەيتىپ، حاۋىپ - قاتەردەن ساقتانۋدى جانە عىلمي شەشىم جاساۋدى كۇشەيتۋ كەرەك. زەردەلى، جاسىل باقشا رايونى قۇرىلىسىن ىلگەرىلەتىپ، ساۋدا ورتاسىن ۇزدىكسىز ساپالىلاندىرىپ، جاڭالىق اشۋعا، كاسىپكە، قونىستانۋعا قولايلى جاڭالىق اشۋ ەكولوگياسىن قالىپتاستىرىپ، ەرەكشە باسىمدىققا يە بىرەگەي عىلىم - تەحنيكا كاسىپ باقشا رايونىن قۇرۋ كەرەك.

كەلۋ قاينارى: حالىق تورابى