ەمدەۋدى قامتاماسىزداندىرۋ قورىن باقىلاۋ – باسقارۋ كۇشەيتىلەدى، مىناداي ارەكەتتەر قوعام حاۋىپسىزدىگى ورگاندارىنا جوتكەپ بەرىلەدى 

شينحۋا اگەنتتىگىنىڭ ءتىلشىسى شۇي پىڭحاڭ 2 – ايدىڭ 13 – كۇنى بەيجيڭنەن حابارلايدى. مەملەكەتتىك ەمدەۋدى قامتاماسىزداندىرۋ مەڭگەرمەسى 2 – ايدىڭ 13 – كۇنى «ەمدەۋدى قامتاماسىزداندىرۋ قورىن پايدالانۋدى باقىلاۋ – باسقارۋ ەرەجەسىنىڭ اتقارىلاتىن ناقتى ەرەجەسىن» باسىپ تاراتىپ، ەمدەۋدى قامتاماسىزداندىرۋ ىستەرىن اكىمشىلىك جاقتان باسقارۋ تاراۋلارىنان ەمدەۋدى قامتاماسىزداندىرۋ قورىن زەردەلى باقىلاۋ – باسقارۋ ءتۇزىمىن ورناتۋدى، ىستەن بۇرىنعى، ءىس بارىسىنداعى جانە ىستەن كەيىنگى شارالاردى ءوزارا ۇشتاستىرىپ، بۇكىل بارىس، بۇكىل سالا، بۇكىل تىزبەك بويىنشا زەردەلى باقىلاۋ – باسقارۋ جۇيەسىن كەمەلدەندىرۋدى، سونداي – اق قوعام حاۋىپسىزدىگى ورگاندارىنا جوتكەپ بەرۋگە ءتيىستى بولعان ارەكەتتەردى دەر كەزىندە ايقىن تۇراقتاندىرۋدى تالاپ ەتكەن.

ناقتى ەرەجەدە مىنالار ايقىن تۇراقتاندىرىلعان: ەمدەۋدى قامتاماسىزداندىرۋ ىستەرىن اكىمشىلىك جاقتان باسقارۋ تاراۋلارى قوردى باقىلاۋ – باسقارۋ قىزمەتى بارىسىندا مىناداي ارەكەتتەردى بايقاسا، اماندىق باسقارۋ ەرەجەسىنە قايشىلىق جاساۋ ارەكەتىن قالىپتاستىرعان نەمەسە قىلمىس كۇمانىنا شاتىلعان جاعدايدا، دەر كەزىندە قوعام حاۋىپسىزدىگى ورگاندارىنا جوتكەپ بەرۋى كەرەك. مۇندا بەلگىلەنگەن ەمدەۋ قۇرىلىمدارىن قامسىزداندىرۋعا قاتىناسقانداردى ەمحاناعا جاتتى دەپ جالعان مالىمدەۋ ارقىلى ەمدەۋدى قامتاماسىزداندىرۋ قورىنان قاراجات الداپ الۋعا ۇيىمداستىرۋ، وسىنداي ىستەرگە قاتىناسۋ نەمەسە كومەكتەسۋ؛ ەمدەۋدى قامتاماسىزداندىرۋ قورى كولەمىندەگى ءدارى - دارمەكتەردى وتكەرمەلەپ ساتۋعا، جوتكەپ ساتۋعا ۇيىمداستىرۋ؛ ەمدەۋدى قامتاماسىزداندىرۋ قورىنداعى قاراجاتتى باسقاعا پايدالانۋ نەمەسە جالعان ماقساتتا پايدالانۋ، ياكي، تۋىت قوسىمشا قاراجاتى، مەديتسينالىق كومەك قورى قاتارلىلاردان قاراجات الداپ الۋ قاتارلىلار قامتىلادى.

ناقتى ەرەجەدە مىنالار تالاپ ەتىلگەن: ەمدەۋدى قامتاماسىزداندىرۋ ىستەرىن اتقارۋشى ورگاندار كەلىسىمگە ساي باسقارۋ جاۋاپكەرشىلىگىن اتقارىپ، بەلگىلەنگەن ەمدەۋ قۇرىلىمدارى ءوتىنىش ەتكەن قاراجات جونىندە كۇندەلىكتى تەكسەرۋ، زەردەلى تەكسەرۋ، ۇلگى الىپ تەكسەرۋ، سالىستىرىپ تەكسەرۋ قاتارلى ەمدەۋدى قامتاماسىزداندىرۋ قورىن پايدالانۋعا قاتىستى باسقارۋ شارالارىن قولدانۋى كەرەك.

كەلۋ قاينارى: حالىق تورابى