ەلىمىزدەگى جۇيەلىك ماڭىزدى بانكەلەردىڭ تىزىمدىگى جاريالاندى 

ءتىلشىنىڭ 2 – ايدىڭ 13 – كۇنى جۇڭگو حالىق بانكەسىنەن ۇعىسۋىنشا، جۋىردا جۇڭگو حالىق بانكەسى، مەملەكەتتىك فينانستى باقىلاۋ – باسقارۋ باس مەڭگەرمەسى 2025 – جىلعى ەلىمىزدەگى جۇيەلىك ماڭىزدى بانكەلەرگە باعالاۋ جۇرگىزىپ، ەلىمىزدەگى جۇيەلىك ماڭىزدى 21 بانكەنى تۇراقتاندىرعان، مۇنىڭ ىشىندە مەملەكەت مەنشىگىندەگى ساۋدا بانكەلەرىنەن 6 بانكە، جارنالىق تۇزىمدەگى ساۋدا بانكەلەرىنەن 10 بانكە، قالا كولەمىندەگى ساۋدا بانكەلەرىنەن 5 بانكە قامتىلعان.

تىزىمدىكتى جاساۋداعى ماقسات — بارلىق جاق تۇگەل قامتىلعان ماكرولىق جاقتا تىڭعىلىقتى باسقارۋ جۇيەسىن قۇرىپ، جۇيەلىك ماڭىزدى فينانس قۇرىلىمدارىن باقىلاۋ - باسقارۋدى كۇشەيتۋ.

تانىستىرۋعا قاراعاندا، جۇڭگوداعى جۇيەلىك ماڭىزدى بانكەلەردى العان ءنومىرى بويىنشا تومەننەن جوعارىعا قاراي بەس گرۋپپاعا بولگەن:

ءبىرىنشى گرۋپپادا 11 بانكە بار، مۇندا جۇڭگو مينشىڭ بانكەسى، جۇڭگو گۋاڭدا بانكەسى، پيڭ - ان بانكەسى، حۋاشيا بانكەسى، نيڭبو بانكەسى، جياڭسۋ بانكەسى، بەيجيڭ بانكەسى، نانجيڭ بانكەسى، گۋاڭفا بانكەسى، جىجياڭ ساۋدا بانكەسى، شاڭحاي بانكەسى قامتىلعان؛

ەكىنشى گرۋپپادا 4 بانكە بار، مۇندا شيڭيە بانكەسى، جۇڭشين بانكەسى، پۋفا بانكەسى، جۇڭگو پوچتا امانات بانكەسى قامتىلعان؛

ءۇشىنشى گرۋپپادا 2 بانكە بار، مۇندا قاتىناس بانكەسى، ساۋداگەر شاقىرۋ بانكەسى قامتىلعان؛

ءتورتىنشى گرۋپپادا 4 بانكە بار، مۇندا جۇڭگو ونەركاسىپ – ساۋدا بانكەسى، جۇڭگو بانكەسى، جۇڭگو قۇرىلىس بانكەسى، جۇڭگو اۋىل شارۋاشىلىعى بانكەسى قامتىلعان؛

قازىرشە بەسىنشى گرۋپپاعا كىرگىزىلگەن بانكە جوق.

جۇڭگو حالىق بانكەسىنىڭ قاتىستى قىزمەتكەرى مىنانى ءبىلدىردى: كەلەسى قادامدا، جۇڭگو حالىق بانكەسى، مەملەكەتتىك فينانستى باقىلاۋ – باسقارۋ باس مەڭگەرمەسى ماكرولىق جاقتا تىڭعىلىقتى باسقارۋ مەن ميكرولىق جاقتا تىڭعىلىقتى باقىلاۋ – باسقارۋ بىرىككەن كۇشىن ويداعىداي ساۋلەلەندىرىپ، جۇيەلىك ماڭىزدى بانكەلەرگە قوسىمشا باقىلاۋ – باسقارۋ جۇرگىزۋدى ۇزدىكسىز نىعايتىپ، جۇيەلىك ماڭىزدى بانكەلەردىڭ حاۋىپسىز، ورنىقتى جۇمىس جۇرگىزۋىن جانە اقاۋسىز دامۋىن جەبەپ، تۇلعالىق ەكونوميكانىڭ جوعارى ساپالى دامۋىنا اناعۇرلىم ويداعىداي قىزمەت وتەيدى.

كەلۋ قاينارى: حالىق تورابى