جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى ”1 - شىلدە وردەنىنە“ كورسەتۋ جانە مەملەكەتتىك ”ەكى تاڭداۋلى، ءبىر وزاتقا“ تانىستىرۋ قىزمەتىن جاقسى ىستەۋ جونىندە ۇقتىرۋ باسىپ تاراتتى

شينحۋا اگەنتتىگى، 3 - ايدىڭ 1 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى تاياۋدا ”1 - شىلدە وردەنىنە“ كورسەتۋ جانە مەملەكەتتىك ”ەكى تاڭداۋلى، ءبىر وزاتقا“ تانىستىرۋ قىزمەتىن جاقسى ىستەۋ جونىندە ۇقتىرۋ باسىپ تاراتتى (تومەندە قىسقاشا «ۇقتىرۋ» دەلىنەدى). «ۇقتىرۋدا» مىنالار اتاپ كورسەتىلدى: پارتيا ورتالىق كوميتەتى جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتى اتىنان ”1 - شىلدە وردەنىن“ تاراتىپ، مەملەكەتتىك تاڭداۋلى كوممۋنيستىك پارتيا مۇشەلەرىن، مەملەكەتتىك تاڭداۋلى پارتيا ىستەرى قىزمەتكەرلەرىن جانە مەملەكەتتىك وزات نەگىزگى ساتى پارتيا ۇيىمدارىن ماداقتاپ سيلاۋدى ۇيعاردى.

«ۇقتىرۋدا» مىنالار تالاپ ەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋىن مۇقيات تياناقتاندىرىپ، ”1 - شىلدە وردەنىن“ باعالاۋ، تاراتۋ جانە ”ەكى تاڭداۋلى، ءبىر وزاتتاردى“ باعالاۋ، ماداقتاۋ - سيلاۋ قىزمەتىن تىڭعىلىقتى ىستەپ، ەڭبەك سىڭىرگەن ۇلگىلەر مەن وزات تيپتەردىڭ رۋحاني قاسيەتىن تولىق ايگىلەپ، قالىڭ پارتيا ۇيىمدارى مەن پارتيا مۇشەلەرىنىڭ ءار شەپتە، ءار سالادا، ءار قىزمەتتە قول جەتكىزگەن سۇبەلى تابىستارىن تولىق ايگىلەۋ؛ سەنىمدى بەكەمدەۋ، باستى ماقساتتى امالياتتا ايگىلەۋ، ەرلىكپەن ۇلەس قوسۋ، ۇكىمەت ىسىندە پاك بولۋ سىندى وسكەلەڭ قاسيەت پەن وسكەلەڭ رۋحتى بارىنشا ساۋلەلەندىرىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىن ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋعا، باتىلدىقپەن جاۋاپكەرشىلىك ارقالاپ، ەرلىكپەن العا ۇمتىلۋعا تاربيەلەپ، جەتەكتەپ، بۇكىل پارتيانىڭ، بۇكىل قوعامنىڭ وزاتتاردى ارداقتايتىن، جاقسىدان ونەگە الاتىن قويۋ راي قالىپتاستىرۋىن ىلگەرىلەتىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نىسانا - مىندەتتەرىن ءساتتى ورىنداۋ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن جاپپاي ىلگەرىلەتۋ، ۇلتتى گۇلدەندىرۋ ۇلى ءىسىنىڭ جاڭا جاعدايىن جاراتۋ جولىندا بىرگە كۇرەس جۇرگىزۋ كەرەك.

«ۇقتىرۋدا» ”1 - شىلدە وردەنىنە“ كورسەتىلەتىن كانديداتتاردىڭ جانە مەملەكەتتىك ”ەكى تاڭداۋلى، ءبىر وزاتقا“ تانىستىرىلاتىن كانديداتتاردىڭ سانى، شارتى جانە ءادىسى ايقىن كورسەتىلدى. كورسەتۋشى (تانىستىرۋشى) مەكەمە - ورىنداردان مىنالاردى تالاپ ەتىلدى: ۇيىمدىق باسشىلىقتى كۇشەيتىپ، جاۋاپكەرشىلىك ارقالاۋدى كۇشەيتىپ، دەن قويا ۇيىمداستىرىپ اتقارۋ؛ پارتيا ىشىندەگى قاتىستى زاڭ - ەرەجەلەردە بەلگىلەنگەن ولشەم، شارت جانە ءتارتىپ بويىنشا پارتكومنىڭ (پارتيا باسشىلىق گرۋپپاسى) باسشىلىق ەتۋ مەن وتكەلدى يگەرۋ رولىن شىنايى ساۋلەلەندىرۋ؛ ساياسي ولشەمدى ماڭداي الدى ورىنعا قويۋعا تاباندى بولىپ، كورسەتىلگەن كانديداتتار مەن كورسەتىلگەن وبيەكتىلەردىڭ ۇدايىلىق بەينەسىن جاپپاي تەكسەرىپ، ءىس جۇزىندىك ۇلەسىن، بۇقارانىڭ جاپپاي مويىنداۋىن باعالاۋ ولشەمى ەتۋ؛ دەموكراتيانى تولىق ساۋلەلەندىرىپ، ءار جاقتىڭ پىكىرىن كەڭىنەن قابىلداپ، العاباسارلىق، ۋاكىلدىك جانە داۋىرلىك سيپاتتى تولىق ايگىلەۋ كەرەك.

كەلۋ قاينارى: حالىق تورابى