جاسىل فينانس جونىندە ىزدەنىس جاساپ، تيپكە بۇرىلىس جاساۋدى جەبەدى (ناقتى ىستەپ، جاۋاپكەرشىلىك ارقالاپ، ءبىر نيەت، ءبىر تىلەكتە بولىپ، جاڭا جول اشۋ . ۋاكىلدەر مەن مۇشەلەردىڭ مىندەت اتقارۋ حيكاياسى)

 كوكتەم باسىنداعى شاندۇڭ ولكەسىنىڭ كەڭ - بايتاق دالاسىندا، دۇڭيىڭ حيميا ونەركاسىپ باقشا رايونىنىڭ جاسىلعا وزگەرتۋ ءوندىرىس جەلىسى ورنىقتى جۇمىس جۇرگىزۋدە، زىبو فارفور كاسىپورىندارىنىڭ تومەن كومىرتەكتى كۇيدىرۋ سەحىندا ماشينالار گۇرىلدەپ، چيڭداۋ پورتىنىڭ جاڭا ەنەرگيالىق تيەۋ - ءتۇسىرۋ جابدىقتارى تارتىپپەن جۇمىس جۇرگىزۋدە... مىنە، بۇلار وسى جىلدارداعى كاسىپ سالاسى وزگەرىسىنىڭ كۋاسى ىسپەتتى، مەملەكەتتىك ساياسي كەڭەستىڭ مۇشەسى، جۇڭتاي باعالى قاعازىنىڭ باس ديرەكتورى فىڭ ي - دۇڭ كەرەمەت اسەرىمەن ءبولىستى.

”2018 - جىل، ءبىر جولى دۇڭيىڭداعى ءبىر حيميا ونەركاسىپ كاسىپورنىنا بارىپ تەكسەرۋ - زەرتتەۋ جۇرگىزگەنىمدە، زاۆود اۋماعىنىڭ اسپانىن ءبىر قابات سۇرعىلت تۇمان تورلاپ تۇرعانىن، اۋادا مۇرىندى تىتىركەندىرەتىن ءيىس بار ەكەنىن بايقادىم. كاسىپورىن جاۋاپتىسى ماعان ولاردىڭ دا بۇرىلىس جاساعىسى كەلەتىنىن، ءبىراق بانكە جاق ’ىعىستىرۋى مەن لاستانۋى جوعارى‘ كاسىپ سالاسىنا قارىز اقشا بەرمەيتىنىن ايتتى“. بۇل كورىنىس فىڭ ي - دۇڭنىڭ كوڭىلىندەگى تۇيىنشەككە اينالدى. كەيىن ول ۇيىرمەسىندەگىلەردى باستاپ جينان، زىبو، ۋەيفاڭ سياقتى ون نەشە ءداستۇرلى ونەركاسىپ كاسىپورىندارىن ارالاپ، كاسىپورىنداردىڭ جاسىل تيپكە بۇرىلىس جاساۋداعى ورتاق قيىنشىلىعىن: تىلەگى بولعانىمەن، قارجىسى كەمشىل بولۋ، جاسىل فينانس ونىمدەرى جالاڭ بولۋ، ۇكىمەت، بانكە، كاسىپورىنداردىڭ ۇشتاسۋى ىركىلىسسىز بولماۋ، ورتا، شاعىن كاسىپورىنداردىڭ قارجى قۇراۋى قيىن بولۋ، قارجى قۇراۋ قىمبات بولۋ ماسەلەسىنە ءتىپتى دە ءدوپ كەلگەنىن بايقادى. بۇل جاعداي ونىڭ سەنىمىن ونان ارى بەكەمدەي ءتۇستى: جاسىل دامۋعا بەتالۋدا تەك كاسىپورىننىڭ سانالىلىعىنا عانا سۇيەنۋگە بولمايدى، ءسوز جوق، فينانستى كاسىپ سالاسىنىڭ جاسىل تيپكە بۇرىلىس جاساۋىنىڭ ”دەمەۋشىسىنە“ اينالدىرۋ كەرەك.

تاياۋداعى جىلداردا فىڭ ي - دۇڭ جاسىل فينانستىڭ دامۋىنا باستان - اياق قاداعالاي نازار اۋدارىپ، جاسىل فينانستىڭ رولىن ساۋلەلەندىرىپ، جاسىل، تومەن كومىرتەكتى، جوعارى ساپالى دامۋدا الدىمەن اتقارىلاتىن رايون قۇرىلىسىن قولداۋ، كومىر قىشقىل گازىن ىعىستىرۋدى ازايتۋ ساياسات جۇيەسىن ساپالىلاندىرىپ، ”قوس كومىرتەگى“ نىساناسىن جۇزەگە اسىرۋعا دەم بەرۋ سياقتى كوپتەگەن ۇسىنىس جوبالاردى جازىپ، فينانس بايلىعىنىڭ جاسىل تيپكە بۇرىلىس جاساعان كاسىپورىندارعا بەيىمدەلۋىنە دەم بەردى.

فىڭ ي - دۇڭدى قۋانتقانى، ۇسىنىس جوباعا قاتىستى تاراۋلار بەلسەنە جاۋاپ قايتاردى. وسى بىرنەشە جىلدا ول جاسىل زايوم تۇرلەرىنىڭ كۇن سايىن مولايىپ، جاسىل قارجى قۇراۋ ارناسىنىڭ بىرتىندەپ ساپالىلانعانىن، اسىرەسە، شاندۇڭنىڭ جاسىل، تومەن كومىرتەكتى، جوعارى ساپالى دامۋدا الدىمەن اتقارىلاتىن رايون قۇرىلىسىندا فينانستىڭ ”جاندى سۋىنىڭ“ دالمە - ءدال تامشىلاتىپ سۋارۋ ونىمدىلىگىنىڭ كۇن سايىن كورنەكتىلەنگەنىن كوردى.

بيىلعى مەملەكەتتىك ەكى ءماجىلىس اشىلۋ الدىندا تۇر، فىڭ ي - دۇڭ كومىر قىشقىل گازىن شىعارۋ ۇقىعى ساۋدا بازارىن كەمەلدەندىرۋ جونىندەگى ەڭ جاڭا تەكسەرۋ - زەرتتەۋ جەتىستىكتەرىن دايىندادى. وسى ماسەلەنى ويداعىداي زەرتتەۋ ءۇشىن، وتكەن ءبىر جىلدا ول ۇيىرمەسىندەگىلەردى باستاپ كوپتەگەن ايماق، قالالاردىڭ ءتۇيىندى ونەركاسىپ كاسىپورىندارىن، كومىر قىشقىل گازى ساۋدا قۇرىلىمدارىن ارالادى؛ شاندۇڭ ولكەسىنىڭ جاسىل، تومەن كومىرتەكتى، جوعارى ساپالى دامۋ جينالىسىنا قاتىناسىپ، ۇكىمەت تاراۋلارىنىڭ، كاسىپورىنداردىڭ، فينانس قۇرىلىمدارىنىڭ ۋاكىلدەرىمەن ىشكەرىلەي پىكىر اۋىستىردى؛ مەملەكەتتىك باجى باس مەكەمەسىنىڭ ەڭ جاڭا شىعارعان كومىر قىشقىل گازى ساۋداسىنىڭ ارتقان قۇن باجىسى ساياساتىن زەرتتەپ، شەتەلدىڭ كومىر قىشقىل گازى بازارى قۇرىلىسىنىڭ تاجىريبەلەرىن كورىپ، ەلىمىزدىڭ ءىس جۇزىندىك جاعدايىمەن ۇشتاستىرا وتىرىپ باعىتتامالى ۇسىنىستار قويدى.

ءتىلشى ەستەلىگى

مىندەت اتقارۋ اياق الىسى كاسىپ سالاسىنىڭ دامۋىنا كۋا بولدى

دۇڭيىڭ حيميا ونەركاسىپ باقشا رايونىنىڭ بۇرىنعى ”سۇرعىلت تۇماننان“ جاسىل تيپكە بۇرىلىس جاساۋدا العاشقى ونىمدىلىككە قول جەتكىزۋىنە دەيىن، مۇشە فىڭ ي - دۇڭنىڭ مىندەت اتقارۋ قادامى باستان - اياق كاسىپ سالاسىنىڭ دارەجەسىن جوعارىلاتۋمەن بىرگە بولدى. ول كاسىپورىننىڭ قارجى قۇراۋداعى قيىن ماسەلەلەرىن كوكەيىندە ساقتاپ، ءبىرىنشى شەپتىڭ شىنايى ءۇنىن ءماجىلىس زالىنا جەتكىزىپ، جاسىل فينانستىڭ ”جاندى سۋىن“ كاسىپ سالاسىنىڭ تيپىن وزگەرتۋ توپىراعىنا دالمە - ءدال قۇيدى. تابان تىرەپ، وتان قامىن ويلاۋ ونىڭ مىندەت اتقارۋ سەنىمى عانا ەمەس، ونان دا ماڭىزدىسى، جاڭا داۋىردەگى ساياسي كەڭەس مۇشەلەرىنىڭ جاۋاپكەرشىلىگى مەن سۇيىسپەنشىلىگىنىڭ جاندى بەينەسى ەدى.