جۇڭگو سىرتقى ىستەر مينيسترلىگى ەسكەرتتى: جۇڭگو ازاماتتارى يراننىڭ ماڭىنداعى وڭىرلەرگە ۋاقىتشا بارماعانى ءجون 

ورتالىق تەلەۆيزيا تورابىنىڭ حابارى: 2 – ايدىڭ 28 – كۇنى، ا ق ش مەن يزرايل يرانعا باعىتتالعان اسكەري ارەكەتىن باستادى، يران ارمياسى ا ق ش – نىڭ ورتا شىعىس رايونىنداعى اسكەري بازالارىنا سوققى بەردى، يراننىڭ ماڭىنداعى ءبىر ءبولىم مەملەكەتتەر تەرريتوريالىق كەڭىستىگىن جاۋىپ، حالىقارالىق ۇشاقتار ۇشۋدى توقتاتقان. يرانعا باعىتتالعان شابۋىلدا جۇڭگو ازاماتتارى جارالانعان، ءبىر ءبولىم ساياحاتشىلار سول جەردە ۋاقىتشا بوگەلىپ قالعان.

جۇڭگو سىرتقى ىستەر مينيسترلىگى 3 – ايدىڭ 1 – كۇنى جۇڭگو ازاماتتارىنا جاعدايداعى وزگەرىستەرگە ءجىتى نازار اۋدارۋدى، يراننىڭ ماڭىنداعى اسكەري سوققى بەرۋدىڭ ىقپالىنا ۇشىراعان مەملەكەتتەر مەن وڭىرلەرگە ۋاقىتشا بارماۋدى ەسكەرتتى. اتالعان مەملەكەتتەر مەن وڭىرلەردەگى جۇڭگو ازاماتتارىنا باس اماندىعىنىڭ حاۋىپسىزدىگى جاعىندا ساقتىقتى اناعۇرلىم كۇشەيتىپ، اسكەري قۇرىلعىلار ورنالاسقان وڭىرلەر، ەرەۋىل – جينالىس وتكىزىلگەن وڭىرلەر قاتارلى سەزىمتال رايوندارعا بارۋدان ساقتانۋدى ەسكەرتتى. ەگەر شۇعىل جاعدايعا تاپ بولساڭىز، دەر كەزىندە ساقشىعا مالىمدەڭىز نەمەسە جەرگىلىكتى ورىندا تۇراتىن جۇڭگو ەلشىلىگىمەن، كونسۋلحانالارمەن بايلانىس جاساپ، كومەك سۇراۋىڭىزعا بولادى.

كەلۋ قاينارى: حالىق تورابى