مەملەكەتتىك ساياسي كەڭەس مۇشەسى سۋ حايجىن: جۇڭگونىڭ تەڭىز – مۇحيتتى تىرشىلىك نەگىزى ەتەتىن از ۇلتىنىڭ دامۋ حيكاياسىن ويداعىداي بايانداۋ كەرەك 

سۋرەتتە: 2 - ايدىڭ 7 – كۇنى گۋاڭشيدىڭ دۇڭشيڭ قالاسىندا سۋ حايجىن (سولدا) جەرگىلىكتى بالىقشىلارمەن اڭگىمەلەسىپ، ولاردىڭ تىلەگىن ۇعىسۋدا.

گۋاڭشيدىڭ دۇڭشيڭ قالاسى ەلىمىزدەگى تەڭىز – مۇحيتتى تىرشىلىك نەگىزى ەتەتىن از ۇلت — جيڭزۋ ۇلتى شوعىرلى قونىستانعان رايون. مەملەكەتتىك ساياسي كەڭەس مۇشەسى سۋ حايجىن، ايەل، ۇلتى جيڭزۋ، گۋاڭشي دۇڭشيڭ قالاسى ورتا دارەجەلى كاسىپتىك تەحنيكا مەكتەبىنىڭ ورىنباسار باستىعى بولىپ قىزمەت ىستەۋدە، سونىمەن بىرگە، مەملەكەتتىك 3 – توپتاعى بەيزاتتىق مادەني مۇرا نىسانى سانالاتىن جيڭزۋ ۇلتىنىڭ جالعىز ىشەكتى مۋزيكا اسپابىنىڭ اۆتونوميالى رايون دارەجەلى مۇراگەرى.

كوپ جىلداردان بەرى، سۋ حايجىن جيڭزۋ ۇلتىنىڭ جالعىز ىشەكتى مۋزيكا اسپابىن قورعاۋ، وعان مۇراگەرلىك ەتۋ جانە ونى جاڭالىق اشا دامىتۋ جاعىندا كۇش سالىپ كەلدى. ول قىستىق جانە جازدىق دەمالىستان، سونداي – اق، اپتا سوڭىنداعى دەمالىستان پايدالانىپ، دۇڭشيڭ قالاسىنداعى ورتا، باستاۋىش مەكتەپتەر مەن كاسىپتىك مەكتەپتەرگە بارىپ جالعىز ىشەكتى مۋزيكا اسپابىن شەرتۋ ونەرىن ۇيرەتەدى، سونىمەن بىرگە، وقۋ – اعارتۋ تاراۋلارىنىڭ قولداۋىنا قول جەتكىزۋگە كۇش سالىپ، مەكتەپكە مۋزيكا اسپابىن ساتىپ الىپ، ساباق وتەدى. جيڭزۋ ۇلتىنىڭ مادەنيەتى، كوركەمونەرى، كيىم – كەشەگى قاتارلىلارعا مۇراگەرلىك ەتۋ بارىسىندا ءدوپ كەلگەن قيىنشىلىقتارعا باعىتتاي وتىرىپ، سۋ حايجىن «جيڭزۋ ۇلتى دارىندىلارىن جەتىلدىرۋ بازاسىن» قۇرۋعا دايىندالىپ، جيڭزۋ ۇلتىنىڭ مادەنيەتىن جەرگىلىكتى مادەنيەت – ساياحات نىسانالارىمەن ۇشتاستىرۋدى بەلسەندى ىلگەرىلەتتى.

دۇڭشيڭ قالاسى — ەلىمىزدەگى ماڭىزدى شەكارالىق وتكەل قالا، سونىمەن بىرگە، تەڭىز جاعالاۋىندىق ساياحات قالاسى. مەملەكەتتىك ساياسي كەڭەس مۇشەسى رەتىندە سۋ حايجىن مىندەت اتقارۋ مەزگىلىندە شەكارالىق رايوندارداعى ساۋداگەرلەرمەن، بالىقشىلارمەن جانە ساياحاتشىلارمەن اڭگىمەلەسىپ، ولاردىڭ تىلەگى مەن ۇسىنىستارىن تولىق ۇعىستى. سۋ حايجىن: ”قازىر ءبىزدىڭ شەكارالىق رايوندارىمىز مەن ۇلت رايوندارىمىزدى دامىتۋعا قولداۋ كورسەتەتىن كوپتەگەن جاقسى ساياساتتار بار، مەن بۇل ارانىڭ دامۋ حيكاياسىن ويداعىداي بايانداۋعا تىرىسامىن“ دەدى.

شينحۋا اگەنتتىگىنىڭ ءتىلشىسى ساۋ ۋەيميڭ فوتوسى

كەلۋ قاينارى: حالىق تورابى