اۋىل – قىستاققا تامىر تارتىپ، اۋەلگى ماقساتتان جازباي، حالىق ءۇشىن مىندەت اتقارىپ، ناقتى ءىس ىستەدى

سۋرەتتە: 2- ايدىڭ 9 – كۇنى، ىلە قازاق اۆتونوميالى وبلىسى كۇنەس اۋدانىندا، مۇساجان قايرات (سولدان ءبىرىنشى) كەرەگەتاس قىستاعى پارتيانىڭ بۇقاراعا قىزمەت وتەۋ ورتالىعىندا جەرگىلىكتى ورىننىڭ ءبىرىنشى شۋجيى ليۋ ليۋ حۋابيڭمەن (سولدان ەكىنشى)، كادر جۇلدىز ايتانمەن (وڭنان ەكىنشى)، كادر ايجان باقىتجانمەن كەڭەسۋدە.

14 - كەزەكتى مەملەكەتتىك حالىق قۇرىلتايى ۋاكىلى، شينجياڭ كۇنەس اۋدانى سوربۇلاق قالاشىعى كەرەگەتاس قىستاعىنىڭ تۇرعىنى مۇساجان قايرات ءار كەزەكتى مەملەكەتتىك ەكى ماجىلىسكە قاتىناسىپ قايتقان سوڭ، ەڭ الدىمەن ءماجىلىس رۋحىن جانە حالىققا ءتيىمدى ساياساتتاردى اۋىلداستارعا تۇگەلدەي جەتكىزەدى.

مۇساجان ورتالاۋ مەكتەپتەن وقۋ تاۋىسقان سوڭ، ۇستادان تەمىرشىلىك ۇيرەنىپ، توكپەن دانەكەرلەۋ دۇكەنىن اشادى، جاپاعا توزىمدىلىگىنىڭ ارقاسىندا، ءوزىنىڭ وتباسىن جاقسى تۇرمىسقا كەنەلتىپ قانا قويماي، ءوزىنىڭ باي تاجىريبەلەرىن ىرىقتىلىقپەن ءبولىسىپ، قىستاق تۇرعىندارىنا توكپەن دانەكەرلەۋ ونەرىن تەگىن ۇيرەتىپ، ولاردىڭ توكپەن دانەكەرلەۋ دۇكەنىن اشۋىنا كومەكتەسىپ، ماڭايىنداعى جۇرتشىلىقتى كىرىسىن ارتتىرۋعا جەتەلەيدى.

مەملەكەتتىك حالىق قۇرىلتايى ۋاكىلى بولىپ سايلانعان سوڭ، مۇساجان ارقالاعان جاۋاپكەرشىلىگىنىڭ اۋىر ەكەنىن تەرەڭ تۇسىندى. ول جىل بويى اۋىل – قىستاق كوشەلەرىندە، ەگىنجايلار اراسىندا تىنىم كورمەي شاپقىلاپ، جۇرتشىلىقتىڭ قيىنشىلىعىن كوڭىل قويا تىڭداپ، ءاربىر تىلەكتى مۇقيات ەستەلىككە الىپ، مەيىرىمگە تولى، ىسكە اسىرىلاتىن ۇسىنىسقا اينالدىردى.

جۇرتشىلىق اڭىس ەتكەن ەگىنجايدى سۋارۋدىڭ قولايسىز بولۋى، قاتىناۋ جولدارىنداعى كەدەرگىلەر قاتارلى ماسەلەلەرگە باعىتتاي وتىرىپ، مۇساجان تەكسەرۋ - زەرتتەۋ جۇرگىزگەن سوڭ، سوربۇلاق سايى رايونىندا جوعارى ولشەمدى ەگىنجاي قۇرىلىسى جونىندەگى جوبانى ورتاعا قويدى. ونىڭ بەلسەندىلىكپەن ىلگەرىلەتۋىندە، جەرگىلىكتى ورىننىڭ جوعارى ولشەمدى ەگىنجاي قۇرىلىسى نىسانى ءساتتى باستالدى، تامشىلاتىپ سۋارۋ قۇرىلعىلارىنىڭ جالپىلاستىرىلۋى ديقانداردىڭ اناعۇرلىم الاڭسىز تۇردە ەگىن ەگۋىنە، كىرىسىن ارتتىرۋىنا شارت – جاعداي جاراتتى. مۇساجان اۋىل – قىستاقتىڭ جوعارى ساپالى دامۋىنا نازاردى شوعىرلاندىرىپ، كۇنەس اۋدانى نارات اۋەجايىن وزگەرتىپ سالۋ جانە كەڭەيتۋ، اۋدان كولەمىندەگى جولداردى جاقسارتۋ، ساز جەر ەكولوگيالىق ورتاسىن قورعاۋ قاتارلى كوپتەگەن ۇسىنىستاردى ورتاعا قويىپ، اۋىل – قىستاقتىڭ دامۋ ارناسىن كەڭەيتۋگە، جۇرتشىلىقتىڭ باقىت سەزىمىن جوعارىلاتۋعا شىنايى دەم بەردى.

ەڭبەكشىلدىكپەن اۋقاتتانۋدان باستاماشى بولۋعا دەيىن، ونان ارى اۋىلداستاردىڭ ءۇنىن جەتكىزەتىن حالىق قۇرىلتايى ۋاكىلى بولعانعا دەيىن، مۇساجان قايرات باستان – اياق اۋىل – قىستاققا تامىر تارتىپ، اۋىلداستارىن ەسىنەن شىعارمادى. ول مىندەتىن مۇقيات اتقارىپ، اۋىلداستارى ءۇشىن ناقتى ءىس ىستەپ، ولاردىڭ قيىنشىلىقتارىن شەشىپ، ەكى ءماجىلىس رۋحىن نەگىزگى ساتىدا تياناقتاندىرىپ، اۋىلداستاردىڭ تۇرمىسىن بارعان سايىن جاقسارتۋعا كۇش سالدى.

شينحۋا اگەنتتىگىنىڭ ءتىلشىسى شين يۋەۋەي فوتوسى

كەلۋ قاينارى: حالىق تورابى