عىلىم - تەحنيكادا جاڭالىق اشۋ جۇيەسىن كەمەلدەندىرىپ، جاڭالىق اشۋ بايلىعىنىڭ ورنالاسۋىن ساپالىلاندىرايىق (”15 - بەسجىلدىقتا“ جاقسى باستاما اشىپ، جاقسى قادام باسايىق)

3 - ايدىڭ 12 - كۇنى سىچۋانداعى ”قاتتى يادرو“ جونىندەگى حابار كوپتەگەن ادامداردىڭ نازارىن اۋداردى: چىڭدۋ جوعارى، جاڭا تەحنيكا رايونىندا ەرەكشە جوعارى قارقىندى، جوعارى دالدىكتەگى مودەل اۋىستىرعىش جاريالاندى.

چىڭدۋ حۋاۋي ەلەكترون عىلىم - تەحنيكا شەكتى جارنا سەرىكتىگى زەرتتەپ جاساعان وسى اۋىستىرعىش ەلىكتەمەلى سيگنالدى سيفرلى سيگنالعا اينالدىرىپ، ساۋدا، عارىش سياقتى سالالاردا كەڭىنەن قولدانىپ، ەل ىشىندەگى بوستىقتى تولتىردى.

بيىلعى مەملەكەتتىك ەكى ماجىلىستە باس شۋجي شي جينپيڭ بىلاي دەپ باسا دارىپتەدى: ”العاشقى جاڭالىق اشۋدى جانە شەشۋشى، وزەكتى تەحنيكالاردان قامال الۋدى كۇشەيتۋ، عىلىم - تەحنيكانىڭ بيىك تۇرعىسىن يەلەۋ جاعىندا تىڭ قامال الۋعا كۇش سالۋ كەرەك“. 2023 - جىلى 7 - ايدا باس شۋجي شي جينپيڭ سىچۋاندا قىزمەت تەكسەرگەندە بىلاي دەپ اتاپ كورسەتتى: ”عىلىم - تەحنيكادا جاڭالىق اشۋ جۇيەسىن كەمەلدەندىرىپ، مەملەكەتتىڭ ستراتەگيالىق عىلىم - تەحنيكا كۇشى مەن بايلىعىن بەلسەنە ۇشتاستىرىپ، جاڭالىق اشۋ بايلىعىنىڭ ورنالاسۋىن ساپالىلاندىرىپ، كەمەلدەندىرىپ، ءبىر توپ شەشۋشى، وزەكتى تەحنيكالاردان قۇلشىنا قامال الىپ، باتىس بولىك ءوڭىرىنىڭ جاڭالىق اشۋ بيىگىن كۇش سالا قالىپتاستىرۋ كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، سىچۋان الدىڭعى لەكتەگى عىلىم - تەحنيكادا قامال الۋ ارەكەتىن ىشكەرىلەي اتقارىپ، عىلىم - تەحنيكادا جاڭالىق اشۋ قابىلەتىن ورنىقتى جوعارىلاتىپ، ”14 - بەسجىلدىق“ كەزىندە بۇكىل ولكەدەگى ءار 10 مىڭ ادامنىڭ جوعارى قۇندى تاپقىرلىق پاتەنتىنە يە بولۋ مولشەرىن 2 ەسەدەن استام ارتتىرىپ، 2025 - جىلى تەحنيكالىق توقتامنىڭ ساۋدا سوماسى 300 ميلليارد يۋاننان استى. ”15 - بەسجىلدىقتا“ ۇدەرە العا تارتقاندا، سىچۋان جاڭالىق اشۋ جۇيەسىنىڭ جالپى تۇلعالىق ونىمدىلىگىن ۇزدىكسىز جوعارىلاتىپ، عىلىم - تەحنيكادا جاڭالىق اشۋدىڭ قاينار كوزى فۋنكتسياسىن كۇشەيتىپ، باتىس بولىك وڭىرلەردىڭ جاڭالىق اشۋ بيىگىن قالىپتاستىرادى.

جاڭالىق اشۋ بايلىعىنىڭ ورنالاسۋىن ساپالىلاندىردى جانە كەمەلدەندىردى –

سىچۋان سۇينيڭ، چۇڭچيڭ داشۋەسى ليتي ەلەكترى جانە جاڭا ماتەريال سۇينيڭ زەرتتەۋ ورنى، ليتي كۇكىرتتى باتەريانىڭ سىناق ءوندىرىس جەلىسى جوعارى ونىمدىلىكپەن جۇمىس جۇرگىزىپ، جاڭا تۇرپاتتى باتەريا ونىمدەرى تولاسسىز جەلىگە ءتۇستى.

چۇڭچيڭ داشۋەسىنىڭ زەرتتەۋ توبىنىڭ تەحنيكالىق نەگىزى تەرەڭ، سۇينيڭ ليتي ەلەكتر كاسىبى پىسىپ - جەتىلگەن. 2021 - جىلى چۇڭچيڭ داشۋەسى مەن سۇينيڭ قالالىق ۇكىمەت بىرگە قۇرىپ، زەرتتەۋ ورنى ماڭدايشالىق اسىپ قۇرىلدى. ”نازاردى ليتي كۇكىرتتى باتەريا، ءۇش نەگىزدى وڭ ەلەكترود ماتەريالى سياقتىلارعا شوعىرلاندىرىپ، شەشۋشى تەحنيكالاردى زەرتتەۋ - اشۋدى ورىستەتىپ، 20 نەشە ءتۇرلى پاتەنت ۇقىعىنا يە بولدىق“ دەدى زەرتتەۋ ورنىنىڭ باستىعىنىڭ ورىنباسارى لي سۇنپۋ بىلاي دەدى: كەلەسى قادامدا ليتي كۇكىرتتى باتەريانىڭ ءونىم مولشەرى اياق الىسىن جەدەلدەتىپ، ليتي ەلەكترىنىڭ تۇتاس كاسىپ تىزبەگى تەحنيكاسىنان قامال الۋدا تىڭ تابىستارعا قول جەتكىزۋگە كۇش سالامىز.

”14 - بەسجىلدىق“ كەزىندە سىچۋان ولكەسى ولكە وڭىرىندەگى عىلىم - تەحنيكادا جاڭالىق اشۋ جۇيەسىن بەلسەنە ورناتىپ، چىڭدۋ - چۇڭچيڭ وڭىرىندەگى قوس قالا ەكونوميكالىق شەڭبەرى قۇرىلىسىن ىلگەرىلەتتى، سونداي - اق چۇڭچيڭمەن باتىس بولەك عىلىم قالاسىن بىرگە قۇرىپ، سىچۋان - چۇڭچيڭ عىلىم - تەحنيكادا جاڭالىق اشۋ سەلبەستىك جوسپارى نىسانىنان 257 ىن اتقاردى. سونىمەن بىرگە، سىچۋان مەملەكەتتىڭ ستراتەگيالىق عىلىم - تەحنيكا كۇشى مەن بايلىعىن ۇشتاستىرىپ، سىچۋانداعى مەملەكەت دارەجەلى جاڭالىق جاراتۋ تەكشەسى 205 كە جەتتى. “15 - بەسجىلدىق” كەزىندە سىچۋان ولكەسى ءتۇيىندى سالالارداعى بايلىقتىڭ ورنالاسۋىن ساپالىلاندىرىپ، جۇيەلىك قامال الۋ قابىلەتىن كۇشەيتىپ، كەلەلى عىلىم - تەحنيكا ارناۋلى نىساندارىن ءبىر تۇتاس اتقارىپ، ءتىپتى دە كوپ بەلگى سيپاتتى ءتول جاسامپازدىق جەتىستىكتەرىن وندىرۋگە كۇش سالادى.

عىلىم - تەحنيكا جەتىستىكتەرىن جوعارى ونىمدىلىكپەن كادەگە جاراتۋ جۇيەسىن ورناتتى _

سىچۋان تيانفۋ جاڭا رايونى، جۇڭگو اۋىل شارۋاشىلىق عىلىم اكادەمياسى قالا اۋىل شارۋاشىلىعىن زەرتتەۋ ورنى وسىمدىك زاۆودى تاجىريبەحاناسىندا شىراقتار جاپ - جارىق، قاتار - قاتار تۇكتى قىزىل بۇرىش مايساسى جاس بۇرشىككە اينالىپ، قاۋلاپ ءوستى.

2025 - جىلى 2 - ايدا سىچۋاننىڭ تۇڭعىش توپتاعى ”قوس باعىتتا اشىق جاريالاۋ“ نىسانى جاريالاندى، جۇڭگو اۋىل شارۋاشىلىق عىلىم اكادەمياسى قالا اۋىل شارۋاشىلىعىن زەرتتەۋ ورنىنىڭ ”وسىمدىك زاۆودتارىنىڭ داقىل تۇقىمىن جەتىلدىرۋ ۇدەتكىشى نىسانىنىڭ قولدانىلۋى جانە كاسىپ سالالانۋ“ جەتىستىگى شينتىڭسان ينتەرنەت عىلىم - تەحنيكا شەكتى سەرىكتەستىگىن ”اشىق جاريالاۋعا“ باۋرادى. ”سەرىكتەستىكتە جاساندى زەردە تەحنيكاسىنىڭ نەگىزى بار، بۇل جەتىستىك ءبىزدى جاڭا قولدانىلمالى كورىنىسپەن قامدادى“ سەرىكتەستىكتىڭ باس جوراسىنىڭ ورىنباسارى يۇي حىڭ بىلاي دەدى: ”قازىر 40 ميلليون يۋاننان استام قارجى قوسىپ، وسى جەتىستىكتىڭ كاسىپ سالالانۋىن ىلگەرىلەتتىك، تۇكتى قىزىل بۇرىش تۇقىمىن جەتىلدىرۋ پەريودىنىڭ تەڭ جارىمىن قىسقارتۋدان ءۇمىت بار“.

”قوس باعىتتا مىقتىلار باستاماشى بولىپ ىستەۋدىڭ“ ىشكەرىلەي ىلگەرىلەۋىنە ىلەسە، قازىرگە دەيىن سىچۋان ولكەسى 4 توپتا 260 نەشە نىساندى جاريالادى. ”’15 - بەسجىلدىق‘ كەزىندە ءبىز عىلىم - تەحنيكا جەتىستىكتەرىن جوعارى ونىمدىلىكپەن كادەگە جاراتۋ جۇيەسىن ۇزدىكسىز ورناتىپ، ’كاسىپورىنداردىڭ تەحنيكا ىزدەۋى‘ مەن ’جەتىستىكتەردىڭ بازار ىزدەۋىنە‘ دەم بەرەمىز“. سىچۋان ولكەلىك عىلىم - تەحنيكا مەڭگەرمەسىنىڭ باستىعى لۋ سۇڭميڭ بىلاي دەپ تانىستىردى: 2027 - جىلعا بارعاندا، ”باستاماشى بولىپ ىستەۋ“ نىسانىنان 500 دەن استامىن قولداۋعا كۇش سالىپ، كەلەلى نىشاندىق عىلىم - تەحنيكا جەتىستىكتەرىنىڭ سىچۋاندا كادەگە جاراۋ نىسانىنان 50 دەن استامىن ىلگەرىلەتۋ كەرەك.

كاسىپورىنداردىڭ عىلىم - تەحنيكادا جاڭالىق اشۋداعى تۇلعالىق ورنىن كۇشەيتەيىك –

چىڭدۋ جياشي ەلەكترون عىلىم - تەحنيكا شەكتى جارنا سەرىكتىگىنىڭ زاۆود ۇيىندە جاڭا تۇرپاتتى ەلەكتروماگنيتتىك يقۋات ماتەريالى ەندى عانا ىسكە قوسىلدى. ”سەرىكتەستىك زەرتتەپ جاساعان ونىمدەر ءتۇرلى زەردەلى تەرمينالداردا كەڭىنەن قولدانىلادى“ دەدى سەرىكتەستىكتىڭ جاۋاپتىسى چىن لياڭ.

كوپتەگەن كاسىپورىندار سياقتى، جياشي سەرىكتەستىگى دە ءبىرقىدىرۋ ساياساتتىق قولداۋعا يە بولدى: كاسىپورىن دارىندىلارىنىڭ سۇرانىسى زور، ۇيىمداستىرۋ تاراۋلارى ”تيانفۋ ىمي جوسپارى“ سياقتى نىساندارعا سان جاعىنان قولداۋ كورسەتىپ، جوعارى دەڭگەيلى عىلىم - تەحنيكا دارىندىلارىن باۋراۋعا دەم بەردى؛ كاسىپورىننىڭ زەرتتەۋ - اشۋ ۇسىنىلىمى كوپ، قاتىستى سيلاۋ، تولىقتاۋ ساياساتتارى ىركەس - تىركەس يگىلىككە كەنەلدى. بىلتىر جياشي سەرىكتەستىگىنىڭ جىلدىق ءونىم قۇنى زور دارەجەدە جوعارىلادى.

2025 - جىلدىڭ سوڭىنا دەيىن سىچۋانداعى مەملەكەتتىك جوعارى، جاڭا تەحنيكا كاسىپورىندارى، عىلىم - تەحنيكالىق ورتاشا، شاعىن كاسىپورىندار جەكە - جەكە 19 مىڭعا، 29 مىڭعا جەتتى. ”15 - بەسجىلدىق“ جوبا باعدارلاماسىندا ”عىلىم - تەحنيكادا جاڭالىق جاراتۋ بايلىعىن قامتاماسىزداندىرۋدى كۇشەيتۋ“، ”كاسىپورىن جەتەكشىلىك ەتكەن ءوندىرۋ، وقىتۋ، زەرتتەۋ توعىسقان جاڭالىق جاراتۋدى كۇشەيتۋ“ ورتاعا قويىلدى. ”15 - بەسجىلدىق“ كەزىندە سىچۋان ولكەسى كاسىپورىنداردىڭ جاڭالىق جاراتۋىن جەبەيتىن ساياساتتىق جۇيەنى كەمەلدەندىرىپ، عىلىم - تەحنيكالىق تىرەكتى كاسىپورىنداردىڭ جاڭالىق جاراتۋ بىرلەستىگىن باستاماشىلدىقپەن قۇرۋىنا قولداۋ كورسەتىپ، شەشۋشى، جالپىلىق تەحنيكالاردى زەرتتەۋ - اشۋ جانە عىلىم - تەحنيكا جەتىستىكتەرىندە سىناق ەتۋ جانە ۇلگى كورسەتىپ قولدانۋدى ورىستەتەدى.

”باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ءبىز عىلىم - تەحنيكادا جاڭالىق اشۋ ارقىلى دامۋدىڭ جاڭا سالاسىن، جاڭا جارىس جولىن اشىپ، دامۋدىڭ جاڭا قوزعاۋشى كۇشىن، جاڭا باسىمدىعىن سومداپ، باتىس بولىك ءوڭىرىنىڭ جاڭالىق اشۋ بيىگىن قۇلشىنا قالىپتاستىرامىز“ دەدى سىچۋان ولكەلىك پارتكومنىڭ شۋجيى ۋاڭ شياۋحۇي.

كەلۋ قاينارى: حالىق تورابى