«مەملەكەتتىك كەڭەستىڭ قوعامدىق ۇيىمداردى تىزىمدەپ باسقارۋ ەرەجەسىنە وزگەرىس ەنگىزۋ جونىندەگى قارارىن» جاريالادى

شينحۋا اگەنتتىگى، 3 - ايدىڭ 17 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، «مەملەكەتتىك كەڭەستىڭ قوعامدىق ۇيىمداردى تىزىمدەپ باسقارۋ ەرەجەسىنە وزگەرىس ەنگىزۋ جونىندەگى قارارىن» (تومەندە قىسقاشا «قارار» دەلىنەدى)جاريالادى، بۇل جاريالانعان كۇننەن باستاپ اتقارىلادى.

«قارار» جيىنى 8 تارماقتان قۇرالعان، وندا نەگىزىنەن مىناداي مازمۇندار بەلگىلەنگەن:

ءبىرىنشى، كاسىپتىك قوعامداردى، ساۋدا قوعامدارىن بىرىكتىرۋ جانە شەگىنىپ شىعۋ قيىن بولۋ ماسەلەسىنە باعىتتاي وتىرىپ، كاسىپتىك قوعامداردى، ساۋدا قوعامدارىن بىرىكتىرۋ، توقتاتۋ جاعدايى جونىندەگى بەلگىلەمەلەر قوسىلدى.

ەكىنشى، تىزىمنەن وشىرىلگەن كەزدەگى قارىزدى ءبىر جاقتى ەتۋدە تۇزىمدىك بەلگىلەمە كەمشىل بولۋ ماسەلەسىنە باعىتتاي وتىرىپ، كاسىپتىك باسقارۋشى ورىنداردىڭ، كاسىپتىك باسقارۋ تاراۋلارىنىڭ، تىزىمگە الۋدى باسقارۋ ورگاندارىنىڭ نەمەسە مۇددە قاتىناسى بار ادامداردىڭ زاڭ بويىنشا حالىق سوت مەكەمەسىنەن قاتىستى ادامداردى بەلگىلەپ ەسەپ اداقتاۋ گرۋپپاسىن ۇيىمداستىرىپ ەسەپ اداقتاۋدى ءوتىنىش ەتۋىنە بولادى دەگەن بەلگىلەمە قوسىلدى.

ءۇشىنشى، تىزىمنەن ءوشىرۋدى ءوتىنىش ەتۋدە اتقارۋ سۋبيەكتىسى كەمشىل بولۋ ماسەلەسىنە باعىتتاي وتىرىپ، قاتىستى كاسىپتىك قوعامدار مەن ساۋدا قوعامدارى وسى ەرەجەدەگى بەلگىلەمەلەر بويىنشا وزگەرتۋ، تىزىمنەن ءوشىرۋ رەسمياتىن وتەۋى كەرەك، قاتىستى كاسىپتىك قوعامدار مەن ساۋدا قوعامدارىنىڭ دەربەس ءبىتىرۋى قيىن بولسا، كاسىپتىك باسقارۋشى ورىندار، كاسىپتىك باسقارۋ تاراۋلارى جانە قاتىستى ورگاندار ورتاعا قويىپ، تىزىمگە الۋدى باسقارۋ ورگاندارى ءبىتىرۋ كەرەكتىگى ايقىندالدى.

كەلۋ قاينارى: حالىق تورابى