ەلىمىزدە سيلىقتى تالوندى تۇيىندە سىناق ەتۋ بارىسىندا قازىرگە دەيىن ءبىر ميلليارد 850 ميلليون يۋان قاراجات ىسكە قوسىلدى 

جۇڭگو اقپارات اگەنتتىگىنىڭ ءتىلشىسى جاۋ جيانحۋا 3 – ايدىڭ 18 – كۇنى بەيجيڭنەن حابارلايدى. جۇڭگو مەملەكەتتىك باجى ىستەرى باس مەڭگەرمەسىنىڭ 3 – ايدىڭ 18 – كۇنى جاريالاۋىنشا، ساناققا قاراعاندا، 3 – ايدىڭ 12 – كۇنىنە دەيىن، سيلىقتى تالوندى تۇيىندە سىناق ەتەتىن قالالاردا ءبىر ميلليارد 850 ميلليون يۋان حالىق اقشاسى ىسكە قوسىلىپ، جيىنى 230 ميلليون ادامدى (رەت) قاتىناسۋعا باۋراپ، تۇتىنۋدى جەبەۋ ونىمدىلىگى كورىنە باستاعان. سيلىقتى تالوندى تۇيىندە سىناق ەتۋ قىزمەتىنىڭ ءتارتىپتى ىلگەرىلەتىلۋىنە كەپىلدىك ەتۋ ءۇشىن، بەلگىلەمەگە قايشى كەلەتىن مىناداي ءۇش ءتۇرلى جاعدايدى ءتۇيىندى تۇردە باقىلاپ، تەكسەرىپ ءبىرجاقتى ەتەدى.

مەملەكەتتىك باجى ىستەرى باس مەڭگەرمەسى باجى جيناۋ – باسقارۋ جانە عىلىم – تەحنولوگيانى دامىتۋ باسقارماسىنىڭ جاۋاپتىسى مىنانى ءبىلدىردى: قاتىستى بەلگىلەمەلەرگە ساي، قاتىستى تاراۋلار سايكەسە وتىرىپ، بەلگىلەمەگە قايشى مىناداي ءۇش ءتۇرلى جاعدايدى ءتۇيىندى تۇردە باقىلايدى ءارى تەكسەرىپ ءبىرجاقتى ەتەدى: بەلگىلەمەگە قايشى تۇردە جالعان تالون اشتىرۋ؛ تالوندى ۇيلەسىمسىز تۇردە ءبولىپ نەمەسە بىرىكتىرىپ اشتىرۋ؛ بەلگىلەمەگە قايشى تۇردە دولايلاستىرىلعان تالون كەسۋ، اتاپ ايتقاندا، زات ساتىلماي تۇرىپ، زاتتى قايتارۋ ءتارتىبىن ورىنداۋ، اشىلعان تالوندا قاتەلىك بايقالۋ، باجى تاپسىرىلاتىن قىزمەت وتەۋدىڭ ورتا جولدا ءۇزىلۋى، ساتىلىم بارىسىندا تيىمدىلىك جاساپ ەسەپتەۋ قاتارلى جاعدايلاردا دولايلاستىرىلعان تالون كەستىرۋ نەمەسە ءبىر رەتكى تۇتىنۋ بارىسىندا ساتىپ الۋشى جاقتىڭ ينفورماتسياسىن وزگەرتۋ ارقىلى قايتالاي دولايلاستىرعان سوڭ قايتادان تالون كەستىرۋ.

كەلۋ قاينارى: حالىق تورابى