تيانجين تەڭىز - مۇحيتقا قاراي دامۋدى جوسپارلاپ، ”كوك ءتۇستى قوزعالتقىشتى جانداندىردى“ (”15 - بەسجىلدىقتا“ جاقسى باستاما اشىپ، جاقسى قادام باسايىق)

جالپى سالماعى شامامەن 1100 توننا بولىپ، 700 جەڭىل اۆتوموبيلگە بارابار كەلسە؛ بيىكتىگى 128 مەترلىك تەكشە 40 قاباتتىق تۇرعىندار عيماراتىنان اساتىن ەدى. بۇل ”ايدىك نارسە“ تەڭىز - مۇحيت مۇناي ينجەنەرياسى شەكتى جارنا سەرىكتەستىگى ۇستىنە الىپ سالعان نيگەريانىڭ تەڭىزدەگى مۇناي - تابيعي گاز نىسانى.

بيىل 2 - ايدا ينجەنەريانىڭ ۇستىڭگى بولەگىنىڭ تيانجين زەردەلى جاساۋ بازاسىنىڭ كەمەجايىندا ىسكە قوسىلۋىنا بايلانىستى، نىسان تۇگەلدەي سالىنىپ بولىپ، تاپسىرىسقا بەرىلدى، نىساننىڭ جۇمىس مەرزىمى 12 اي عانا بولىپ، حالىقارالىق تەڭىز - مۇحيت مۇناي - تابيعي گاز ينجەنەرياسى قۇرىلىسىنىڭ ونىمدىلىك رەكوردىن جاڭالادى. ەلىمىزدىڭ تەڭىز - مۇحيت نىسان قۇرىلىسىنداعى ماڭىزدى كۇش بولۋ سيپاتىمەن، تەڭىز - مۇحيت مۇناي قۇرىلىسى تيانجين زەردەلى جاساۋ بازاسىندا 400 دەن ارتىق زەردەلى ءوندىرىس جابدىعى بار بولىپ، ماتەريالداردى الاڭعا كىرگىزۋدەن وندىرىسكە تاپسىرۋعا دەيىنگى جالپى بارىستى سيفرلاندىرىپ باسقارۋ - مەڭگەرۋدى جۇزەگە اسىرىپ، ەلىمىزدەگى تۇڭعىش تەڭىز - مۇحيت مۇناي - گاز جابدىقتارىن جاساۋ ”زەردەلى زاۆودىنا“ اينالدى.

باس شۋجي شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، تەڭىز - مۇحيتتى جوعارى ونىمدىلىكپەن اشىپ جانە پايدالانىپ، تەڭىز - مۇحيت ەكونوميكاسىنىڭ جوعارى ساپالى دامۋىن ىلگەرىلەتىپ، جۇڭگوشا ەرەكشەلىككە يە تەڭىزگە قاراي قۇدىرەتتەنۋ جولىمەن ءجۇرۋىمىز كەرەك. ”15 - بەسجىلدىق“ جوبا باعدارلاماسىندا ”تەڭىز - مۇحيت ەكونوميكاسىنىڭ جوعارى ساپالى دامۋىن ىلگەرىلەتۋ“ جونىندە ارناۋلى ورنالاستىرۋ جاسالدى.

تەڭىز - مۇحيتقا بەتالۋ ءۇشىن، تيانجين سولتۇستىك حالىقارالىق تەڭىز تاسىمالى وزەكتى رايونىنىڭ ەنەرگيا دەڭگەيىن كۇش سالا جوعارىلاتىپ، تەڭىز - مۇحيت ەكونوميكاسى سىندى جوعارى ساپالى دامۋدىڭ ”كوك ءتۇستى قوزعالتقىشىن“ جانداندىردى.

تەڭىزدەگى قاقپا يقۋاتى كۇشەيتىلدى _

تيانجين پورتىنىڭ 2 - تيەۋىش قوراپتى كەمەجايىندا كەمەجايدىڭ اسپالى كرانى زات الاڭىنان تيەۋىش قوراپتى ۇستاپ، ادامسىز جيناۋ ورنىنا ورنىقتى قويدى. بيىل جىل باسىندا ىسكە قوسىلعان زات الاڭىنىڭ زەردەلى مەڭگەرۋ جۇيەسى ميلليمەترلىك كەڭىستىك ەسەپتەۋ جوباسى ارقىلى ەڭ جاقسى جول جوبالاپ، كوپ ماشينانىڭ جوعارى ءونىمدى سەلبەسىپ جۇمىس ىستەۋىن جۇزەگە اسىردى.

”كەمەجايداعى اسپالى كراننىڭ پايدالانىلۋ شاماسى %12.3 جوعارىلاپ، جابدىقتاردىڭ ەنەرگيا جۇمسالىمى %4.3 تومەندەدى“ دەدى 2 - تيەۋىش قوراپتى كەمەجاي شەكتى سەرىكتەستىگى ينفورماتسيا ءبولىمى مەڭگەرۋشىسىنىڭ ورىنباسارى بان حۇڭيۇي سان وزگەرىسىن كورسەتىپ.

ەلىمىزدىڭ سولتۇستىگىندەگى ەڭ ۇلكەن ۋنيۆەرسالدى كەمەجاي رەتىندە، تيانجين پورتىندا 150 تيەۋىش قوراپتى تەڭىز جولى اشىلىپ، دۇنيە جۇزىندەگى 180 نەشە مەملەكەت پەن رايونداعى 500 دەن استام پورتپەن ساۋدا بارىس - كەلىسىن ىسكە اسىردى.

شوعىرلى تاسىمال جۇيەسى قۇرىلىسىن كۇشەيتىپ، شالعاي مۇحيت نەگىزگى جەلىسىن كەڭەيتىپ، ەل ىشىندەگى تەڭىز جاعالاۋىنداعى تاسىمال تورابىن كەمەلدەندىرىپ، جۇڭگو - ەۆروپا (ازيا) كەزەكشى كەمەلەرىنىڭ دامۋ دەڭگەيىن جوعارىلاتتى؛ پورتتىڭ تىرەكتىك قۋاتىنىڭ جوعارىلاۋىن، پورتقا ۇيلەسەتىن كاسىپتەردىڭ شوعىرلانۋىن جانە قالا فۋنكتسياسىنىڭ كەمەلدەنۋىن جۇيەلى ىلگەرىلەتىپ، پورتتىڭ كاسىپ سالاسى مەن قالانىڭ تۇتاس وڭىرلىك ىشكەرىلەي توعىسۋىن كۇشەيتتى... تيانجين قولايلى ساتتەن پايدالانىپ العا ۇمتىلىپ، جاپپاي كۇش سالىپ، پورتتىڭ تەڭىز - مۇحيت ەكونوميكاسىن دامىتۋداعى ”قاتتى يادرو“ باسىمدىعىن جەدەل جەتىلدىردى.

تەڭىز - مۇحيت عىلىم - تەحنيكاسىندا جاڭالىق جاراتتى _

تەرەڭگە بەتالدى _ 1000 مەتر تەرەڭگە سۇڭگىپ، سۋ استىندا 1000 مەتر تەرەڭگە سۇڭگۋ تاجىريبەسىن ورىندادى؛ شالعايعا بەتالدى _ 2500 كيلومەتر، ءۇرتىس 25 كۇن شالعاي مۇحيتتا قاتىناۋدى جۇزەگە اسىردى.

”سەرىكتەستىگىمىز زەرتتەپ جاساعان ەكى ءتۇرلى ءجۇزۋ اسپابى ەلىمىزدىڭ 1000 مەترلىك تەرەڭ تەڭىزدى بارلاۋ جانە شالعاي تەڭىزدە جۇمىس ىستەۋ سالاسىندا ۇزاق ۋاقىتتان بەرى جابدىق يمپورت ەتۋگە يەك سۇيەۋ جاعدايىن بۇزدى“ دەدى تيانجين حانحاي لانفان تەڭىز - مۇحيت عىلىم - تەحنيكا شەكتى سەرىكتەستىگىنىڭ قۇرۋشىسى ۋ جيانگو، ”بۇل تيانجيننىڭ ’ءوندىرۋ، ۇيرەنۋ، زەرتتەۋ، قولدانۋ‘ سايكەسە جاڭالىق اشۋىنىڭ تاماشا ەكولوگياسىنىڭ ارقاسى“.

تيانجيندە تەڭىزگە ساياتىن 97 جاڭالىق جاراتۋ تەكشەسى بار، تەڭىز - مۇحيت مۇناي، تابيعي گاز جابدىقتارىندا جاڭالىق جاراتۋ، جوعارى تەحنيكالى كەمەلەردە جاڭالىق جاراتۋ، پورت سۋ جولى ينجەنەرياسىندا جاڭالىق جاراتۋ سياقتى سالالاردا ”ۇساق بولشەكتەر - جابدىقتاردى شوعىرلاندىرۋ - جالپىلىق قۇراستىرۋ، جاساۋ - سايكەستى قىزمەت وتەۋدى“ قامتىعان تەڭىز ونەركاسىبى جابدىق كاسىبىندە جاڭالىق اشۋ جۇيەسى نەگىزىنەن قالىپتاستىرىلدى.

تيانجيندە تەڭىز - مۇحيت ەكونوميكاسىن دامىتۋدىڭ ”نەگىزگى شايقاس مايدانى“ بينحاي جاڭا رايونىندا بيىل جىل باسىنان بەرى قۋانىشتى حابارلار ارت - ارتىنان تارالدى: ەل ىشىندەگى تۇڭعىش تەڭىز - مۇحيت مۇناي، تابيعي گاز جابدىقتارى يكەمدى زەردەلى بۇركۋ جۇيەسى ىسكە قوسىلدى؛ بوحۋا توبىنىڭ تازالىعى جوعارى سۋتەگى فتورلى ەفير 7 مىڭ 100 ءونىمى شەتەلدىڭ تەحنيكالىق مونوپولياسىن تالقاندادى؛ تيانجين عىلىم - تەحنيكا داشۋەسى ەرىتىندى حيمياسى جانە ايىرۋ تەحنيكاسى توبى تەڭىز گالوگەندى سۋدان ليتي الۋ سالاسىندا تىڭ ىلگەرىلەۋشىلىككە قول جەتكىزدى...

”ءبىز تەڭىز - مۇحيت سالاسىنداعى جاڭالىق اشۋ بايلىعىن جەدەل بىرىكتىرىپ، تەرەڭ سۋلى ادامسىز جابدىق، جاڭاشا مۇناي - گاز اشۋ جابدىعى، تەڭىز - مۇحيت حيميا بايلىعىنان جان - جاقتى پايدالانۋ سياقتى جوعارى دەڭگەيلى جابدىقتاردى زەرتتەۋ - اشۋ شوعىرىن ءتۇيىندى تۇردە قۇردىق“ دەدى تيانجين قالالىق عىلىم - تەحنيكا مەكەمەسى تومەن كومىرتەكتى عىلىم - تەحنيكا باسقارماسىنىڭ باستىعى ۋاڭ گۋاڭچياڭ.

تەڭىز - مۇحيت كاسىپ قۇرىلىمى ساپالىلاندىرىلدى −

نانگاڭ ونەركاسىپ رايونىندا جۇڭگو مۇناي - حيميا توبىنىڭ ەتيلەن، حۋاديان، بوحۋا سياقتى حيميا ونەركاسىپ نىساندارى تۇگەلدەي تەڭىز سۋىن تۇششىلاندىرىپ ”پايدالانادى“. بۇنىمەن تيانجيندە تەڭىز سۋىن تۇششىلاندىرۋ ينجەنەرياسى ەلىمىزدە ءوندىرۋ قۋاتىنا تولىق يە بولدى.

3 - ايدىڭ 20 - كۇنى جاراتىلىستىق بايلىق مينيسترلىگىنىڭ تەڭىز سۋىن تۇششىلاندىرۋ جانە جارعاق ماتەريالدارى ءتۇيىندى تاجىريبەحاناسى تيانجيندە ماڭدايشالىق استى، بۇل ەلىمىزدىڭ تەڭىز سۋىن تۇششىلاندىرۋ جانە جارعاق ماتەريالدارى سالاسىندا ارنايىلانعان، سايكەستى دامۋدىڭ جاڭا كەزەڭىنە قادام تاستاعاندىعىنان دەرەك بەرەدى. ”15 - بەسجىلدىق“ كەزىندە تيانجين تەڭىز سۋىن تۇششىلاندىرۋ سالاسىنداعى شەشۋشى جابدىق جاساۋ كاسىپورىندارىن بەلسەنە ەنگىزىپ، 10 ميلليارد يۋاندىق تەڭىز سۋىن تۇششىلاندىرۋ كاسىپ تىزبەگىن قۇرىپ، بۇكىل ەل بويىنشا تەڭىز سۋىن تۇششىلاندىرۋ كاسىبىنىڭ وزىق جاساۋ، زەرتتەۋ - اشۋ بازاسىن قۇرادى.

تەڭىز سۋىن تۇششىلاندىرۋ، تەڭىز - مۇحيت جابدىقتارى سياقتى جاڭادان گۇلدەنگەن كاسىپتەردى جەتىلدىرىپ، زورايتىپ، تەڭىز - مۇحيت مۇناي، تابيعي گازى، تەڭىز - مۇحيت كەمەلەرى سياقتى ءداستۇرلى كاسىپتەردى بەكەمدەپ جانە كۇشەيتىپ، تەڭىز - مۇحيت مادەنيەت - ساياحات، تەڭىز تاسىمالىنا قىزمەت وتەۋ سياقتى وسى زامانعى تەڭىز - مۇحيتقا قىزمەت وتەۋ كاسىبىن ۇزدىكسىز جوعارىلاتتى..... ”تيانجيندە 12 نەگىزگى تەڭىز - مۇحيت كاسىپ ءتۇرى بار، قازىر وسى زامانعى تەڭىز - مۇحيت كاسىپ جۇيەسى كۇش سالا قۇرىلۋدا“ دەدى تيانجين قالالىق جوبا جانە جاراتىلىستىق بايلىق مەكەمەسىنىڭ باستىعى، قالالىق تەڭىز - مۇحيت مەكەمەسىنىڭ باستىعى چىن يۇڭ.

”ءبىز باس شۋجي شي جينپيڭنىڭ تەڭىز - مۇحيت ەكونوميكاسىنىڭ جوعارى ساپالى دامۋىن ىلگەرىلەتۋ جونىندەگى ماڭىزدى تالابىن مىقتاپ يگەرىپ، تەڭىز - مۇحيتتا قۋاتتى ەل بولۋ ستراتەگياسىن ىشكەرىلەي دايەكتىلەندىرىپ، ’15 - بەسجىلدىق‘ مەزگىلىندەگى تيانجيننىڭ تەڭىز - مۇحيت ەكونوميكاسىن دامىتۋدىڭ جالپى تۇلعالىق ورنالاستىرۋى مەن ءتۇيىندى مىندەتتەرىن جۇيەلى جوسپارلاپ، تەڭىز - مۇحيت ەكونوميكاسىن تيانجيننىڭ جوعارى ساپالى دامۋىنىڭ ماڭىزدى ارتۋ ۇيەگىنە اينالدىرامىز“ دەدى تيانجين قالالىق پارتكومنىڭ نەگىزگى جاۋاپتىسى.