چيڭميڭ دەمالىسىندا تۇتىنۋ قاجەتى كوپتەپ جارىققا شىقتى

«حالىق گازەتى»، 4 - ايدىڭ 6 - كۇنى، بەيجيڭ. ءتىلشىنىڭ ساۋدا مينيسترلىگىنەن ۇعىسۋىنشا، چيڭميڭ دەمالىسى كەزىندە كوپتەگەن جەر كوكتەمگى دەمالىستى قوسىپ بەرۋ شاراسىن اتقارىپ، تۇتىنۋ قاجەتى پارمەندى اشىلىپ، كوكتەمگى تۇتىنۋ بازارىنا ومىرشەڭدىك كۇش قوسقان. ساۋدا مينيسترلىگىنىڭ ساۋدا ىستەرى ءىرى ساندى مالىمەتىندە كورسەتىلۋىنشە، چيڭميڭ دەمالىسىندا بۇكىل ەل بويىنشا ءتۇيىندى بولشەك ساتۋ جانە اس - سۋ كاسىپورىندارىنىڭ كۇندىك ورتاشا ساتىلۋ سوماسى سايكەس مەزگىلدەگىدەن %2.4 ارتقان، ساۋدا مينيسترلىگى ءتۇيىندى باقىلاعان 78 جاياۋلار كوشەسىنىڭ (ساۋدا شەڭبەرىنىڭ) جولاۋشى مولشەرى، تيجارات سوماسى سايكەس مەزگىلدەگىدەن جەكە - جەكە %6.0، %6.7 ارتقان.

تاۋار تۇتىنۋ جاعىندا، 4 - ايدىڭ 5 - كۇنىنە دەيىن، 2026 - جىلى اۆتوكولىكتىڭ كونەسىن جاڭاسىنا اۋىستىرۋ بويىنشا جيىنى ءبىر ميلليون 526 مىڭ دانا قوسىمشا قاراجات تاپسىرىپ الىنىپ، جاڭا اۆتوكولىكتىڭ ساتىلۋ سوماسىنىڭ 246 ميلليارد 800 ميلليون يۋانعا جەتۋىنە تۇرتكى بولعان؛ ءۇي ەلەكتر جابدىقتارىنىڭ كونەسىن جاڭاسىنا اۋىستىرۋ، سيفرلى جانە زەردەلى جاڭا ونىمدەردى ساتىپ الۋ بويىنشا 62 ميلليون 845 مىڭ دانا ساتىلىپ، ساتىلۋ سوماسى 215 ميلليارد 970 ميلليون يۋانعا جەتكەن. قىزمەت وتەۋ تۇتىنۋى جاعىندا، چيڭميڭ دەمالىسىندا ساۋدا مينيسترلىگى ءتۇيىندى باقىلاۋ - تەكسەرۋ جۇرگىزگگن اس - سۋ كاسىپورىندارىنىڭ ساتىلۋ سوماسى سايكەس مەزگىلدەگىدەن %3.9 ارتقان؛ ءتۇيىندى تەكشەلەردەگى قوناق ۇيلەردە تۇتىنۋ سايكەس مەزگىلدەگىدەن %2.6 ارتقان، قالا اتتاپ ساياحاتتاۋشىلاردىڭ سانى سايكەس مەزگىلدەگىدەن %15.1 ارتقان، تاقىرىپتىق باقشالاردىڭ تۇتىنۋى سايكەس مەزگىلدەگىدەن %11.7 ارتقان، اتا - انا جانە بالالار زەرتتەۋ - ۇيرەنۋ تاپسىرىسى سايكەس مەزگىلدەگىدەن ەسەلەپ ارتقان، اۆتوموبيل جالعا الۋ تاپسىرىسى سايكەس مەزگىلدەگىدەن شامامەن %40 ارتقان.

ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، چيڭميڭ دەمالىسىندا بۇكىل ەلدەگى قوعام حاۋىپسىزدىگى قاتىناس باسقارۋ تاراۋلارى جاڭبىرلى، قارلى، تۇماندى ناشار اۋا رايى، چيڭميڭدە قابىر سىپىرۋ، كوككە شىعۋ، تۋىسشىلاۋ اعىنى شوعىرلى قاباتتاسۋدان تۋىلعان حاۋىپسىزدىك جانە كەپتەلۋ حاۋىپ - قاتەرىنە بەلسەنە توتەپ بەرىپ، كۇنىنە ورتا ەسەپپەن 161 مىڭ ادام - رەتتەن استام ساقشى كۇشىن، 54 مىڭ ساقشى اۆتوموبيلىن شىعارىپ، قاتىناس ۇيىمدارىن عىلمي ساپالىلاندىرىپ، جول قاتىناۋ ءتارتىبىن قاتاڭ باسقارىپ، جاڭبىرلى، قارلى، تۇماندى اۋا رايىنا شۇعىل توتەپ بەرۋ باسقارۋىن بار كۇشپەن جاقسى ىستەپ، ساپارعا شىعۋعا جەتەكشىلىك ەتۋ ەسكەرتۋىن دەر كەزىندە بەرىپ، دەمالىس كەزىندەگى جول قاتىناسىنىڭ حاۋىپسىز، ىركىلىسسىز بولۋىنا پارمەندى كەپىلدىك ەتكەن.

ءتىلشىنىڭ قاتىناس - تاسىمال مينيسترلىگىنەن ۇعىسۋىنشا، چيڭميڭ دەمالىسىندا تۇتاس قوعامدا ءوڭىر اتتاعان ادامداردىڭ اعىلۋ مولشەرى مەجەمەن 840 ميلليون ادام - رەتتەن اسىپ، كۇندىك ورتاشا مولشەرى 280 ميلليون ادام - رەتتەن اسىپ، 2025 - جىلعى چيڭميڭ دەمالىسىنداعىدان %6 ارتقان.

ءتىلشىنىڭ جۇڭگو مەملەكەتتىك تەمىر جول توبى شەكتى سەرىكتەستىگىنەن ۇعىسۋىنشا، 4 - ايدىڭ 6 - كۇنى بۇكىل ەل بويىنشا تەمىر جول دەمالىستا قايتقان جولاۋشىلاردىڭ قاۋىرت ورلەۋىن قارسى الىپ، مەجەمەن 20 ميلليون 800 مىڭ ادام - رەت جولاۋشى جونەلتپەك، بۇل ءۇشىن ءبىر مىڭ 369 جولاۋشىلار پويەزىن جوسپارلاپ كوبەيتپەك بولعان. 4 - ايدىڭ 5 - كۇنى بۇكىل ەل بويىنشا تەمىر جولدا 14 ميلليون 756 مىڭ ادام - رەت جولاۋشى جونەلتىلىپ، تاسىمال حاۋىپسىز، ورنىقتى، ءتارتىپتى بولعان.

(تىلشىلەر ۋاڭ كى، جاڭ تيانپەي، حان شين، لي شينپيڭ)