ەكى تاراۋ شۇعىل 120 ميلليون يۋان قارجى بوساتىپ، 5 ولكە، اۆتونوميالى رايون، توتە قاراستى قالانىڭ شۇعىل جاعدايعا توتەپ بەرۋ، قاتەردەن اراشالاۋ، اپاتتان قۇتقارۋىنا قولداۋ كورسەتتى

جاقىندا گۋاڭشيدىڭ ليۋجوۋ دەگەن جەرىندە ەكى رەت 5.2 بال جەر سىلكىنىپ، ءولىم – ءجىتىم جانە ءۇي قۇلاۋ جاعدايى تۋىلدى؛ حۋبەي، حۋنان، گۋاڭشي، چۇڭچيڭ، گۇيجوۋ قاتارلى جەرلەردە بيىلعى العاشقى قاتتى جاڭبىر جاۋىپ، سەل، گەولوگيالىق اپات ءجۇز بەردى. 5 – ايدىڭ 19 – كۇنى قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى شۇعىل ورتالىقتىڭ 120 ميلليون يۋان جاراتىلىستىق اپاتتان قۇتقارۋ قارجىسىن بوساتىپ، حۋبەي، حۋنان، گۋاڭشي، چۇڭچيڭ، گۇيجوۋ سىندى 5 ولكەنىڭ ( اۆتونوميالى رايون، توتە قاراستى قالا) شۇعىل جاعدايعا توتەپ بەرۋ، قاتەردەن اراشالاۋ، قۇتقارۋ جانە اپاتقا ۇشىراعان بۇقارانى قۇتقارۋ قىزمەتىن ورىستەتۋىنە قولداۋ كورسەتتى، اپاتقا ۇشىراعان ادامداردى ىزدەۋ، قۇتقارۋ، جوتكەۋ، حاۋىپتەن اراشالاۋ قاتارلى شۇعىل جاعدايعا توتەپ بەرۋ، ءبىر جاقتى ەتۋ، اپات كومەسكى قاتەرىن تەكسەرۋ جانە شۇعىل جونگە سالۋ، قۇلاعان تۇرعىن ۇيلەردى قالپىنا كەلتىرۋ قاتارلىلاردى ءبىرتۇتاس ويداعىداي ىستەپ، حالىق بۇقاراسىنىڭ ءومىرى مەن مال ـ مۇلكىنىڭ حاۋىپسىزدىگىن شىنايى قامتاماسىز ەتتى.

قازىنا مينيسترلىگى جوعارىدا ايتىلعان 5 ولكەنىڭ (اۆتونوميالى رايون، توتە قاراستى قالا) قازىنا مەڭگەرمەسىنەن (مەكەمە) قارجىنى اپات تۋىلعان رايونعا جەدەل بوساتىپ، الدىن الا بوساتىلعان قارجىنىڭ پايدالانىلۋ ونىمدىلىگىن شىنايى ويداعىداي ساۋلەلەندىرۋدى، اپاتتان قۇتقارۋ قارجىسىن باقىلاۋ - باسقارۋدى شىنايى كۇشەيتىپ، قارجىنى ىركىپ قالۋ، يەمدەنىپ الۋ، باسقاعا جۇمساۋ سياقتى بەلگىلەمەگە قايشى ارەكەتتەردى باتىل تيىپ، اپاتتان قۇتقارۋ قارجىسىنىڭ تۇگەلدەي اپات تۋىلعان رايونعا جانە اپاتقا ۇشىراعان بۇقاراعا جۇمسالۋىنا كەپىلدىك ەتۋدى تالاپ ەتتى.

كەلۋ قاينارى: حالىق تورابى