وزگەرىس ەنگىزىلگەننەن كەيىنگى «اكىمشىلىك زاڭ - ەرەجەلەردى جاساۋ ءتارتىبى ەرەجەسى» جاريالاندى

شينحۋا اگەنتتىگى، 5 - ايدىڭ 19 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، وزگەرىس ەنگىزىلگەننەن كەيىنگى «اكىمشىلىك زاڭ - ەرەجەلەردى جاساۋ ءتارتىبى ەرەجەسىن» جاريالادى، (تومەندە قىسقاشا «ەرەجە» دەلىنەدى)، ەرەجە 2026 - جىلى 7 - ايدىڭ 1 - كۇنىنەن باستاپ اتقارىلادى.

«ەرەجە» پارتيا ورتالىق كوميتەتىنىڭ زاڭ شىعارۋ قىزمەتى جونىندەگى كەلەلى شەشىمدەرى مەن ورنالاستىرۋلارىن دايەكتى تياناقتاندىرىپ، زاڭ شىعارۋ زاڭىنىڭ قاتىستى بەلگىلەمەلەرىن اشالاپ، اكىمشىلىك زاڭ - ەرەجەلەردى جاساۋدىڭ امالياتتىق تاجىريبەلەرىن قورىتىندىلاپ، اكىمشىلىك زاڭ - ەرەجەلەردى جاساۋ ءتارتىبىن ارناعا ءتۇسىرىپ، اكىمشىلىك زاڭ - ەرەجەنىڭ ساپاسىنا كەپىلدىك ەتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى ماقسات ەتتى. «ەرەجە» جالپى 8 تاراۋ، 48 تارماقتان قۇرالعان، وزگەرىس ەنگىزىلگەن باستى مازمۇندار مىناداي:

ءبىرىنشى، جالپى تۇلعالىق تالاپتى كەمەلدەندىرۋ. اكىمشىلىك زاڭ - ەرەجەلەردى جاساۋدا جۇڭگو كوممۋنيستىك پارتياسىنىڭ باسشىلىعىنا تاباندى بولىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، زاڭ شىعارۋ مەن رەفورمانىڭ، دامۋدىڭ، ورنىقتىلىقتىڭ ءوزارا سايكەسۋىنە، قوعامدىق ادىلدىك پەن ادىلەتتىلىكتى قامتاماسىزداندىرۋعا جانە جەبەۋگە باسا ءمان بەرىپ، عىلمي، دەموكراتيالى، زاڭ بويىنشا زاڭ شىعارۋعا تاباندى بولۋ كەرەك. بەلگىلەمەدە پارتيا مەن مەملەكەت قىزمەتىنىڭ جالپى جاعدايى شۇعىل قاجەت ەتكەن، حالىق بۇقاراسى شۇعىل ءۇمىت ەتكەن، رەتتەۋ كولەمى جالاڭ، قاتىستى جاقتاردا ءبىرشاما زور تالاس - تارتىس بولماعان اكىمشىلىك زاڭ - ەرەجەلەرگە تەز ءۇن قوسىپ، قاتىستى زاڭ شىعارۋ قىزمەتىن جەدەلدەتۋ ايقىندالدى.

ەكىنشى، زاڭ شىعارۋدى ءبىر تۇتاس جوسپارلاۋدى كۇشەيتۋ. قاتىستى تاراۋلاردان پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن دايەكتى تياناقتاندىرىپ، امالياتقا قاجەتتى، زاڭ شىعارۋ ورايى پىسىپ - جەتىلگەن تۇرلەردى شىعارۋ ءوتىنىشىن جولداۋ تالاپ ەتىلدى؛ مەملەكەتتىك كەڭەستىڭ زاڭمەن باسقارۋ تاراۋلارى زاڭ شىعارۋ تۇرلەرىنىڭ پىسىپ - جەتىلۋ دارەجەسىمەن، كوكەي تەستىلىك دارەجەسىمەن ۇشتاستىرىپ، ءتۇيىندى سالالاردى، جاڭادان گۇلدەنگەن سالالاردى، شەتەلگە ساياتىن سالالاردى كورنەكتىلەندىرىپ، ءبىر تۇتاس جوسپارلاپ، تەڭ ءمان بەرىپ، مەملەكەتتىك كەڭەستىڭ جىلدىق زاڭ شىعارۋ قىزمەت جوسپارىن جاساۋى كەرەك؛ ازىرلەۋ تاراۋلارى زاڭ شىعارۋ قىزمەت جوسپارىن قاتاڭ اتقارىپ، الدىن الا باعالاۋ مەحانيزمىن تياناقتاندىرىپ، مەملەكەتتىك كەڭەستىڭ زاڭمەن باسقارۋ تاراۋلارى ۇيىمداستىرۋدى، سايكەستىرۋدى جانە قۋزاۋدى، جەتەكشىلىك ەتۋدى كۇشەيتۋ كەرەك.

ءۇشىنشى، قىزمەت مەحانيزمىن اقاۋسىزداندىرۋ. اكىمشىلىك زاڭ - ەرەجەلەردى دايىنداۋدا ماسەلەنى نىشان ەتۋدەن جازباي، ەكونوميكالىق، قوعامدىق دامۋ زاڭدىلىعىنا بويسۇنىپ، جالپى بارىستىق حالىق دەموكراتياسىنا تاباندى بولىپ جانە ونى دامىتىپ، حالىق بۇقاراسىنىڭ زاڭ شىعارۋعا تارتىپپەن قاتىناسۋ جولىن كەڭەيتىپ، زاڭ شىعارۋ ورايى، زاڭ شىعارۋدىڭ مەجەلى اتقارىلۋ ونىمدىلىگى سياقتىلاردى باعالاۋدى كۇشەيتۋ كەرەك. مەملەكەتتىك كەڭەستىڭ زاڭمەن باسقارۋ تاراۋلارىنان ۇكىمەتتىڭ زاڭ شىعارۋدى تەكسەرۋ ءتۇزىمىن كەمەلدەندىرىپ، تەكسەرۋدىڭ ساپاسىن، ونىمدىلىگىن جوعارىلاتۋ تالاپ ەتىلدى.

ءتورتىنشى، رەفورمانىڭ قاجەتىنە ۇيلەسۋ. اكىمشىلىك زاڭ - ەرەجەلەردى جاساۋدا قاتىستى رەفورمالارعا جەتەكشىلىك ەتۋ، ونى ىلگەرىلەتۋ، ارناعا ءتۇسىرۋ، قامتاماسىزداندىرۋ كەرەك؛ اكىمشىلىك زاڭ - ەرەجەلەردىڭ ءىشىنارا بەلگىلەمەلەرىن ۋاقىتشا رەتتەگەندە نەمەسە ۋاقىتشا توقتاتقاندا، دەر كەزىندە باعالاۋ، دالەلدەۋ ءارى جاعدايعا قاراي قاتىستى بەلگىلەمەلەرگە وزگەرىس ەنگىزۋ نەمەسە ونى اتقارۋدى قالپىنا كەلتىرۋ كەرەك. مەملەكەتتىك كەڭەستىڭ زاڭمەن باسقارۋ تاراۋلارىنىڭ مەملەكەتتىك كەڭەسكە جولداپ، اكىمشىلىك زاڭ - ەرەجەلەردى اداقتاۋ قىزمەتىن ورىستەتۋىنە بولاتىندىعى ايقىندالدى.