شي جينپيڭ رەسەي زۇڭتۇڭى پۋتينمەن شاي ىشە وتىرىپ اڭگىمەلەستى

5 - ايدىڭ 20 - كۇنى كەشتە مەملەكەت ءتوراعاسى شي جينپيڭ بەيجيڭدەگى حالىق سارايىندا رەسەيدىڭ زۇڭتۇڭى پۋتينمەن شاي ىشە وتىرىپ اڭگىمەلەستى.

سۋرەتتى شينحۋا اگەنتتىگى ءتىلشىسى ديڭ حايتاۋ تۇسىرگەن

شينحۋا اگەنتتىگى، 5 - ايدىڭ 20 - كۇنى، بەيجيڭ (ءتىلشى سۇن ي). 5 - ايدىڭ 20 - كۇنى كەشتە مەملەكەت ءتوراعاسى شي جينپيڭ بەيجيڭدەگى حالىق سارايىندا رەسەيدىڭ زۇڭتۇڭى پۋتينمەن شاي ىشە وتىرىپ اڭگىمەلەستى.

شي جينپيڭ بىلاي دەپ اتاپ كورسەتتى: تالاي جىلدان بەرى مەن پۋتين زۇڭتۇڭمەن ءجيى بارىس - كەلىستى ساقتاپ، جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تەرەڭدەۋىنە، ناقتىلانۋىنا بىرگە جەتەكشىلىك ەتىپ، ەكى ەلدىڭ تاتۋ كورشىلىك دوستىعىنىڭ جۇرت جۇرەگىنە اناعۇرلىم تەرەڭ ۇيالاۋىن ىلگەرىلەتىپ، ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن جاڭاشا ءىرى ەلدىك قارىم - قاتىناس ۇلگىسىن اشىپ، وزگەرىس، بىلىقپالىق قاباتتاسقان دۇنيە جۇزىنە ۇزدىكسىز قاستەرلى ورنىقتىلىق ۇستەدىك. بۇگىن پۋتين زۇڭتۇڭ ەكەۋىمىز جۇڭگو مەن رەسەيدىڭ جالپى بەتتىك ستراتەگيالىق سەلبەستىك ارىپتەستىك قارىم - قاتىناسىن ىلگەرىلەتۋ جونىندە تاعى دا جاڭا ماڭىزدى ورتاق تانىمعا كەلدىك. ءىس تىندىراتىندار ۇنەمى تابىسقا جەتەدى، ارەكەت ەتۋشىلەر مارەسىنە جەتەدى. ەكى جاقتىڭ قاجىماي - تالماي قۇلشىنۋىندا، جۇڭگو - رەسەي قارىم - قاتىناسىنىڭ، ءسوز جوق، جوعارى ساپالى دامۋ جاعدايىن جالعاستىرىپ، العا باسىپ، اناعۇرلىم جوعارى دەڭگەيگە كوتەرىلەتىندىگىنە سەنەمىن.

پۋتين مىنالاردى ءبىلدىردى: وسى رەتكى ساپار ناقتى، جوعارى ءونىمدى بولىپ، سۇبەلى تابىستارعا قول جەتكىزدى. مەن ءتوراعا شي جينپيڭمەن بىرگە رەسەي - جۇڭگو قارىم - قاتىناسىنىڭ دامۋ بارىسىن ەسكە الىپ، كەڭ كولەمدى كەڭەس تاقىرىبى جونىندە ىشكەرىلەي پىكىر اۋىستىرىپ، كەلەسى قادامداعى ەكى ەلدىڭ سەلبەستىك بەتالىسىن ايقىندادىق، بۇل رەسەي - جۇڭگو قاتىناسىنىڭ باستان - اياق قارىشتاپ دامۋ جاعدايىن ساقتاۋىنا كەپىلدىك ەتۋگە ءتيىمدى. رەسەي جاق جۇڭگو جاقپەن ۇزدىكسىز تىعىز قارىم - قاتىناستى ساقتاپ، ستراتەگيالىق سايكەسۋدى كۇشەيتىپ، رەسەي - جۇڭگو قارىم - قاتىناسىنىڭ تۇراقتىلىعى، ورنىقتىلىعى ارقىلى دۇنيە ءجۇزىنىڭ بەيبىتشىلىگى مەن گۇلدەنۋىنە تىڭ ۇلەس قوسۋدى ءۇمىت ەتەدى.

ەكى ەل مەملەكەت باسشىلارى ۋكراينا داعدارىسى سياقتى ماسەلەلەر جونىندە پىكىر اۋىستىردى.

ساي چي، ۋاڭ ي قاتىناستى.