شي جينپيڭ رەسەيدىڭ زۇڭتۇڭى پۋتينمەن بىرگە ”جۇڭگو مەن رەسەيدىڭ ۇرپاقتان - ۇرپاققا جالعاسقان دوستىعىنا مۇراگەرلىك ەتىپ، ءىرى ەلدەر قارىم - قاتىناسىنىڭ ۇلگىسىن ورناتايىق“ اتتى سۋرەت كورمەسىن ەكسكۋرسيالادى

شينحۋا اگەنتتىگى، 5 - ايدىڭ 20 - كۇنى، بەيجيڭ، (ءتىلشى ياڭ ي - جۇن). 5 - ايدىڭ 20 - كۇنى كەشتە مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين بەيجيڭدەگى حالىق سارايىندا ”جۇڭگو مەن رەسەيدىڭ ۇرپاقتان - ۇرپاققا جالعاسقان دوستىعىنا مۇراگەرلىك ەتىپ، ءىرى ەلدەر قارىم - قاتىناسىنىڭ ۇلگىسىن ورناتايىق“ اتتى سۋرەت كورمەسىن بىرگە ەكسكۋرسيالادى.

شي جينپيڭ مەن پۋتين ءالسىن - ءالى كىدىرىپ، سۋرەتتەردى زەر سالا كورىپ، تۇسىندىرمەلەردى تىڭدادى ءارى جۇڭگو مەن رەسەيدىڭ تاياۋ جىلداردان بەرگى دوستىق بارىس - كەلىسىنىڭ، سەلبەستىگىنىڭ ءساليقالى ساتتەرىن قۋانا ەسكە الدى. ەكى ەل مەملەكەت باسشىلارى بىلاي دەپ اتاپ كورسەتتى: جۇڭگو - رەسەي دوستىعى ۇلى ىستەرى تاريحي اۋقىم مەن ءداۋىر اعىمىنا ۇيلەسەدى، مىزعىمايدى، ءسوز جوق، نىق قاداممەن الىسقا ساپار شەگىپ، العان بەتىنەن قايتپاي، ۇزدىكسىز تىڭ دا تارتىمدى داستان جازادى.

سۋرەت كورمەسىن شينحۋا اگەنتتىگى مەن رەسەي ت ا س س اگەنتتىگى بىرگە وتكىزىپ، جاڭا داۋىردەن بەرگى ەكى ەل مەملەكەت باسشىلارى اراسىنداعى تىعىز بارىس - كەلىستى جاندى بەينەلەپ، جۇڭگو مەن رەسەيدىڭ تاتۋ كورشىلىك، دوستىق سەلبەستىگىندە نىق قادام تاستاعاندىعىن جاپپاي ايگىلەدى.

ساي چي، ديڭ شۋەشياڭ، ۋاڭ ي قاتىناستى.