اتا – انالار، ءسوزسىز، ءبىلۋى كەرەك! بالالاردىڭ ومىرىنە حاۋىپ توندىرەتىن كەزدەيسوق زاقىمدالۋدان ساق بولىڭىزدار 

6 - ايدىڭ 1 - كۇنى، مەملەكەتتىك دەنساۋلىق ساقتاۋ سالاماتتىق كوميتەتى ”بالالار مەن وسپىرىمدەردىڭ دەنساۋلىعىن جەبەۋ“ تاقىرىبىندا اقپارات جاريالاۋ ءماجىلىسىن وتكىزدى. ماجىلىستە ماماندار مىنانى ءبىلدىردى: كەزدەيسوق زاقىمدالۋ — ەلىمىزدە بالالاردى ولىمگە دۋشار ەتەتىن ءبىرىنشى ورىنداعى سەبەپ بولىپ تابىلادى، اتا-انالار ءتورت ءتۇرلى حاۋىپ – قاتەردەن ءتۇيىندى تۇردە ساقتانۋى قاجەت. ءبىرىنشى، سۋعا تۇنشىعۋ. بالالار سۋ جاعاسىنا بارعاندا، سۋعا تۇسكەندە قامقورشىسى كوزىنەن تاسا ەتپەۋى كەرەك؛ ەكىنشى، عيماراتتان قۇلاۋ جانە قاتىناس شىرعالاڭى. وتباسىندا ەسىك – تەرەزەدەن ابايلاۋ، سىرتقا شىققاندا بالانى جەتەلەپ ءجۇرۋ قاجەت؛ ءۇشىنشى، دالادا جاندىكتەردىڭ شاعۋى جانە حايۋاناتتاردىڭ قاۋىپ الۋى. سىرتقا شىققاندا بالاعا جاقسى قاراۋ كەرەك؛ ءتورتىنشى، سابيلەردىڭ تىنىس جولىنا بوتەن زات تۇرىپ قالۋ. جاڭعاق، تۇيمە باتەريا قاتارلى زاتتاردى ابايسىزدا جۇتىپ الۋىنان ساق بولعان ءجون. كەنەتتەن جاعداي تۋىلسا حەيمليك شۇعىل قۇتقارۋ ءادىسىن قولدانۋ ءارى دەرەۋ 120 عا تەلەفون سوعۋ كەرەك. (جاڭ جيڭ)

كەلۋ قاينارى: حالىق تورابى