«شي جينپيڭنىڭ مادەنيەت سۇيىسپەنشىلىگى» سياقتى قۇجاتتى فيلمدەر لاوستا تاراتىلدى

شينحۋا اگەنتتىگى، 6 - ايدىڭ 2 - كۇنى، ۆەنتيان (تىلشىلەر جاۋ شۇي، ما حۋايجاۋ). 6 - ايدىڭ 1 - كۇنى جۇڭگو ورتالىق راديو - تەلەۆيزيا باس ستانسياسى جاساعان «شي جينپيڭنىڭ مادەنيەت سۇيىسپەنشىلىگى»، «جول باستاۋشى (حالىقارالىق نۇسقاسى)»، «كلاسسيكالىق شىعارمالارداعى جاڭا يدەيا» سياقتى جۇڭگو دەرەكتى فيلمدەرى لاوس مەملەكەتتىك تەلەۆيزياسى سياقتى لاوستىڭ نەگىزگى اقپارات قۇرالدارىندا تاراتىلدى.

لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇن قۇتتىقتاۋ حاتىن جولداپ، باعدارلامانىڭ تاراتىلعاندىعىن قۇتتىقتادى.

تۇڭلۇن قۇتتىقتاۋ حاتىندا مىنالاردى ءبىلدىردى: «شي جينپيڭنىڭ مادەنيەت سۇيىسپەنشىلىگى» سياقتى قۇجاتتى فيلمدەردە جۇڭگونىڭ اقىل - پاراساتى قامتىلىپ، باس شۋجي شي جينپيڭنىڭ مادەنيەت مۇرالارىن قورعاۋعا ايرىقشا ءمان بەرەتىندىگىن، ەل باسقارۋداعى كورەگەندىگى مەن تەرەڭ دە جالىندى وتانشىلدىق سۇيىسپەنشىلىگىن، سونداي - اق ونىڭ جۇڭحۋانىڭ 5000 جىلدىق ۇزاق وركەنيەت تاريحىنا دەگەن شىن جۇرەكتەن شىققان شەكسىز سۇيىسپەنشىلىگىن ايگىلەدى. سونىمەن بىرگە، قۇجاتتى فيلم جۇڭحۋا وركەنيەتىنىڭ ۇلتتىڭ تامىرى جانە سارقىلماس قوزعاۋشى كۇشى ەكەنىن، جۇڭگونىڭ ۇلتتىڭ گۇلدەنۋى سىندى ۇلى ارماندى جۇزەگە اسىرۋىن ىلگەرىلەتىپ وتىرعانىن دا ايگىلەدى. بۇل لاوستىڭ ەكونوميكا مەن قوعامدى دامىتۋمەن بىرگە، ءوزىنىڭ وزگەشە ۇلتتىق مادەنيەتىن قورعاپ جانە ساۋلەلەندىرىپ، لاوستىڭ سوتسياليزم ىستەرى قۇرىلىسىن ىلگەرىلەتۋىندەگى ەڭ جاقسى ۇلگى سانالادى.

بيىل _ جۇڭگو مەن لاوستىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعى، سونداي - اق جۇڭگو - لاوس پارتيالارىنىڭ، ەلدەرىنىڭ باسشىلارى بىرگە باستاعان ”جۇڭگو - لاوس دوستىق جىلى“. 6 - ايدىڭ 2 - كۇنى جۇڭگو ورتالىق راديو - تەلەۆيزيا باس ستانسياسى مەن لاوس حالىق توڭكەرىستىك پارتياسى ورتالىق كوميتەتىنىڭ ۇگىت ءبولىمى لاوستىڭ ۆەنتيانىندا تاراتۋ سالتىن وتكىزدى.

ورتالىق راديو - تەلەۆيزيا باس ستانسياسى جاساعان «شي جينپيڭنىڭ مادەنيەت سۇيىسپەنشىلىگى»، «جول باستاۋشى (حالىقارالىق نۇسقاسى)»، «كلاسسيكالىق شىعارمالارداعى جاڭا يدەيا» سياقتى 3 قۇجاتتى فيلم لاوس مەملەكەتتىك تەلەۆيزياسى، لاوس مەملەكەتتىك حابار اگەنتتىگى، لاوس مەملەكەتتىك راديو ستانسياسى جانە ۆەنتيان تەلەۆيزياسى سياقتى نەگىزگى اقپارات قۇرالدارىندا ىركەس - تىركەس تاراتىلدى.