بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.06.03 15:31 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 2 - كۇنى، بەيجيڭ. بىرنەشە كۇننىڭ الدىندا مەملەكەتتىك كەڭەس «اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋدىڭ ”15 - بەسجىلدىق“ جوباسىن» (تومەندە قىسقاشا «جوبا» دەلىنەدى) باسىپ تاراتىپ، ”15 - بەسجىلدىق“ مەزگىلىندە اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋدىڭ وي جەلىسى مەن نىساناسىن، ءتۇيىندى مىندەتىن جانە ساياسات - شارالارىن ايقىنداپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ ارقىلى جۇڭگو ۇلگىسىندەگى وسىزامانداندىرۋ قۇرىلىسىن اناعۇرلىم ويداعىداي ىلگەرىلەتۋدى باسا دارىپتەدى.
«جوبادا» مىنالار باسا دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن جاپپاي دايەكتىلەندىرىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندەگى ەڭ ماڭىزدى ورىنعا قويۋعا، اۋىل شارۋاشىلىعىن، اۋىل - قىستاقتى الدىمەن دامىتۋعا، قالا مەن اۋىلدى توعىستىرا دامىتۋعا تاباندى بولىپ، اۋىل شارۋاشىلىعىندا قۋاتتى ەل قۇرۋ نىساناسىن دانەكەر ەتىپ، اۋىل - قىستاقتى جاپپاي گۇلدەندىرۋدى ىلگەرىلەتۋدى باس تۇتقا، ”1000 قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەسىن ۇيرەنۋدى، قولدانۋدى جەتەكشى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش ەتىپ، اۋىل شارۋاشىلىعىن وسىزامانداندىرۋدى نەگىزىنەن جۇزەگە اسىرۋدى، اۋىل - قىستاقتىڭ وسى زامانعى تۇرمىس شارت - جاعدايىن نەگىزىنەن ازىرلەۋىن ىلگەرىلەتۋدە كەلەلى ىلگەرىلەۋشىلىككە قول جەتكىزۋ كەرەك.
«جوبادا» مىنالار العا قويىلدى: 2030 - جىلعا دەيىن استىق حاۋىپسىزدىگىنىڭ نەگىزىن ۇزدىكسىز بەكەمدەپ، اۋىل شارۋاشىلىعىنىڭ ساپا ونىمدىلىگى مەن باسەكەلىك قۋاتىن ۇزدىكسىز جوعارىلاتىپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، اۋىل شارۋاشىلىق عىلىم - تەحنيكاسىندا ءوز كۇشىنە سۇيەنۋ، ءوزىن الۋەتتەندىرۋ ورەسىن بارىنشا جوعارىلاتىپ، اۋىل شارۋاشىلىعىن وسىزاماندانعان ءىرى كاسىپ سالاسى ەتىپ قۇرىپ شىعۋدا ماڭىزدى ىلگەرىلەۋشىلىككە قول جەتكىزىپ، شارۋالاردىڭ كىرىسىن ۇزدىكسىز ءبىرشاما تەز ارتتىرىپ، قونىستانۋعا، جۇمىستانۋعا قولايلى جانە كورىكتى اۋىل - قىستاق قۇرۋدى جەدەلدەتىپ، قالا مەن اۋىلدىڭ توعىسپالى دامۋىندا تىڭ تابىستارعا قول جەتكىزىپ، اۋىل شارۋاشىلىعىنىڭ، اۋىل - قىستاقتىڭ جوعارى ساپالى دامۋىندا كورنەكتى ونىمدىلىككە قول جەتكىزۋ كەرەك. سونىمەن بىرگە، 2035 - جىلعى نىساناعا كوز جىبەرىلدى.
«جوبادا» مىناداي 7 جاقتاعى دامۋ مىندەتى ورنالاستىرىلدى. ءبىرىنشى، اۋىل شارۋاشىلىعىنىڭ جالپىلىق ءوندىرىس قۋاتى مەن ساپا ونىمدىلىگىن جوعارىلاتىپ، ءونىم مولشەرىن، ءوندىرىس ەكولوگياسىن، ءونىمدى، كىرىستى ارتتىرۋدى بىرگە يگەرۋگە تاباندى بولىپ، اۋىل شارۋاشىلىق ونىمدەرىمەن قامداۋ قۇرىلىمىن ساپالىلاندىرۋدى جانە ساپا ونىمدىلىگىن جوعارىلاتۋدى ىلگەرىلەتۋ كەرەك. ەكىنشى، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، كولەمدى قايتا كەدەيلەسۋدەن، كەدەيلەسۋدەن ساقتانۋعا شىنايى كەپىلدىك ەتۋ كەرەك.
ءۇشىنشى، اۋىل شارۋاشىلىق عىلىم - تەحنيكاسى مەن جابدىقتاۋ تىرەگىن كۇشەيتىپ، اۋىل شارۋاشىلىعىنىڭ جاڭاشا وندىرگىش كۇشتەرىن دامىتۋدا كەلەلى تابىستارعا قول جەتكىزۋ كەرەك. ءتورتىنشى، شارۋالاردىڭ كىرىستى ارتتىرۋ، اۋقاتتانۋ ارناسىن كەڭەيتىپ، اۋىل - قىستاق ەرەكشە كاسىپ سالاسىن جەتىلدىرىپ جانە زورايتىپ، جۇمىستاندىرۋدى، شارۋاشىلىق قۇرۋدى، كىرىستى ارتتىرۋدى مۇمكىندىكتىڭ بارىنشا جەبەۋ كەرەك.
بەسىنشى، اۋىل شارۋاشىلىعىن دامىتۋدىڭ جاپپاي جاسىل تيپكە بۇرىلىس جاساۋىن جەدەلدەتىپ، اۋىل شارۋاشىلىعىنىڭ جاسىل ءوندىرىس ءتاسىلىن اتقارۋ كەرەك. التىنشى، قونىستانۋعا، كاسىپكە قولايلى جانە كورىكتى اۋىل - قىستاق قۇرىلىسىن ىلگەرىلەتىپ، اۋىل - قىستاق نەگىزدىك قۇرىلعىلارىنىڭ كەمەلدىلىگىن، الەۋمەتتىك قىزمەت وتەۋدىڭ قولايلىلىعىن، تۇرعىن ءۇي ورتاسىنىڭ جايلىلىعىن بىرتىندەپ جوعارىلاتىپ، اۋىل - قىستاقتىڭ ساپالى تۇرمىس كەڭىستىگىن جاراتۋ كەرەك. جەتىنشى، اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى اۋقاتتاندىرۋ ساياساتىنىڭ ونىمدىلىگىن جوعارىلاتىپ، اۋىل شارۋاشىلىعىنا، اۋىل - قىستاققا قوسىلىم مەحانيزمىن كەمەلدەندىرىپ، اۋىل - قىستاق رەفورماسىن تىڭعىلىقتى ىلگەرىلەتىپ، اۋىل - قىستاق دارىندىلار قوسىنىن دامىتۋ، زورايتۋ كەرەك.
«جوبادا» جوعارى ولشەمدى ەگىنجاي، اۋىل شارۋاشىلىق عىلىم - تەحنيكاسىندا جاڭالىق اشۋ قابىلەتى مەن شارت - جاعدايى، قامبادا جاس كۇيىندە ساقتاۋ، توڭازىتىپ ساقتاۋ - زات جەتكىزۋ قۇرىلعىلارى سياقتى كەلەلى نىسان قۇرىلىستارى ورنالاستىرىلىپ، ءىرى ازىق - تۇلىكتەردى اشۋ، ”جاساندى زەردە +“ اۋىل شارۋاشىلىعى، اۋىل شارۋاشىلىق ونىمدەرىن مانەرلەۋ كاسىبىنىڭ دەڭگەيىن جوعارىلاتۋ، اۋىل - قىستاقتىڭ وسى زامانعى تۇرمىس شارت - جاعدايىنداعى ولقىلىقتاردى تولىقتاۋ سياقتى كەلەلى ينجەنەريالار مەن ارەكەتتەر العا قويىلدى، قايتا كەدەيلەسۋدەن، كەدەيلەسۋدەن ساقتانۋدى باقىلاۋ - تەكسەرۋ جۇيەسىن ورناتۋ جانە كەمەلدەندىرۋ، جاڭا كەزەكتى اۋىل شارۋاشىلىق بايلىعىن تەكسەرۋ جانە رايوندارعا ءبولۋ، اۋىل شارۋاشىلىق سالاسىنداعى جاڭادان گۇلدەنگەن كاسىپ سالالارى مەن بولاشاق كاسىپ سالالارىن جەتىلدىرۋ جانە ۇلعايتۋ سياقتى ماڭىزدى ساياساتتىق شارالار ايقىندالدى ءارى مەحانيزمدى اقاۋسىزداندىرۋ جوباسىنىڭ ءساتتى اتقارىلۋى تالاپ ەتىلدى.
