چۇڭچيڭ كاسىپ سالاسىنىڭ دارەجەسىن جوعارىلاتۋدى توعىستىرا ىلگەرىلەتتى

فوتوۆولتتىق ءۇي توبەسىنىڭ ەلەكتر اعىسى اينالىمعا ءتۇسىپ، ۇلكەن ەكرانداعى ساندى مالىمەتتەر اۋىق - اۋىق جاڭالانىپ تۇردى، شامامەن 3000 قۇلتەمىر دالمە - ءدال سەلبەسۋدى ىسكە اسىردى ... 6 - ايدىڭ باسىندا چۇڭچيڭ سايليس ەرەن زاۆودىندا جاڭا ەنەرگيالى اۆتوموبيلدەردىڭ جەلىدەن ءوندىرىلىپ شىعۋى قاربالاس ءارى ءتارتىپتى بولدى.

اۆتوموبيل وندىرۋدە ”كاسىپ سالاسىنىڭ ۇلكەن ميىنا“ سۇيەنگەن سايليس توبى سەلبەسىپ زەرتتەۋ - اشۋ، زەردەلى ءوندىرۋ، زات اينالىمىمەن جەتكىزۋ جانە ساتۋدان كەيىنگى تاسىمالداۋ - قورعاۋ ءبىر تۇلعالانعان جۇيە قۇرىپ، 300 دەن استام سەلبەستىك سەرىكتەرىن تۇتاستىرىپ، ونىمدىلىگىن %10 تەن استام جوعارىلاتتى، سونداي - اق 14 قامداۋ تىزبەگىندەگى كاسىپورىنداردىڭ سيفرلانۋىن، زەردەلىلەنۋىن جەبەپ، جاساۋ كاسىبىنىڭ ساپاسىن جوعارىلاتۋدى، قىزمەت وتەۋدىڭ قۇنىن ارتتىرۋدى جۇزەگە اسىردى.

2024 - جىلى 4 - ايدا باس شۋجي شي جينپيڭ چۇڭچيڭدە قىزمەت تەكسەرگەندە بىلاي دەپ اتاپ كورسەتتى: ”چۇڭچيڭنىڭ جاساۋ كاسىبىنىڭ نەگىزى ءبىرشاما جاقسى، عىلىم - تەحنيكا، وقۋ - اعارتۋ دارىندىلار بايلىعى مول، وزىق جاساۋ كاسىبىن تىرەك ەتكەن وسىزاماندانعان كاسىپ سالاسى جۇيەسىن كۇش سالا قۇرۋى كەرەك“. ”15 - بەسجىلدىق“ جوباسىندا: ”ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارۋعا، زەردەلىلەندىرۋ، جاسىلداندىرۋ، توعىستىرۋ بەتالىسىنا تاباندى بولۋ“ ورتاعا قويىلدى.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرعان چۇڭچيڭ قالاسى كاسىپ سالاسىنداعى كەدەرگىلەردى بۇزىپ، فاكتورلار تىزبەگىن تۇتاستىرىپ، وزىق جاساۋ كاسىبى مەن وسى زامانعى قىزمەت وتەۋ كاسىبىنىڭ ىشكەرىلەي توعىسۋىن، سيفرلى تەحنيكا مەن ناقتى ەكونوميكانىڭ جاپپاي توعىسۋىن ىلگەرىلەتىپ، كاسىپ سالاسى تىزبەگىنىڭ جوعارعى، تومەنگى اعارىن، ءوڭىر اتتاپ سايكەستى توعىسۋىن جەبەپ، توعىسپالى جاساۋ كاسىبىنىڭ جوعارى ساپالى دامۋىن ىلگەرىلەتتى. ۇستەگى جىلدىڭ 3 - ايىنىڭ سوڭىنا دەيىن، چۇڭچيڭ قالاسى 12 كاسىپتىڭ ”كاسىپ سالاسى ۇلكەن ميى“ مەن 11 جىنتىكتەي بولىنگەن كاسىپتىڭ ”كاسىپ سالاسى ۇلكەن ميىن“ ىسكە قوستى.

”جاساۋ + قىزمەت وتەۋ“، شەكارا اتتاعان توعىسۋ كەڭىستىگى كەڭەيتىلدى _

چۇڭچيڭ مەيدى امبەباپ توڭازىتۋ جابدىقتارى شەكتى سەرىكتەستىگىنىڭ سەحىندا، ءىرى تۇرپاتتى ورتالىق اۋا رەتتەگىش اگراگاتتارى توپ - توبىمەن ءوندىرىس جەلىسىنەن شىقتى. ”كاسىپورىننىڭ پايدا تابۋ ءتۇيىنى جابدىق ساتۋعا عانا يەك سۇيەمەدى. بۇرىن ’ساۋدا ساقال سيپاعانشا بولاتىن‘، قازىر قىزمەت وتەۋ مەن ماسەلەلەردى شەشىم ەتۋ جوباسىن دا ساتاتىن بولدىق، بۇنىمەن قىزمەت وتەۋ كىرىسىنىڭ سالىستىرماسى جىل سايىن جوعارىلادى“ دەدى سەرىكتەستىكتىڭ الەۋمەتتىك ىستەر ديرەكتورى تىڭ يۇي.

ءىرى قۇرىلىس، ونەركاسىپ زاۆود ۇيلەرى سياقتى قاجەتتەرگە باعىتتاي وتىرىپ، سەرىكتەستىك تۇتاس بارىستاعى جاساندى زەردەگە سۇيەنىپ، تۇراقتى جۇيەلى جوبالاۋ، زەردەلى تاسىمال، ەنەرگيا سارىپ ەتۋدى ساپالىلاندىرۋ سياقتى قىزمەت وتەۋمەن قامداپ، الارمانداردى باۋراۋمەن بىرگە، كاسىپورىننىڭ جابدىق جاساۋشى ساۋداگەردەن جالپىلىق ەنەرگياعا قىزمەت وتەۋشى ساۋداگەرگە اينالۋىنا مۇمكىندىك جاسادى.

نازاردى اۆتوموبيل، ەلەكتروندىق ينفورماتسيا، جابدىق جاساۋ سياقتى ءتۇيىندى سالالارعا شوعىرلاندىردى، چۇڭچيڭ وزىق جاساۋ كاسىبى مەن وسى زامانعى قىزمەت وتەۋ كاسىبىنىڭ ءبىرىن - ءبىرى جەبەۋىن، بىرگە ءومىر ءسۇرۋىن، قوس باعىتتا ەنەرگيا بەرۋىن ىلگەرىلەتىپ، ”جاساۋ + قىزمەت وتەۋ“ ۇلگىلى كاسىپورىندارىنان ءبىر توبىن جەتىلدىردى. 2025 - جىلى چۇڭچيڭ وندىرىستىك قىزمەت وتەۋ كاسىبىنىڭ ونەركاسىپتىڭ ارتۋىنا قوسقان ۇلەسى شامامەن ۇشتەن ءبىر ۇلەسكە جەتتى.

”سيفرلى اقىل - پاراسات + ناقتى تۇلعا“، ىشكەرىلەي توعىسىپ، قۋات دەڭگەيىن جوعارىلاتتى _

قىزمەتكەرلەر ەكراندى اقىرىن باسىپ، ءشول دالا، تەرەڭ تەڭىز، قالا كوشەلەرىنىڭ كورىنىسى 800 شارشى مەتر كەلەتىن دوعا فورمالى ۆيرتۋالدى سۋرەتكە الۋ ەكرانىندا دەر كەزىندە اۋىسىپ وتىردى، ءبىر اۆتوكولىك تاۋ مەن تەڭىز اراسىن ”كەسىپ ءوتتى“ ... بۇل ارا يۇڭچۋان عىلىم - تەحنيكا فيلم الاڭى. ”جاساندى زەردە + ۆيرتۋالدى كەسكىنگە الۋ تەحنيكاسى ءىرى كورىنىستى كەسكىنگە الۋدىڭ وزىندىك قۇنىن ءونىمدى تومەندەتتى، قازىر عىلىم - تەحنيكا فيلم الاڭى كينو - تەلەۆيزيا جابدىقتارىن مايعا بەرۋ، سوڭعى مەزگىلدە جاساۋ سياقتى جوعارى، تومەنگى اعارداعى 170 تەن استام كاسىپورىندى باۋرادى“ دەدى داۋا عىلىم - تەحنيكا توبى باسالقاسىنىڭ ورىنباسارى چىن لياڭ.

اقىل - پاراسات ناقتى ەكونوميكانىڭ تيپىن وزگەرتىپ، دارەجەسىن جوعارىلاتۋعا قۋات ۇستەدى. قازىرگە دەيىن چۇڭچيڭ ونەركاسىپ ينتەرنەت تەكشەسى قۇرىلىسىن ىلگەرىلەتۋ ارقىلى 10 مىڭنان استام كاسىپورىننىڭ اقىل - پاراساتقا بۇرىلىس جاساۋىنا دەم بەرىپ، 1231 زەردەلى سەح قۇردى. 2025 - جىلى چۇڭچيڭ سيفرلى ەكونوميكاسىنىڭ وزەكتى كاسىبىنىڭ ارتقان قۇنىنىڭ وڭىرلىك ءوندىرىس جالپى ءونىم قۇنىنداعى سالىستىرماسى %10 كە جەتتى.

”تىزبەك + ءوڭىر“، سايكەسە توعىسىپ، شوعىردى نىعايتتى _

كاسىپ سالاسى سەلبەسىپ بىرىككەن كۇش توپتاپ، وڭىرلىك توعىسۋ كەڭىستىگىن كەڭەيتتى. چۇڭچيڭ كاسىپ سالاسى تىزبەگىنىڭ جوعارعى، تومەنگى اعارىن تۇتاستىرۋدى، چىڭدۋ - چۇڭچيڭ كاسىپ سالاسىن ءبىر تۇلعالاندىرىپ دامىتۋدى، اشىق ەكونوميكانىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، ءوزارا سۇيەنەتىن، ءوزارا پايدا جەتكىزىپ، تەڭ يگىلىككە كەنەلەتىن كاسىپ سالاسى ەكولوگياسىن قالىپتاستىردى.

تىزبەكتەر سەلبەسىپ، اينالمالى قاتار ءومىر ءسۇردى. چۇڭچيڭ بولات - تەمىر شەكتى جارنا سەرىكتەستىگى جوعارعى، تومەنگى اعارداعى كاسىپورىندارمەن بىرلەسىپ كاسىپ سالاسى تىزبەگىن، ەكولوگيالىق شەڭبەردى قۇرۋ ارقىلى جاساۋ كاسىبىنىڭ باسەكەلىك قۋاتىن بىرگە جوعارىلاتتى. بيىل 1 - توقساندا سەرىكتەستىك 41 ميلليون 980 مىڭ يۋان ونىمدىلىك جاراتىپ، كومىرتەگىن شامامەن 10 مىڭ توننا ازايتىپ، ەكولوگيالىق ونىمدىلىك پەن ەكونوميكالىق ونىمدىلىكتى بىردەي جوعارىلاتتى.

چىڭدۋ - چۇڭچيڭ توعىسىپ، بيىك بەلەستى بىرگە قۇردى. ەكى جەر چىڭدۋ جوعارى، جاڭا تەحنيكا رايونىن، چۇڭچيڭ جوعارى، جاڭا تەحنيكا رايونىن ماڭىزدى كوتەرىمدىلىك ورنى ەتىپ، ەلەكتروندىق ينفورماتسيا سياقتى ءبىر تريلليون يۋاندىق كاسىپ سالاسى شوعىرىن بىرگە قۇردى. چۇڭچيڭ رۇڭچاڭ، تۇڭنان سىچۋاننىڭ نەيجياڭ، سۇينيڭى سياقتى كورشىلەس رايوندارمەن اۆتوموبيل بولشەكتەرى، ەنەرگيا سياقتى كاسىپ سالالارىن ارقاۋ ەتە وتىرىپ سەلبەستىك ورىستەتتى.

ەسىك اشۋ ارقىلى جەتەكشىلىك ەتىپ، بۇكىل جەر شارىمەن تۇتاستى. جياڭجين توراپتىق پورت كاسىپ سالاسى باقشاسىندا سىچۋان ولكەسىنىڭ يبين قالاسىندا وندىرىلگەن ءبىر توپ اۆتوموبيل بولشەكتەرى چاڭجياڭ وزەنى ارقىلى تاسىپ اكەلىنىپ، باتىس بولەكتەگى قۇرلىق، تەڭىز جاڭا ارناسىنداعى كەزەكشى پويەزدەر ارقىلى گۋاڭشيدەن تەڭىزگە شىقتى. وڭىرلەر قول ۇستاسا ارەكەتتەنىپ، چۇڭچيڭنىڭ دۇنيە جۇزىلىك بازارعا قادام تاستاۋى اناعۇرلىم بەكەمدەلدى.

باس شۋجي شي جينپيڭ نۇسقاعان بەتالىستى بويلاپ، توعىسۋدى وسىزاماندانعان كاسىپ سالاسى جۇيەسىن قۇرۋدىڭ ماڭىزدى تۇتقاسى ەتكەن چۇڭچيڭ حالىقارالىق باسەكەلىك قۋاتقا يە وزىق جاساۋ كاسىبى ورتالىعىن جانە بۇكىل ەلدەگى ىقپالعا يە كاسىپ سالاسىندا جاڭالىق اشۋ ورتالىعىن جەدەل قۇرىپ، ”15 - بەسجىلدىقتىڭ“ باستاما جىلىنداعى جوعارى ساپالى دامۋدىڭ جاڭا جاۋابىن قۇلشىنا تاپسىرۋدا.