قول تەلەفونمەن قارالىق ىستەۋگە سوققى بەرۋ قاتارلى ارناۋلى قيمىلداردى شوعىرلى ورىستەتەدى

2026 – جىلعى جوعارى مەكتەپ ەمتيحانى تاياپ قالدى، ءتىلشىنىڭ 6 – ايدىڭ 2 – كۇنى وقۋ ـ اعارتۋ مينيسترلىگىنەن ۇعىسۋىنشا، وقۋ ـ اعارتۋ مينيسترلىگى ينتەرنەت ينفورماتسياسى، قوعام حاۋىپسىزدىگى قاتارلى تاراۋلارمەن بىرگە «2026 ـ جىلعى جوعارى مەكتەپ ەمتيحانىن قورعاۋ ارەكەتىن» ورىستەتىپ، ەمتيحاندى ۇيىمداستىرۋ، ۇگىتتەۋ، جەتەكتەۋ، ەمتيحان بەرۋشىلەرگە قىزمەت وتەۋ قاتارلى قىزمەتتەردى جاپپاي ويداعىداي ىستەپ، جوعارى مەكتەپ ەمتيحانىن بار كۇشپەن قورعايدى.

ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، 2026 – جىلعى جوعارى مەكتەپ ەمتيحانى كەزىندە جەر – جەردەگى وقۋ – اعارتۋ تاراۋلارى، وقۋشى قابىلداۋ، ەمتيحان الۋ قۇرىلىمدارى توراپ ينفورماتسياسى، قوعام حاۋىپسىزدىگى قاتارلى تاراۋلارمەن بىرلەسىپ، قول تەلەفونمەن قارالىق ىستەۋگە سوققى بەرۋ، ەمتيحانعا ساياتىن توراپ ورتاسىن تازارتۋ، قارالىق ىستەۋ اسپاپتارىن ساتۋعا سوققى بەرۋ، باسقالاردىڭ ورنىنا ەمتيحان بەرۋگە سوققى بەرۋ، ەمتيحان تۇيىندەرىنىڭ توڭىرەگىندەگى ورتانى تازارتۋ، ەمتيحانعا ساياتىن تاربيەلەۋ قۇرىلىمدارى مەن ەمتيحانعا كومەكتەسۋ دانەكەرلەرىن اداقتاۋ، رەتكە سالۋ قاتارلى كوپتەگەن ارناۋلى قيمىلداردى شوعىرلى ورىستەتەدى.

سونىمەن بىرگە، ەمتيحانعا كومەكتەسۋ قىلمىسى، وقۋشى قابىلداۋ الدامشىلىعى، جالعان ۇگىت، توراپتاعى وسەك – اياڭ قاتارلى جالعان، زياندى ينفورماتسيالاردى اداقتاپ، ءبىر جاقتى ەتىپ، اماندىق، ءجۇرىس - تۇرىس، ازىق - تۇلىك، جاتىن ورىن، ەمدەۋ - دەنساۋلىق ساقتاۋ، شۋىلدى جونگە سالۋ، پسيحولوگيالىق جاقتان جەتەكشىلىك ەتۋ قاتارلى كوپ جاقتى جالپىلىق قىزمەت وتەۋمەن قامتاماسىزداندىرۋدى كۇشەيتىپ، تاماشا ەمتيحان ورتاسىن جاراتىپ، وقۋ - اعارتۋ ەمتيحانىنىڭ ادىلدىگىن باتىل قورعايدى.

جوعارى مەكتەپ ەمتيحانى اياقتاعاننان كەيىن، جەر - جەر ەمتيحان بەرۋشىلەردى نەگىز ەتۋگە تاباندى بولىپ، تالاپ كەستەسىن تولتىرۋعا جەتەكشىلىك ەتۋ، قىزمەت وتەۋدى ونان ارى ساپالىلاندىرىپ، تالاپ كەستەسىن تولتىرۋعا قىزمەت وتەۋ جۇيەسىنىڭ دارەجەسىن جوعارىلاتىپ جانە كەمەلدەندىرىپ، تالاپ كەستەسىن تولتىرۋعا اقىل - كەڭەس بەرۋدىڭ، قىزمەت وتەۋدىڭ جەلىلەس قيمىلىن كوپ ارنامەن، كوپ فورمامەن ۇيىمداستىرىپ، دامىماعان رايوندارداعى اۋداندارعا باعىتتاي وتىرىپ، ”ياڭگۋاڭ ەرىكتىلەرى“ بويىنشا كومەكتەسۋ - سۇيەمەلدەۋ قيمىلىن ورىستەتىپ، تالاپ كەستەسىن تولتىرۋ قىزمەت وتەۋىنىڭ جالپىلىعىن، جارامدىلىعىن، قولايلىلىعىن جاپپاي جوعارىلاتادى. ءتىپتى دە كوپ وقۋشىلاردىڭ ارمانعا قانات قاعۋىنا، ەسەيىپ ـ ەرجەتۋىنە دەم بەرەدى.

كەلۋ قاينارى: حالىق تورابى