دامىپ جاتقان جۇڭگو | چاڭجياڭ وزەنىندە كەشكى سەيىلگە شىعىپ، تىڭ كورىنىستەردەن ءلاززاتتانۋ 

ۋحاننىڭ ”جى - يىنحاۋ“ كەمەسىن الىستان تاماشالاۋ. حالىق تورابى ءتىلشىسى جوۋ ۋىن فوتوسى

كەش باتىپ، قاراڭعى تۇسە باستاعاندا، ۋحان قالاسىنداعى ەكى وزەننىڭ جاعالاۋىنداعى الۋان ءتۇرلى شامدار جانىپ، چاڭجياڭ وزەنى ءتۇرلى – تۇستەگى شامداردىڭ نۇرىمەن كوزدىڭ جاۋىن الادى. جۋىردا حالىق تورابىنىڭ ”دامىپ جاتقان جۇڭگو“ اتتى تەكسەرۋ – زەرتتەۋ ۇيىرمەسى ۋحانداعى ”جى - يىنحاۋ“ اتتى كەمەگە وتىرىپ، ۋحانداعى ۇلكەن وزەندى ”ساحنا پەردەسى“، قالانى ”ارتقى كورىنىس“ ەتكەن يممەرسيۆتى ويىن ساۋىق قويۋ قاتارلى جاڭا كاسىپ كۇيىنە سۇيەنىپ، چاڭجياڭ وزەنىنىڭ تۇنگى ساياحات بارىسىنداعى تۇتىنۋدىڭ ومىرشەڭدىك قۋاتىن ۇزدىكسىز تاسقىنداتۋ سىندى جاندى امالياتقا سول جەردىڭ وزىنە بارىپ تەكسەرۋ جۇرگىزدى.

ساياحاتشىلار ءدالىز كوپىرگە قادام باسقان ساتتە – اق، حانكوۋداعى چاڭجياڭ مادەنيەتىن ارقاۋ ەتكەن كوپ تۇرعىدان تاماشالاۋعا ارنالعان درامانىڭ اراسىندا جۇرگەندەي سەزىنەدى. 100 مينۋتتان استام ۋاقىت قويىلاتىن يممەرسيۆتى ناقتى كورىنىستى ويىن – ساۋىق ءنومىرى ”ءارقانداي جەردە جاقسىلىقپەن ديدارلاسۋ“ سىندى سەزىم مەن ”كەزدەسكەندەردىڭ ءبارى دە ويىننىڭ كەيىپكەرى“ بولاتىن ەرەكشە كەشىرمە ارقىلى، بايىرعى ۋحان قالاسىنداعى تۇرمىس تىرشىلىگى مەن كەمەجايدىڭ كەلبەتىن، سونداي – اق، وزەن بويىنا ورنالاسقان قالانىڭ 100 جىلدان بەرگى گۋمانيتارلىق كەلبەتىن جاندى تۇردە قالپىنا كەلتىرىپ، ءار قادامدى باسقان سايىن كورىنىس وزگەرىپ وتىراتىن، ءار قادام سايىن ويىن قويىلاتىن، ساياحاتشىلاردى وزەن بويىنا ورنالاسقان وزگەشە مادەنيەت استارىن تەرەڭ سەزىنۋگە باۋرايدى.

بيىل 5 – ايدىڭ 20 – كۇنى ”جى - يىنحاۋ“ كەمەسى تۇڭعىش رەت ساپارعا شىققاندىعىنىڭ 9 جىلدىعىن قارسى الدى. 9 جىلدان بەرى، كەمەدە جيىنى 3000 رەتكە جۋىق ويىن قويىلىپ، ءبىر ميلليون 700 مىڭنان استام (رەت) ساياحاتشى قابىلدانعان. بۇل ارا ءارى سىرتتان كەلگەن ساياحاتشىلار وزەن بويىنا ورنالاسقان قالاعا كەلگەندە سۋرەتكە ءتۇسۋدى ەڭ كوپ تاڭدايتىن جەرلەردىڭ ءبىرى ءارى ۋحانداعى قالا تۇرعىندارىنىڭ مەرەكە – دەمالىستاردى قۋانىشپەن وتكىزىپ، تاماشا ەستەلىك قالدىراتىن مەيىرگە تولى ورنى. بيىلعى ”1 – مامىر“ مەرەكەسىنىڭ دەمالىسىندا، ”جى - يىنحاۋ“ كەمەسى 13 مىڭ 300 (رەت) ساياحاتشى قابىلداپ، وتكەن جىلدىڭ ۇقساس مەزگىلىندەگىدەن %5.7 ارتقان، مادەنيەت – ساياحات تارتىمدىلىعى ۇزدىكسىز جوعارىلاعان.

ءبىر ورىندا عانا ويىن قوياتىن كورىنىستىك ورىننان مادەنيەت – ساياحاتتىڭ تۇتاس وڭىرلىك ماڭىزدى تۇيىنىنە اينالۋعا دەيىن، كەزەكتە ”جى - يىنحاۋ“ كەمەسى حۋاڭحىلوۋ مۇناراسى، دۇڭحۋ قاتارلى قالانىڭ كلاسسيك مادەنيەت – ساياحات IP ىمەن ۇشتاستىرىلىپ، ءبىر تىزبەككە اينالىپ، ۋحان قالاسىنىڭ مادەنيەت – ساياحات ونىمدەرى شەبىن بايىتىپ، ”كۇندىز قالانى ارالاپ، مادەنيەت مايەگىن سەزىنۋ، كەشتە چاڭجياڭ وزەنىندە سەيىلدەپ، وزەننىڭ كوركىن تاماشالاۋ“ سىندى تۇتاس ءبىر كۇندى قامتىعان ساياحات اۋقىمىن قالىپتاستىردى.

كورىنىستىك جاقتا جاڭالىق اشۋ ارقىلى مادەنيەت – ساياحات سالاسىنداعى تۇتىنۋدى تاسقىنداتىپ، كەشكى ەكونوميكا ارقىلى كاسىپ سالاسىنىڭ دارەجەسىن جوعارىلاتتى. ەكى وزەننىڭ جاعالاۋىنىڭ تۇنگى كورىنىسىنىڭ دارەجەسىن جالپى بەتتىك جوعارىلاتۋعا سۇيەنىپ، ”جى - يىنحاۋ“ كەمەسى ارقىلى يممەرسيۆتى تاماشالاۋ فورماسىنداعى مادەنيەت – ساياحاتتىڭ جاڭا كاسىپ كۇيىن ۇزدىكسىز تەرەڭدەتىپ، مادەنيەت – ساياحاتتاعى تۇتىنۋ كورىنىسىن ۇزدىكسىز بايىتىپ، مادەنيەت – ساياحات كاسىپ تىزبەگىن ۇزارتىپ، ۋحاننىڭ مادەنيەت – ساياحاتىنىڭ ءداستۇرلى تاماشالاۋ فورماسىنان يممەرسيۆتى باستان كەشىرۋ فورماسىنا قاراي ىشكەرىلەي بۇرىلىس جاساۋىن جەدەل ىلگەرىلەتىپ، قالانىڭ مادەنيەت – ساياحاتىنىڭ جوعارى ساپالى دامۋىنا باياندى قوزعاۋشى كۇش ۇستەمەلەدى. (جوۋ ۋىن، پىڭ يۇندي)