جاڭا توپتاعى 62 ميلليارد 500 ميلليون يۋان ”مەملەكەتتىك قوسىمشا قاراجات“ وسى ايدىڭ سوڭىنا دەيىن بولىنەدى

6 - ايدىڭ 18 - كۇنى، مەملەكەتتىك دامۋ جانە رەفورما كوميتەتى اقپارات جاريالاۋ ءماجىلىسىن وتكىزىپ، بيىلعى ”ەكىنى جاڭالاۋ“ ساياساتىنا قاتىستى جاعدايدى تانىستىردى. مەملەكەتتىك دامۋ جانە رەفورما كوميتەتى اقپارات مالىمدەمەشىسىنىڭ تانىستىرۋىنشا، 6 - ايدىڭ سوڭىنان بۇرىن بيىل جابدىق جاڭالاۋعا جانە نىسانداردى ورىستەتۋگە پايدالانىلاتىن 200 ميلليارد يۋان جانە ءۇشىنشى توپتاعى تۇتىنۋ بۇيىمدارىنىڭ كونەسىن جاڭاسىنا الماستىرۋعا پايدالانىلاتىن 62 ميلليارد 500 ميلليون يۋان قاراجات تۇگەلدەي بولىنەدى ەكەن.

مەملەكەتتىك دامۋ جانە رەفورما كوميتەتى اقپارات مالىمدەمەشىسىنىڭ تانىستىرۋىنشا، قازىرگە دەيىن مەملەكەت جابدىق جاڭالاۋ قاراجاتىنان 185 ميلليارد 100 ميلليون يۋاندى ەكى توپقا بولىپ تاراتىپ، جيىنى 11 مىڭنان استام نىسانعا قولداۋ كورسەتكەن، جالپى قوسىلعان قاراجات 840 ميلليارد يۋاننان اسقان. بيىل 1 - ايدان 5 - ايعا دەيىن، بيىلعى الدىڭعى ەكى توپتاعى تۇتىنۋ بۇيىمدارىنىڭ كونەسىن جاڭاسىنا الماستىرۋ قاراجاتىنان 125 ميلليارد يۋان تاراتىلعان، قاتىستى تاۋارلاردىڭ ساتىلىم سوماسىنىڭ جيىنى 820 ميلليارد يۋاننان اسۋىن جەبەپ، 110 ميلليوننان استام ادامدى (رەت) يگىلىكتەندىرگەن. مۇنان سىرت، بيىل ەسكىرگەن شاعىن رايوندارعا ليفت ورناتۋ، قارتتاردى كۇتىمدەۋ قۇرىلىمدارىنىڭ جابدىعىن جاڭالاۋ قاتارلىلاردى قولداۋ كورسەتۋ كولەمىنە ەنگىزگەن، الدىڭعى ەكى توپتاعى جابدىق جاڭالاۋ قاراجاتى ارقىلى تۇرعىن ۇيلەردەگى ەسكىرگەن ليفتتەردەن 194 مىڭ ليفتتى جاڭالاۋعا قولداۋ كورسەتىلگەن.

كەلەسى قادامدا، مەملەكەتتىك دامۋ جانە رەفورما كوميتەتى قاتىستى تاراۋلارمەن بىرگە، ءتيىمدى ساياساتتىڭ اناعۇرلىم ءادىل، قولايلى، ولشەمدى تۇردە تۇتىنۋشىلارعا توتە جەتكىزىلۋىن ۇزدىكسىز ىلگەرىلەتىپ، ”ەكىنى جاڭالاۋ“ ساياساتىنىڭ ونىمدىلىگىن اناعۇرلىم ويداعىداي ارتتىرادى.

كەلۋ قاينارى: حالىق تورابى