التىن اشەكەي بۇيىمداردىڭ باعاسى جارىم جىلدا 450 يۋانعا جۋىق ارزاندادى، ءتىلشىنىڭ التىن اشەكەي بۇيىمداردى ارناۋلى ساتۋ ورنىنان كورۋىنشە، ساۋدا تەكشەسىنىڭ الدى الارماندارعا لىق تولعان 

جۋىردا حالىقارالىق بازاردا التىن باعاسى ۇزدىكسىز تومەندەپ، ەل ىشىندەگى دۇكەندەردەگى التىن اشەكەي بۇيىمداردىڭ باعاسى دا وسىعان سايكەستى زور مولشەردە ارزانداعان، نەگىزگى ماركالارداعى ساپ التىننان جاسالعان اشەكەي بۇيىمداردىڭ ءار گرامىنىڭ باعاسى بۇكىلدەي 1300 يۋاندىق ءبۇتىن ساندىق وتكەلدەن تومەن تۇسكەن.

دۋان - ۋ مەرەكەسىنىڭ دەمالىسىندا، ءتىلشى بەيجيڭ سايباي التىن اشەكەي بۇيىمدارىن ساتۋ ورنىنا بارىپ، سول جەردە تەكسەرۋ جۇرگىزگەن، دۇكەننىڭ التىن اشەكەي بۇيىمدارى رايونى التىن اشەكەي بۇيىمدارىن تاڭداعان ادامدارعا لىق تولعان. سول كۇنگى ساپ التىننان جاسالعان اشەكەي بۇيىمداردىڭ ءار گرامىنىڭ بولشەك ساتىلىم باعاسى 1260 يۋان بولعان، ال، بيىل جىل باسىندا التىن اشەكەي بۇيىمدارىنىڭ باعاسى 1700 يۋان اينالاسىنا دەيىن جوعارىلاعان، قىسقا عانا جارتى جىلدا ءار گرامىنىڭ باعاسى 450 يۋانعا جۋىق ارزانداپ، ارزانداۋ مولشەرى %25 تەن اسقان. التىن باعاسىنىڭ قايتادان كورنەكتى ارزانداۋى ءىشىنارا تۇتىنۋشىلاردى ەلىكتىرگەن.

وسىعان ۇقساس، كونە بۇيىمداردى جاڭاسىنا الماستىرۋ جاعىندا قىزمەت وتەۋ تەكشەسىنە كەلگەن الارماندار دا كوپ بولعان، التىن باعاسىنىڭ تومەندەۋىنە بايلانىستى، الماستىرىپ ساتىپ العاندا قوسىلاتىن التىننىڭ وزىندىك قۇنى تومەندەگەندىكتەن، كوپتەگەن تۇتىنۋشىلار قولىنداعى ەسكى التىن اشەكەي بۇيىمدارىن الماستىرۋعا وسى كەزدى تاڭداعان.

ساقپى التىنعا قارجى قوسۋ رايونىندا دا ساتىپ الۋ جونىندە كەڭەس سۇراعان الارماندار مول بولعان. ءتىلشىنىڭ سول جەردەن ۇعىسۋىنشا، قازىر بازاردا بايىپتىلىقپەن قارجى قوسۋ اۋقىمى بايقالعان، قارجى قوسۋشىلاردىڭ كوبى توپقا ءبولىپ ءار رەتتە از مولشەردەن ساتىپ الۋدى تاڭداعان.

كەلۋ قاينارى: حالىق تورابى