قىزىل گەندى جالعاستىرىپ، جاڭا جورىقتا ۇزدىك جاۋاپناما جازۋ كەرەك

شينحۋا اگەنتتىگىنىڭ ساقا پارتيا مۇشەسى جاڭ ليانشىڭ جولداس:

سالەمەتسىز بە! حاتىڭىزدى تاپسىرىپ الىپ قاتتى قۋاندىم. ءسىز كەزىندە ورتالىق زۇڭدۇي ”4 ـ ۇلكەن اترەتىنىڭ“ تەلەگرافشىسى رەتىندە، سوعىس ورتىندە پارتيا ورتالىق كوميتەتىمەن بىرگە سولتۇستىك شانشيدە اينالا سوعىس جۇرگىزىپ، حاباربايلانىس تەحنولوگياسى قىزمەت ورنىندا تامىر تارتىپ، ءومىر بويى قاجىرلىلىقپەن ەڭبەك ەتتىڭىز، قارتايعان شاعىڭىزدا دا پارتيا مەن مەملەكەت ىستەرىنىڭ دامۋىنا كوڭىل ءبولىپ كەلدىڭىز، سىزگە قۇرمەت بىلدىرەمىن.

ءسىز حاتىڭىزدا پارتياعا ماڭگى ىلەسەمىن، ماڭگى ”4 ـ ۇلكەن اترەتتىڭ“ مۇشەسىمىن دەدىڭىز، مۇندا پارتياعا سەنەتىن، پارتيانى سۇيەتىن شىنايى، تەرەڭ سۇيىسپەنشىلىك جاتىر. جاڭا داۋىردەگى كوممۋنيستەر قىزىل گەندى جالعاستىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، مىندەت اتقارىپ، جاۋاپكەرشىلىكتى ادا ەتىپ، ناقتى ىستەپ، جاۋاپكەرشىلىك ارقالاپ، جاڭا جورىقتا ۇزدىك جاۋاپناما جازۋى كەرەك.

جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى قارساڭىندا سىزگە جانە بۇكىل ەلدەگى ساقا پارتيا مۇشەلەرىنە، ساقا جولداستارعا شىنايى سالەم جولدايمىن، دەندەرىڭىز ساۋ، تۇرمىستارىڭىز باقىتتى بولسىن!

شي جينپيڭ

2026 ـ جىلى 6 ـ ايدىڭ 17 ـ كۇنى

(شينحۋا اگەنتتىگىنىڭ 6 ـ ايدىڭ 18 ـ كۇنى بەيجيڭنەن بەرگەن حابارى)

شينحۋا اگەنتتىگىنىڭ 6 ـ ايدىڭ 18 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينحۋا اگەنتتىگىنىڭ 102 جاستاعى ساقا پارتيا مۇشەسى جاڭ ليانشىڭعا جاۋاپ حات جازىپ، وعان جانە بۇكىل ەلدەگى ساقا پارتيا مۇشەلەرىنە، ساقا جولداستارعا ىقىلاستى سالەم جولدادى.

شي جينپيڭ جاۋاپ حاتىندا بىلاي دەدى: ءسىز كەزىندە ورتالىق زۇڭدۇي ”4 ـ ۇلكەن اترەتىنىڭ“ تەلەگرافشىسى رەتىندە، سوعىس ورتىندە پارتيا ورتالىق كوميتەتىمەن بىرگە سولتۇستىك شانشيدە اينالا سوعىس جۇرگىزىپ، حاباربايلانىس تەحنولوگياسى قىزمەت ورنىندا تامىر تارتىپ، ءومىر بويى قاجىرلىلىقپەن ەڭبەك ەتتىڭىز، قارتايعان شاعىڭىزدا دا پارتيا مەن مەملەكەت ىستەرىنىڭ دامۋىنا كوڭىل ءبولىپ كەلدىڭىز، سىزگە قۇرمەت بىلدىرەمىن.

شي جينپيڭ مىنالاردى ءبىلدىردى: حاتىڭىزدا پارتياعا ماڭگى ىلەسەمىن، ماڭگى ”4 ـ ۇلكەن اترەتتىڭ“ مۇشەسىمىن دەدىڭىز، مۇندا پارتياعا سەنەتىن، پارتيانى سۇيەتىن شىنايى، تەرەڭ سۇيىسپەنشىلىك جاتىر. جاڭا داۋىردەگى كوممۋنيستەر قىزىل گەندى جالعاستىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، مىندەت اتقارىپ، جاۋاپكەرشىلىكتى ادا ەتىپ، ناقتى ىستەپ، جاۋاپكەرشىلىك ارقالاپ، جاڭا جورىقتا ۇزدىك جاۋاپناما جازۋى كەرەك.

ورتالىق زۇڭدۇي ”4 ـ ۇلكەن اترەتى“ − ازاتتىق سوعىس كەزىندە شينحۋا اگەنتتىگىنىڭ پارتيا ورتالىق كوميتەتىنە جانە ماۋ جۋشيگە ىلەسىپ سولتۇستىك شانشيدە اينالا سوعىس جۇرگىزگەن قىزمەت اترەتى، اقپارات ـ حاباربايلانىسقا جاۋاپتى بولعان. تاياۋدا جاڭ ليانشىڭ جولداس باس شۋجي شي جينپيڭگە حات جازىپ، ”4 ـ ۇلكەن اترەتتەگى“ توڭكەرىستىك قىزمەت كەشىرمەلەرىن ەسكە الىپ، پارتياعا ماڭگى ىلەسەتىن بەرىك سەنىمىن ءبىلدىردى.