پارتيانىڭ ساياسي قۇرىلىسىن پارتيانىڭ ءتۇبىرلى قۇرىلىسى ەتۋىمىز كەرەك (باس شۋجيدىڭ حالىقشىلدىق سۇيىسپەنشىلىگى)

پارتيانىڭ ساياسي قۇرىلىسى − پارتيانىڭ ءتۇبىرلى قۇرىلىسى.

پارتيا 19 - قۇرىلتايى پارتيانىڭ ساياسي قۇرىلىسىن تۇڭعىش رەت پارتيا قۇرىلىسىنىڭ جالپى تۇلعالىق ورنالاستىرۋىنا ەنگىزدى ءارى ماڭداي الدى ورىنعا قويدى. پارتيانىڭ 20 - قۇرىلتايىندا ”پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس باسشىلىق ەتۋ“ اناعۇرلىم ايقىندالدى. شي جينپيڭ پارتيا قۇرىلىسى يدەياسى ”پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولۋدى“ ”ون تورتكە تاباندى بولۋدىڭ“ ماڭىزدى ءبىر جاعى ەتتى.

باس شۋجي شي جينپيڭ بىلاي دەپ اتاپ كورسەتتى: ”ەگەر ماركسيزمدىك ساياسي پارتيانىڭ ساياسي جاقتاعى العاباسارلىعى جويىلسا، پارتيانىڭ العاباسارلىعى مەن كىرشىكسىزدىگىنەن اۋىز اشۋعا بولمايدى. مىنە، بۇل ءبىزدىڭ پارتيانىڭ ساياسي قۇرىلىسىن پارتيانىڭ ءتۇبىرلى قۇرىلىسى ەتۋىمىزدىڭ قيسىنى.“

پارتيانىڭ ساياسي قۇرىلىسىن كۇشەيتۋدەگى ماڭداي الدى مىندەت − بۇكىل پارتيانىڭ پارتيا ورتالىق كوميتەتىنە بويسۇنۋىنا كەپىلدىك ەتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىرتۇتاس باسشىلىعىنا تاباندى بولۋ.

ساياسي بەتالىس − پارتيانىڭ ءومىر ءسۇرۋى مەن دامۋىنداعى ماڭداي الدى ماسەلە. باس شۋجي شي جينپيڭ كەزىندە ۇزاق جورىق جونىندە مىناداي ءبىر اڭگىمە ايتقان بولاتىن: ”قىزىل ارميا سازدى دالادان وتكەن كەزدە، اسپاز جولداس بىرگە جاتىپ - تۇرادى، سوندا ول بۇگىنگە پىسىراتىن كۇرىش بار - جوقتىعىن سۇراماي، الدىمەن وڭتۇستىككە قاراي جۇرەمىز بە، الدە سولتۇستىككە قاراي جۇرەمىز بە؟ دەگەندى سۇرايدى“. ساياسي قۇرىلىس دەگەنىمىز ساياسي كومپاس رولىن ساۋلەلەندىرىپ، بۇكىل پارتيانى سەنىمدى بەكەمدەۋگە جەتەكتەپ، پارتيانىڭ ساياسي لۋشيانىن باتىل اتقارۋ بولىپ تابىلادى.

پارتيانىڭ ساياسي باسشىلىعىنا تاباندى بولۋدا، ەڭ ماڭىزدىسى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋىمىز كەرەك. باس شۋجي شي جينپيڭ بىلاي دەپ اتاپ كورسەتتى: ”ەگەر پارتيا ورتالىق كوميتەتى شىعارعان بۇيرىقتى ەشكىم تىڭداماسا، بۇيرىقتى بۇلجىتپاي ورىنداي الماسا، وندا پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدان اۋىز اشۋعا بولمايدى!“

بىرنەشە كۇننىڭ الدىندا باس شۋجي شي جينپيڭ شينحۋا اگەنتتىگىنىڭ ساقا پارتيا مۇشەسى جاڭ ليانشىڭعا جاۋاپ حات جازىپ، ونىڭ پارتياعا سەنەتىن، پارتيانى سۇيەتىن شىنايى، تەرەڭ سۇيىسپەنشىلىگىن القادى. سوعىس جىلدارىندا پارتيا ورتالىق كوميتەتى مەن ءتوراعا ماۋ زىدۇڭ راديو ستانسياسى ارقىلى بۇكىل پارتياعا، بۇكىل ارمياعا قولباسشىلىق ەتتى. جاڭ ليانشىڭ تۇرعان ورتالىق زۇڭدۇي ”4 - ۇلكەن اترەتىندەگى“ تەلەفونيستەر جەتكىزگەن ”سىر، سىر“ دەگەن دىبىس پارتيا ورتالىق كوميتەتى مەن ءتوراعا ماۋ زىدۇڭنىڭ ءۇنى ەدى.

جاڭا داۋىردە كەدەيلىكتەن ارىلتۋدان قامال الۋدا پارتيا ورتالىق كوميتەتىنىڭ بۇيرىق بەرۋىمەن 3 ميلليوننان استام ءبىرىنشى شۋجي مەن قىستاقتا تۇراتىن كادرلار ءبىرىنشى شەپكە جۇدىرىقتاي جۇمىلىپ، ساقاداي ساي تۇردى؛ ەكولوگيالىق ورتانى قورعاۋدى باقىلاۋ - تەكسەرۋ تىڭعىلىقتى دا پارمەندى بولدى، تۇنىق سۋ، جاسىل تاۋ باعالى بايلىققا اينالدى، مۇنىڭ استارىندا پارتيا ورتالىق كوميتەتىنىڭ ەكولوگيالىق وركەنيەت قۇرىلىسىن يگەرۋدەگى بەرىك بەكىمى جاتىر ... بۇرىن ىستەۋدى ويلاساق تا ىستەي الماعان كوپتەگەن ءىرى ىستەر جاڭا داۋىردە تياناقتاندى، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، پارتيا ورتالىق كوميتەتى سىندى ”اسكەري شاتىردا وتىرعان قولباسشى“ باس شۋجي شي جينپيڭنىڭ جول باستاۋىنا سۇيەندى.

تاماشا ساياسي ەكولوگيا قالىپتاستىرۋدى، ءسوز جوق، پارتيانىڭ ساياسي قۇرىلىسىنىڭ نەگىزدىك، ۇنەمىلىك قىزمەتى ەتۋىمىز كەرەك.

باس شۋجي شي جينپيڭ: ”ساياسي ەكولوگيا جاقسى بولسا، جۇرت كوڭىلى ورنىعىپ، دۇرىس سالت ورنايدى“ دەپ اتاپ كورسەتتى. تاماشا ساياسي ەكولوگيا − پارتيانىڭ جاسامپازدىق قۋاتىن، ۇيىسۋ قۋاتىن جانە جاۋىنگەرلىك قۋاتىن قالىپتاستىرۋدىڭ نەگىزى، پارتيانىڭ ءتۇرلى ىستەرىنىڭ قارىشتاپ دامۋىنىڭ كەپىلى.

ادام تاڭداۋدىڭ، ادام ىستەتۋدىڭ دۇرىس بەتالىسىن ورناتىپ، ناعىز ادال، سەنىمدى، ءىشى مەن سىرتى بىردەي، جاۋاپكەرشىلىك ارقالاپ، جاۋاپكەرشىلىكتى ادا ەتەتىن جاقسى كادرلاردى ىستەتۋ كەرەك؛ ”جولبارىس“، ”شىبىن“، ”تۇلكى“ پارتيا تارتىبىنە، مەملەكەت زاڭىنا قايشى كەلسە، قاتاڭ قۋزاستىرىلادى جانە قاتاڭ جازالانادى؛ جاڭا جاعدايداعى پارتيانىڭ ىشكى ساياسي تۇرمىسى جونىندەگى ءبىرقانشا ولشەمدى دايەكتىلەندىرىپ، تياناقتاندىرىپ، پارتيا مۇشەلەرىنىڭ، كادرلاردىڭ پارتيانىڭ ىشكى ساياسي تۇرمىسىندا ساياسي يممۋنيتەتتىك قۋاتىن ارتتىرۋىنا مۇمكىندىك جاساۋ كەرەك؛ پارتيا ىشىندەگى ساياسي، مادەنيەت قۇرىلىسىن كۇشەيتىپ، پارتيا دارىپتەگەن مۇرات - سەنىمدى، قۇن ۇستانىمىن، تاڭداۋلى ءداستۇردى پارتيا مۇشەلەرىنىڭ، كادرلاردىڭ يدەياسى مەن جان دۇنيەسىنە تەرەڭ ۇيالاتۋ كەرەك ...

”1 - شىلدە وردەنى“ − جۇڭگو كوممۋنيستىك پارتياسىنىڭ پارتيا ىشىندەگى ەڭ جوعارى داڭقى، 2021 - جىلى 6 - ايدىڭ 29 - كۇنى تۇڭعىش رەت تاراتىلدى. پارتيا ورتالىق كوميتەتى جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتى اتىنان ”1 - شىلدە وردەنىن“ تاراتىپ، مەملەكەتتىك تاڭداۋلى پارتيا مۇشەلەرىن، مەملەكەتتىك تاڭداۋلى پارتيا ىستەرى قىزمەتكەرلەرىن جانە مەملەكەتتىك وزات نەگىزگى ساتى پارتيا ۇيىمدارىن ماداقتاپ - سيلاۋدى ۇيعاردى. بۇل ءداۋىردىڭ القاۋى، سونداي - اق ”ىزگىلىكتى قاستەرلەۋمەن بىرگە، جاقسىدان ءتالىم الۋعا تالپىنۋ“ كەرەك دەگەن ءۇمىت تە ەدى.

پارتيانىڭ ساياسي قۇرىلىسىن كۇشەيتۋدە حالىق تىلەگى سىندى ەڭ ۇلكەن ساياسيدى تىعىز ارقاۋ ەتۋىمىز كەرەك.

”ەل اۋانىنا قول جەتكىزۋدى، حالىقتىڭ اقىل - پاراساتىن، كۇش - قۋاتىن شوعىرلاندىرۋدى ماڭىزدى كۇش سالۋ ءتۇيىنى ەتۋىمىز كەرەك“. باس شۋجي شي جينپيڭ ءتۇيىندى تۇردە جەتەكشىلىك ەتتى.

2013 - جىلى 6 - ايدان باستاپ پارتيانىڭ بۇقارالىق لۋشيان تاربيەسى جانە امالياتتىق قيمىلى بۇكىل پارتيادا ىشكەرىلەي ورىستەتىلدى. بۇل جاڭا داۋىردەگى پارتيا ىشىندەگى تۇڭعىش رەتكى شوعىرلى تاربيە ەدى.

جاڭا داۋىردەن بەرى پارتيانىڭ ساياسي قۇرىلىسىن كۇشەيتۋ پارتيانىڭ جاپپاي باسشىلىعىنا تاباندى بولۋدىڭ جانە ونى كۇشەيتۋدىڭ ماڭىزدى پرينسيبىنە اينالىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىنىڭ ىشكى قاجەتى سانالىپ، حالىق كوسەمىنىڭ حالىقتى وزەك ەتۋگە تاباندى بولۋ، شىنايى، كىرشىكسىز بولۋ سۇيىسپەنشىلىگىمەن اناعۇرلىم توعىستى.

”ءبىز ءبىراز جايسىزدانساق، بەيعامدىققا سالىنباساق، بۇقارانىڭ جايلىلىعى جاقسارادى، رازىلىعى جوعارىلايدى“. ورتالىقتىڭ سەگىز ءتۇرلى بەلگىلەمەسى تۇتاس قوعامعا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جوعارى ارقىلى تومەنگە جەتەكشىلىك ەتۋگە تاباندى بولعاندىعىن، ”الدىمەن ءوزىن تەجەپ، كەيىنگىلەرگە جول اشقاندىعىن“ كورسەتتى. ”جۇڭگو كوممۋنيستىك پارتياسى − حالىق ءۇشىن قىزمەت ىستەيتىن پارتيا“، ”ىستەي الاتىن، ونىڭ ۇستىنە جۇمىستى مۇقيات ىستەيتىن پارتيا“.

”بارلىق ىستە بۇقارانى كوزدە ۇستاۋعا، بارلىق ىستە بۇقاراعا سۇيەنۋگە، بۇقارادان الىپ، بۇقاراعا قايتارۋعا تاباندى بولۋىمىز كەرەك“. باس شۋجي شي جينپيڭ پارتيا سىرتىنداعى قايراتكەرلەردىڭ اڭگىمە ءماجىلىسىن باسقارىپ اشىپ، ”15 - بەسجىلدىق“ جوبا ۇسىنىسى جونىندە پىكىر الدى؛ توراپكەرلەردىڭ ”15 - بەسجىلدىق“ جوبانى جاساۋ قىزمەتى جونىندەگى ۇسىنىس - پىكىرلەرىن زەرتتەپ قابىلداۋ جونىندە ماڭىزدى نۇسقاۋ بەردى. تەكسەرىپ - زەرتتەۋ ستيلىن بارىنشا ساۋلەلەندىرىپ، جالپى بارىستىق حالىق دەموكراتياسىن امالياتتا ايگىلەپ، شىن سوزگە قۇلاق اسىپ، ناقتى جاعدايدى تەكسەرىپ، ناقتى ونىمدىلىككە ۇمتىلىپ، اماليات بارىسىندا ”ەڭ ءىرى ساياسيدى“ بەكەمدەدى.

حالىق تىلەگى − ولشەم. سوڭعى جىلدارى باس شۋجي حالىقپەن بىرگە بولدى، كوپتەگەن تاريحي تۇراقتاندىرۋ جارىققا شىقتى: ”باس شۋجي، سالەمەتسىز بە! ءسىز شىرىكتەسكەن ەلەمەنتتەرگە قارسى تۇرۋداعى قولباسشىسىز، بۇكىل ەل حالقىنىڭ باق جۇلدىزىسىز!“ ”ءبىز جاقتاعى بۇقارا ءسىزدى قالاي اتاۋشى ەدى ...، ءبىز ءسىزدى وتە جاقسى كورەمىز!“

پارتيانىڭ ساياسي قۇرىلىسىن كۇشەيتۋدە كوزدەلەتىنى مەملەكەتتى قۇدىرەتتەندىرۋ قۇرىلىسى، ۇلتتىڭ گۇلدەنۋى بولىپ تابىلادى، سايىپ كەلگەندە، ءبارى بۇقارا ءۇشىن بولادى. ءبىر ساياسي پارتيا حالىقتىڭ قامىن ويلاپ، حالىققا باقىت جاراتۋدى ەڭ ءىرى ناتيجە ەتسە، حالىق بەرىك سەنىم ارتىپ، تىعىز ىلەسەدى.

كەلۋ قاينارى: حالىق تورابى