ادام كۇشى بايلىعى جانە قوعامدىق قامتاماسىزداندىرۋ مينيسترلىگى ەسكەرتەدى: جۇمىس ىزدەۋ بارىسىندا بەلگىلەمەگە قايشى تۇردە اقى الۋ تۇزاعىنان ساقتانىڭىزدار، جۇمىسقا قابىلداعاندا اقى الىنبايدى 

جۇڭگو اقپارات تورابىنىڭ 6 – ايدىڭ 25 – كۇنى بەرگەن حابارى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى 6 – ايدىڭ 25 – كۇنى رەسمي ۋيشين تەكشەسى ارقىلى مىنانى ەسكەرتتى: جۇمىس ىزدەۋ بارىسىندا بەلگىلەمەگە قايشى تۇردە اقى الۋ تۇزاعىنان ساقتانۋ قاجەت.

ۇعىسۋعا قاراعاندا، ءىشىنارا زاڭسىز ەلەمەنتتەر ءتۇرلى اتاۋلاردى ويدىرىپ شىعارىپ، كيىم – كەشەكتەردى بىرلىككە كەلتىرۋ دەگەن جەلەۋمەن كيىم – كەشەك اقىسىن العان؛ جۇمىسقا رەسمي قابىلداۋ دەگەن جەلەۋمەن جۇمىسقا رەسمي قابىلداۋ اقىسىن، حاۋىپ – قاتەر كەپىلدىك اقىسىن العان؛ جۇمىسقا قابىلداۋ دەگەن جەلەۋمەن دەنساۋلىق تەكسەرۋ اقىسى، اۆتوموبيل حاۋىپسىزدىگى كەپىلدىك اقىسى، جۇمسالاتىن ماتەريال اقىسى قاتارلىلاردى العان.

ادام كۇشى بايلىعى جانە قوعامدىق قامتاماسىزداندىرۋ مينيسترلىگى مىنانى ەسكەرتەدى: جۇمىس ورنىنا قابىلدانعاندا ەشقانداي اقى تولەۋدىڭ قاجەتى جوق. جۇمىسقا قابىلداعاندا الدىمەن اقى تولەۋدى العى شارت ەتەتىن نەمەسە جۇمىسقا كىرۋدەن بۇرىن كەپىلدىك اقى، كۋالىك ءبىتىرۋ اقىسى، كيىم – كەشەك اقىسى، ماتەريال اقىسى قاتارلىلاردى الاتىن جاعدايلاردىڭ بارلىعىنان اباي بولىپ، اقى الۋدىڭ زاڭدى نەگىزى بار – جوقتىعىن انىقتاۋ قاجەت. جۇمىسقا كىرۋ الدىندا دەنساۋلىقتى تەكسەرگەندە ادەتتە جۇمىسقا قابىلداناتىنداردان 2A دارەجەلىدەن جوعارى دارەجەلى شيپاحاناعا بارىپ تەكسەرىلۋدى تالاپ ەتەدى، سەنىمدى ورىندار دەنساۋلىق تەكسەرۋ اقىسىن ۋاكىلدىك تۇردە المايدى. ەگەر اقى تولەسەڭىز، ءسوزسىز، رەسمي تالون كەستىرىڭىز، سونداي – اق سول ورىننىڭ رەسمي تاڭباسىن باسۋدى تالاپ ەتىڭىز، وسى ارقىلى الدا - جالدا داۋ – شار تۋىلعان جاعدايدا ۇقىعىڭىزدى قورعاۋ ءۇشىن دالەل ساقتاپ قويىڭىز.

كەلۋ قاينارى: حالىق تورابى