شينجياڭداعى جوعارى دارەجەلى كاسىپتىك مەكتەپتەردەن 10 مەكتەپتىڭ كاسىپ سالاسىندىق شۋەيۋاندارى بەكىتۋدەن ءوتىپ جوسپارعا الىندى 

ءتىلشىنىڭ 6 – ايدىڭ 23 – كۇنى ۇعىسۋىنشا، شينجياڭ ۇيعۇر اۆتونوميالى رايونىنىڭ جوعارى دارەجەلى كاسىپتىك مەكتەپتەرىنىڭ كاسىپ سالاسىندىق شۋەيۋاندارىنىڭ تىزىمدىگى رەسمي جاريالاندى. قارامايلى كاسىپتىك – تەحنيكالىق شۋەيۋانى، شينجياڭ جەڭىل ونەركاسىپ كاسىپتىك – تەحنيكالىق شۋەيۋانى قاتارلى 10 مەكتەپءوتىنىش بەرگەن كاسىپ سالاسىندىق شۋەيۋاندار بەكىتۋدەن ءوتىپ جوسپارعا الىندى.

ۇعىسۋعا قاراعاندا، اۆتونوميالى رايون دارەجەلى جوعارى دارەجەلى كاسىپتىك مەكتەپتەردىڭ (كاسىپتىك تولىق كۋرستى قامتيدى) كاسىپ سالاسىندىق شۋەيۋانىن قۇرۋ نىسانىن باعالاۋ قىزمەتى شينجياڭداعى كاسىپتىك وقۋ – اعارتۋدىڭ مەكتەپ باسقارۋداعى قۇرىلىمدىق مەحانيزمى رەفورماسىن تەرەڭدەتىپ، ءوندىرىس پەن وقۋ – اعارتۋدى ىشكەرىلەي توعىستىرۋدى ىلگەرىلەتىپ، جوعارى دارەجەلى كاسىپتىك مەكتەپتەردىڭ تەحنيكالىق شەبەرلىككە يە دارىندىلاردى تاربيەلەۋ ساپاسىن جوعارىلاتىپ، وڭىرلىك كاسىپ سالاسىنىڭ دامۋىنا قىزمەت ەتۋ قابىلەتىن كۇشەيتۋدى ماقسات ەتەدى.

وسى رەت بەكىتىلگەن قارامايلى كاسىپتىك - تەحنيكالىق شۋەيۋانىنىڭ جاسىل ەنەرگيا كاسىپ سالاسىندىق شۋەيۋانى مەكتەپ پەن كاسىپورىن سەلبەستىك ورناتۋ، ءوندىرىس پەن وقۋ – اعارتۋدى توعىستىرۋ ارقىلى شينجياڭنىڭ تابيعي گاز كاسىپ سالاسىنا ۇيلەسەتىن اناعۇرلىم كوپ جوعارى ساپالى دارىندىلاردى تاربيەلەيدى.

كەلۋ قاينارى: حالىق تورابى