جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى

شي جينپيڭ ماڭىزدى ءسوز سويلەپ بىلاي دەپ باسا دارىپتەدى: جۇڭگو كوممۋنيستىك پارتياسىنىڭ 105 جىلدىق كۇرەس بارىسىندا ۇزدىكسىز شۇعىلالى ناتيجە جاراتا الۋىنىڭ، تاريح پەن حالىقتىڭ جۇڭگو كوممۋنيستىك پارتياسىن تاڭداۋىنىڭ سەبەبى، تۇپتەپ كەلگەندە، پارتيامىزدىڭ باسقا ساياسي پارتيالارمەن جانە ساياسي كۇشتەرمەن سالىستىرۋعا بولمايتىن ۇزدىك قاسيەتكە يە بولعاندىعىندا.

ءبىز سەنىمدى بەكەمدەپ، ۇزدىكسىز كۇرەس جۇرگىزىپ، جاڭا ءىس جۇزىندىك جاعدايمەن ۇشتاستىرىپ، پارتيانىڭ ۇزدىك قاسيەتىن ۇزدىكسىز ساۋلەلەندىرىپ، پارتيانىڭ ماڭگى ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە، باستان - اياق قۇدىرەتتى جاسامپازدىق قۋاتقا، ۇيىستىرۋ قۋاتىنا، جاۋىنگەرلىك قۋاتقا يە بولۋىنا كەپىلدىك ەتۋىمىز كەرەك

لي چياڭ باسقاردى، جاۋ لىجي، ۋاڭ حۋنيڭ، ديڭ شۋەشياڭ، لي شي، حان جىڭ قاتىناستى، ساي چي قاراردى وقىدى

7 - ايدىڭ 1 - كۇنى تۇستەن بۇرىن جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى بەيجيڭدەگى حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن

7 - ايدىڭ 1 - كۇنى تۇستەن بۇرىن جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى بەيجيڭدەگى حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ”1 - شىلدە وردەنىنىڭ“ يەگەرلەرىنە وردەن بەردى.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

7 - ايدىڭ 1 - كۇنى تۇستەن بۇرىن جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى بىيجيڭدەگى حالىق سارايىندا سالتاناتپەن وتكىزىلدى. سۋرەتتە: شي جينپيڭ قاتارلى پارتيا مەن مەملەكەت باسشىلارى ماداقتالىپ - سيلانعان مەملەكەتتىك ”ەكى تاڭداۋلى، ءبىر وزات“ ۋاكىلدەرىنە سيلىق تاراتۋدا.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن «حالىق گازەتى»، 7 - ايدىڭ 1 - كۇنى، بەيجيڭ. جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى 7 - ايدىڭ 1 - كۇنى تۇستەن بۇرىن بەيجيڭدەگى حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ”1 - شىلدە وردەنىنىڭ“ يەگەرلەرىنە وردەن بەردى ءارى ماڭىزدى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار). ول مىنالاردى باسا دارىپتەدى: 105 جىلدان بەرى پارتيامىز جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ سىندى اۋەلگى ماقسات پەن بورىشتان باستان - اياق جازباي، قاجىماي - تالماي كۇرەس جۇرگىزۋ بارىسىندا تاريح بەتىنە جازىلاتىن ۇلى ناتيجە جاراتتى. جاڭا جورىقتا بۇكىل پارتياداعى جولداستار سەنىمدى بەكەمدەپ، ۇزدىكسىز كۇرەس جۇرگىزىپ، ءداۋىر مەن حالىقتىڭ ۇمىتىنەن شىعاتىن تىڭ ناتيجەلەردى ۇزدىكسىز جاراتۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، مەملەكەت ءتوراعاسىنىڭ ورىنباسارى حان جىڭ جينالىسقا قاتىناستى.

تۇستەن بۇرىن ساعات 9 مولشەرىندە ”1 - شىلدە وردەنىنىڭ“ يەگەرلەرى سيلى قوناقتار كولىگىنە توپتىق وتىرىپ تۇرعان جەرلەرىنەن جولعا شىعىپ، سيلى قوناقتار موتوتسيكل اترەتىنىڭ قورعاۋىندا حالىق سارايىنا قاراي بەتتەدى. حالىق سارايىنىڭ سولتۇستىك قاقپاسىنىڭ سىرتىندا قۇرمەت قاراۋىلى جولدىڭ ەكى جاعىنا ءبولىنىپ، جاستار مەن ورەندەر ىستىق ىقىلاسپەن الاقايلاپ قۇرمەت ءبىلدىردى. ”1 - شىلدە وردەنىنىڭ“ يەگەرلەرى قىزىل كىلەمدى بويلاپ باسپالداقپەن جوعارى كوتەرىلىپ، حالىق سارايىنا كىردى. پارتيا مەن مەملەكەتتىڭ ەڭبەك ءسىڭىرىپ، داڭققا يە بولعانداردى ماداقتاۋ - سيلاۋ قىزمەت كوميتەتىندەگى قاتىستى باسشى جولداستار قاتارلىلار وسى ارادا ولاردى توپتىق قارسى الدى.

حالىق سارايىنىڭ ۇلكەن زالى دابىرالى، دۋماندى بەينەگە شومدى.

ءتوراعالار مىنبەسىنىڭ جوعارعى جاعىنا ”جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى“ دەگەن قۇرىلتاي بەلگىسى ىلىنگەن، ارتقى پەردەنىڭ ءدال ورتاسىنا جارقىراعان جۇڭگو كوممۋنيستىك پارتياسىنىڭ گەربى ىلىنگەن، پارتيا گەربىنىڭ استىڭعى جاعىنا ”1921 - 2026“ دەگەن جازۋ جازىلعان، ەكى جاعىنا بەس - بەستەن قىزىل تۋ قويىلعان. 2 - قاباتتاعى مىنبەنىڭ ماڭدايشاسىنا ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، اۋەلگى ماقساتتى، بورىشتى امالياتتا ايگىلەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ ءۇشىن قاجىماي - تالماي كۇرەس جۇرگىزەيىك!“ دەگەن ۇران جازىلعان كەرمە تۋ ىلىنگەن.

ساعات 10 دا لي چياڭ قۇتتىقتاۋ جينالىسىنىڭ باستالعاندىعىن جاريالادى، زالداعىلار ورىندارىنان تۇرىپ، مەملەكەت ءانىن اسقاقتاتا شىرقادى.

ساي چي «جۇڭگو كوممۋنيستىك پارتياسى ورتالىق كوميتەتىنىڭ ”1 - شىلدە وردەنىن“ وردەنىن بەرۋ جونىندەگى قارارىن» وقىدى.

«قاراردا» بىلاي دەپ اتاپ كورسەتىلدى: نەگىزگى ساتىدا ۇزاق ۋاقىت تامىر تارتقان، پارتيا ءۇشىن قىزمەت ىستەگەن، حالىق ءۇشىن قىزمەت وتەگەن، كورنەكتى ۇلەس قوسقان ەڭبەك سىڭىرگەن ۇلگىلى پارتيا مۇشەلەرىن سالتاناتپەن ماراپاتتاپ، بۇكىل پارتيانى اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتى تاسقىنداتىپ، جىگەرلەنە العا باسۋعا شابىتتاندىرۋ ءۇشىن، پارتيا ورتالىق كوميتەتى ما شانشياڭ، ۋاڭ يۇيچاڭ، لي ليانچىڭ، وقاس سۇلەيمەن، ۋ ياچين، چىن جۇن - ۋ، جاۋ يافۋ، جۇڭ جۋە جولداستارعا ”1 - شىلدە وردەنىن“ بەرۋدى قارار ەتتى («قاراردىڭ» تولىق مازمۇنىن «حالىق گازەتىنىڭ» 4 - بەتىنەن وقي الاسىزدار).

2 تۋشى پارتيا تۋىن بيىك ۇستاپ، ءبىر قۇرمەت قاراۋىلى ”1 - شىلدە وردەنىن“ كوتەرىپ، نىق قاداممەن سالت وتەتىن ناق مايدانعا كەلدى.

ايبىندى «وتان قاھارماندارىنا قۇرمەت» مۋزىكاسى ىشىندە شي جينپيڭ ”1 - شىلدە وردەنىنىڭ“ يەگەرلەرىنە ءبىر - بىردەن وردەن بەردى ءارى ولارمەن ىقىلاسپەن قول الىسىپ، قۇتتىقتادى. وسىدان كەيىن ”1 - شىلدە وردەنىنىڭ“ يەگەرلەرى ۇسىنىس بويىنشا ءتوراعالار مىنبەسىنە جايعاستى. بۇكىل زالدان ءالسىن - ءالى قىزۋ قول شاپالاق ءۇنى كوتەرىلدى.

ساي چي «جۇڭگو كوممۋنيستىك پارتياسى ورتالىق كوميتەتىنىڭ مەملەكەتتىك تاڭداۋلى پارتيا مۇشەلەرىن، مەملەكەتتىك تاڭداۋلى پارتيا ىستەرى قىزمەتكەرلەرىن جانە مەملەكەتتىك وزات نەگىزگى ساتى پارتيا ۇيىمدارىن ماداقتاۋ - سيلاۋ جونىندەگى قارارىن» وقىدى («قاراردىڭ» تولىق مازمۇنىن «حالىق گازەتىنىڭ» 4 - بەتىنەن وقي الاسىزدار).

شي جينپيڭ قاتارلىلار ماداقتالىپ - سيلانعان مەملەكەتتىك ”ەكى تاڭداۋلى، ءبىر وزات“ ۋاكىلدەرىنە سيلىق تاراتتى.

بۇكىل زالداعى قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول مىنالاردى ءبىلدىردى: بۇگىن ءبىز سالتاناتتى جينالىس وتكىزىپ، جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاپ، پارتيامىز باسىپ وتكەن شۇعىلالى بارىستى ەسكە الىپ، پارتيا مەن حالىق ىستەرى دامۋىنىڭ نۇرلى بولاشاعىنا كوز جىبەرىپ، بۇكىل پارتيانى، بۇكىل ەلدەگى ءار ۇلت حالقىن تولىق سەنىممەن جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋى سىندى ۇلى نىسانانى جۇزەگە اسىرۋ جولىندا ەرلىكپەن العا باسۋعا جۇمىلدىرىپ وتىرمىز. شي جينپيڭ پارتيا ورتالىق كوميتەتى اتىنان بارلىق جۇڭگو كوممۋنيستەرىنە مەرەكەلىك سالەم جولدادى! ”1 - شىلدە وردەنىنىڭ“ يەگەرلەرىن، ماداقتالىپ - سيلانعان مەملەكەتتىك تاڭداۋلى پارتيا مۇشەلەرىن، تاڭداۋلى پارتيا ىستەرى قىزمەتكەرلەرىن، وزات نەگىزگى ساتى پارتيا ۇيىمدارىن قىزۋ قۇتتىقتايتىندىعىن ءبىلدىردى!

شي جينپيڭ بىلاي دەپ اتاپ كورسەتتى: 105 جىلدىڭ الدىندا جۇڭگو حالقى مەن جۇڭحۋا ۇلتىنىڭ ۇلى ويانۋى بارىسىندا، ماركسيزم - لەنينيزمنىڭ جۇڭگو جۇمىسشى قوزعالىسىمەن تىعىز ۇشتاسۋى بارىسىندا، جۇڭگو كوممۋنيستىك پارتياسى زامانعا ساي ومىرگە كەلدى. سودان باستاپ جۇڭگو حالقى مەن جۇڭحۋا ۇلتى ەڭ سەنىمدى تىرەككە يە بولىپ، ىشكى الاساپىراندىق پەن سىرتقى زوبالاڭعا ۇشىراعان، كەدەي، ءالسىز جۇڭگو وراسان زور تاريحي وزگەرىستى باستادى.

شي جينپيڭ بىلاي دەپ باسا دارىپتەدى: 105 جىلدان بەرى پارتيامىز بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قاجىماي - تالماي كۇرەس جۇرگىزىپ، جاڭا دەموكراتيالىق توڭكەرىستىڭ، سوتسياليستىك توڭكەرىستىڭ جانە قۇرىلىستىڭ، رەفورما جاساپ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ، جاڭا داۋىردەگى جۇڭگوشا سوتسياليزمنىڭ ۇلى جەتىستىكتەرىن جاراتىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستانىن جازدى. 105 جىل قاجىماي - تالماي كۇرەس جۇرگىزىپ، جۇڭگو حالقىنىڭ بولاشاعى مەن تاعدىرىن تۇبىرىنەن وزگەرتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشىپ، ماركسيزمنىڭ قۇدىرەتتى ومىرشەڭدىك كۇشىن ايگىلەپ، دۇنيە ءجۇزىنىڭ تاريحي بارىسىنا تەرەڭ ىقپال جاساپ، قۇدىرەتتى جۇڭگو كوممۋنيستىك پارتياسىن سومدادى. پارتيامىز ۇلى، داڭقتى، دۇرىس پارتيا بولۋعا بۇكىلدەي لايىق.

شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ 105 جىلدىق كۇرەس بارىسىندا ۇزدىكسىز شۇعىلالى ناتيجە جاراتا الۋىنىڭ، تاريح پەن حالىقتىڭ جۇڭگو كوممۋنيستىك پارتياسىن تاڭداۋىنىڭ سەبەبى، تۇپتەپ كەلگەندە، پارتيامىزدىڭ باسقا ساياسي پارتيالارمەن جانە ساياسي كۇشتەرمەن سالىستىرۋعا بولمايتىن ۇزدىك قاسيەتكە يە بولعاندىعىندا. پارتيامىز اقيقاتقا تالپىنۋدى ماقسات ەتىپ، العا باسۋ بەتالىسىن باستان - اياق ءداپ باسىپ يگەرىپ، حالىققا تەرەڭ تامىر تارتىپ، باستان - اياق بەرىك نەگىزگە يە بولىپ، تاريحي بورىشتى باتىلدىقپەن ارقالاپ، ستراتەگيالىق ىرىقتىلىقتى باستان - اياق يگەرىپ، دامۋ اعىمىنا سايكەسىپ، قاشاندا ءداۋىردىڭ الدىڭعى لەگىندە ءجۇرىپ، كۇرەس جۇرگىزۋگە باتىل بولىپ، ءسوز جوق، جەڭىسكە جەتۋ سەنىمىن قاي - قاشان دا ساقتاپ، ءوزىن الۋەتتەندىرۋگە باسا ءمان بەرىپ، قاشاندا ومىرشەڭدىك كۇشكە تولى بولدى. ءبىز جاڭا ءىس جۇزىندىك جاعدايمەن ۇشتاستىرىپ، پارتيانىڭ ۇزدىك قاسيەتىن ۇزدىكسىز ساۋلەلەندىرىپ، پارتيانىڭ ماڭگى ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە، باستان - اياق قۇدىرەتتى جاسامپازدىق قۋاتقا، ۇيىستىرۋ قۋاتىنا، جاۋىنگەرلىك قۋاتقا يە بولۋىنا كەپىلدىك ەتۋىمىز كەرەك.

شي جينپيڭ بىلاي دەپ باسا دارىپتەدى: جاڭا ءداۋىردىڭ جاڭا جورىعىندا پارتيانىڭ بورىشى مەن مىندەتىن جۇزەگە اسىرۋ بۇكىل جۇڭگو كوممۋنيستەرىنەن سەنىمدى بەكەمدەپ، ۇزدىكسىز كۇرەس جۇرگىزىپ، ءداۋىر مەن حالىق الدىندا دەسە دەگەندەي جاڭا ناتيجەلەردى ۇزدىكسىز جاراتۋدى تالاپ ەتەدى.

سەنىمدى بەكەمدەپ، ۇزدىكسىز كۇرەس جۇرگىزۋدە، ءسوز جوق، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، پارتيانىڭ جاپپاي باسشىلىعىنا جانە پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، بۇرىنعىعا مۇراگەر بولىپ، كەيىنگىگە جول اشىپ، تۋراشىلدىقتان تايسالماي جاڭالىق اشىپ، بيىكتە تۇرىپ الىستى كوزدەيتىن كورەگەندىك بولۋدى ورىنداپ، تولقىن جارا العا ۇمتىلۋ كەرەك. ءسوز جوق، حالىققا تىعىز سۇيەنىپ، تاريحي ۇلى ىستەر جاراتىپ، حالىقتى وزەك ەتكەن دامۋ يدەياسىن امالياتتا ايگىلەپ، ميلليارد حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتۋ كەرەك. العا باسۋ جولىنداعى حاۋىپ - قاتەر مەن سىن - سايىسقا، ءسوز جوق، بەلسەنە توتەپ بەرىپ، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، كۇرەس رۋحىن ساۋلەلەندىرىپ، كۇرەس جۇرگىزۋ قابىلەتىن كۇشەيتىپ، ەل ءىشى جانە حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاۋ كەرەك. ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتىپ، بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، بۇكىل ادامزاتتىڭ ورتاق قۇنىن ساۋلەلەندىرىپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن، دۇنيە جۇزىلىك جونگە سالۋ باستاماسىن تياناقتاندىرۋدى ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ وڭ ەنەرگيا قوسۋ كەرەك. پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسى يدەياسىن جاپپاي دايەكتىلەندىرىپ، پارتيانى جاپپاي قاتاڭ جونگە سالۋ جۇيەسىن اقاۋسىزداندىرىپ، پارتيانىڭ ساياسي قۇرىلىسىن جەتەكشى ەتىپ، پارتيانىڭ ءار جاقتاعى قۇرىلىسىن كۇشەيتىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن جالپى شايقاسىن باتىل ويداعىداي جۇرگىزىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارالىق ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز كۇشەيتۋ كەرەك.

شي جينپيڭ بىلاي دەپ اتاپ كورسەتتى: مەملەكەتتى قۇدىرەتتەندىرۋ ءۇشىن، ءسوز جوق، ارميانى قۇدىرەتتەندىرۋ كەرەك، ارميا قۇدىرەتتەنگەندە عانا مەملەكەت تىنىش بولادى. جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن، ءسوز جوق، جاپپاي دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولىپ، ارميانى ساياسي جولمەن قۇرۋدى، رەفورما ارقىلى قۇدىرەتتەندىرۋدى، عىلىم - تەحنيكا ارقىلى قۇدىرەتتەندىرۋدى، دارىندىلار ارقىلى قۇدىرەتتەندىرۋدى، زاڭمەن جونگە سالۋدى جاپپاي ىلگەرىلەتىپ، مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتىپ، ارميا قۇرۋدىڭ 100 جىلدىعى كۇرەس نىساناسىن ۋاعىندا جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ كەرەك.

شي جينپيڭ بىلاي دەپ باسا دارىپتەدى: شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن جەبەۋ − جۇڭحۋا ۇلتىنىڭ ۇلى گۇلدەنۋىنىڭ ىشكى تالابى. ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جاپپاي، دۇرىس، اۋىتقىماي دايەكتىلەندىرىپ، شياڭگاڭنىڭ، اۋمىننىڭ ەكونوميكالىق، قوعامدىق دامۋىن جەبەپ، شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىنا اناعۇرلىم ويداعىداي توعىسۋىن جانە وعان قىزمەت وتەۋىن قولداۋ كەرەك.

شي جينپيڭ بىلاي دەپ اتاپ كورسەتتى: تايۋان ماسەلەسىن شەشىپ، وتاننىڭ بۇكىلدەي بىرلىككە كەلۋىن جۇزەگە اسىرۋ − پارتيامىزدىڭ بۇلجىماس تاريحي مىندەتى، بۇكىل جۇڭحۋا ۇلاندارىنىڭ ورتاق تىلەگى. جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن ىشكەرىلەي دايەكتىلەندىرىپ، ءبىر جۇڭگو پرينسيبىنە جانە ”92 - جىلعى ورتاق تانىمعا“ تاباندى بولىپ، قالىڭ تايۋاندىق باۋىرلاستارمەن ىنتىماقتاسىپ، ەكى جاعالاۋدىڭ اۋىس - كۇيىسىن، سەلبەستىگىن جانە توعىسا دامۋىن تەرەڭدەتىپ، ”تايۋان دەربەستىگى“ بولشەكتەۋشى كۇشتەرىنە باتىل سوققى بەرىپ، سىرتقى كۇشتەردىڭ كيلىگۋىنە قارسى تۇرىپ، وتاندى بىرلىككە كەلتىرۋ ۇلى ءىسىن تاباندىلىقپەن ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: جاستار − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى جالىندى كۇش. بۇكىل پارتيا جاستارعا ءمان بەرۋى، جاستارعا كوڭىل ءبولۋى، جاستاردى قولداۋى، جاستاردىڭ ەسەيىپ - ەرجەتۋىنە شارت - جاعداي جاراتۋى كەرەك.

جاڭا داۋىردەگى جۇڭگو جاستارى پارتيانىڭ سوزىنە بۇلجىماي قۇلاق اسىپ، پارتياعا ىلەسىپ، ۇلى مۇرات ورناتىپ، ءداۋىردىڭ اۋىر مىندەتىن باتىلدىقپەن ارقالاپ، جاڭا جورىقتا تاريحي ۇتىلامالى جارىستى جاقسى جۇرگىزىپ، جاستىق كوكتەمى ارقىلى جول سالىپ، مۇراتتى نۇرلاندىرۋى كەرەك.

شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسىنىڭ 105 جىلدىق شۇعىلالى تاريحىن ماقتانىش ەتەمىز، ءبىراق ءبىزدىڭ اسقاقتاۋىمىزعا، توقمەيىلسۋىمىزگە، توقىراپ العا باسپاي قويۋىمىزعا استە بولمايدى. وسى عاسىردىڭ ورتا شەنىنە بارعاندا، ءبىز جاپپاي سوتسياليستىك وسىزاماندانعان قۇدىرەتتى ەل قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋىمىز كەرەك.

بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، كىشىپەيىل، بايسالدى بولىپ، قاجىرلىلىقپەن كۇرەس جۇرگىزىپ، كۇرەس جۇرگىزۋگە باتىل بولىپ، كۇرەس جۇرگىزۋگە شەبەر بولىپ، بۇكىل ەلدەگى ءار ۇلت حالقىنا تىعىز سۇيەنىپ جانە ولاردى ىنتىماقتاستىرىپ، باستاپ، جاڭا ساپارعا ەكپىندەي ىلگەرىلەپ، جاڭا داۋىرگە ۇلەس قوسىپ، جاڭا تاريحي شۇعىلالى تابىستاردى قۇلشىنا جاراتۋى كەرەك.

لي چياڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە 105 جىلدان بەرى جۇڭگو كوممۋنيستىك پارتياسىنىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، باسىپ وتكەن شۇعىلالى بارىسىنا، جاراتقان ۇلى جەتىستىگىنە جان - جاقتى قايىرىلا قاراپ، قورىتىندىلاپ، جۇڭگو كوممۋنيستىك پارتياسىنىڭ ۇزدىكسىز شۇعىلالى ناتيجە جاراتا الۋىنداعى ۇزدىك قاسيەتتى تەرەڭ اشىپ كورسەتتى، جاڭا جورىقتا بارلىق جۇڭگو كوممۋنيستەرىنىڭ سەنىمدى بەكەمدەپ، ۇزدىكسىز كۇرەس جۇرگىزۋى جونىندە ايقىن تالاپتار قويىپ، بۇكىل پارتياعا جاڭا تاريحي شۇعىلانى قۇلشىنا جاراتۋ ۇلى ۇندەۋىن شىعاردى. باس شۋجي شي جينپيڭنىڭ ماڭىزدى ءسوزى بيىك تۇرعىدان الىستى بولجاعان، يدەياسى تەرەڭ، مازمۇنى باي بولىپ، جاڭا ءداۋىردىڭ جاڭا جورىعىندا پارتيانىڭ وزەكتى مىندەتىن جۇزەگە اسىرۋعا اناعۇرلىم ايقىن باعدار كورسەتىپ، تياناق ازىرلەدى. بۇكىل پارتياداعى جولداستار مۇقيات ۇيرەنىپ، ءتۇسىنىپ، ءسوزدىڭ رۋحىن ءتۇرلى قىزمەتتەردە شىنايى دايەكتىلەندىرىپ، تياناقتاندىرىپ، پارتيا قۇرۋ ۇلى رۋحىن ساۋلەلەندىرىپ، اۋەلگى ماقساتتى، بورىشتى امالياتتا ايگىلەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋى كەرەك.

ماجىلىستە ”1 - شىلدە وردەنى“ يەگەرلەرىنىڭ ۋاكىلى، جيلين ولكەسى چاڭچۇن قالاسى كۋانچىڭ رايونى چاڭشان حۋايۋان الەۋمەتتىك اۋماعى پارتكومىنىڭ ءبىرىنشى شۋجيى ۋ ياچين لەبىز ءبىلدىردى.

جينالىس ايبىندى «ينتەرناتسيونال انىمەن» اياقتادى.

بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، ورتالىق اسكەري ىستەر كوميتەتى ءتوراعاسىنىڭ ورىنباسارلارى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەس ءتوراعاسىنىڭ ورىنباسارلارى جينالىسقا قاتىناستى.

ورتالىقتاعى پارتيا، ۇكىمەت، ارميا تاراۋلارىنداعى، بۇقارالىق تاراۋلارداعى جانە بەيجيڭ قالاسىنداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ”1 - شىلدە وردەنى“ يەگەرلەرىنىڭ تۋىس - تۋعاندارىنىڭ ۋاكىلدەرى، تۇرعان ورىندارىنىڭ ۋاكىلدەرى، بۇرىن ەلەۋلى ەڭبەك ءسىڭىرىپ، داڭققا يە بولعانداردىڭ ۋاكىلدەرى، ساقا پارتيا مۇشەلەرىنىڭ، ساقا كادرلاردىڭ ۋاكىلدەرى، ماداقتالىپ - سيلانعان مەملەكەتتىك تاڭداۋلى پارتيا مۇشەلەرىنىڭ، تاڭداۋلى پارتيا ىستەرى قىزمەتكەرلەرىنىڭ، وزات نەگىزگى ساتى پارتيا ۇيىمدارىنىڭ ۋاكىلدەرى، جۇڭگودا قىزمەت ىستەيتىن شەتەلدىك مامانداردىڭ ۋاكىلدەرى، استاناداعى نەگىزگى ساتى پارتيا مۇشەلەرىنىڭ جانە ءار سالا بۇقاراسىنىڭ ۋاكىلدەرى، بەيجيڭدە تۇراتىن اسكەري بولىمدەردەگى وفيتسەر - اسكەرلەردىڭ ۋاكىلدەرى بولىپ 3000 داي ادام جينالىسقا قاتىناستى.