شي جينپيڭ تەلەگرامما جولداپ دەلا ەسپريەللانىڭ كولۋمبيانىڭ زۇڭتۇڭى بولىپ سايلانعاندىعىن قۇتتىقتادى

شينحۋا اگەنتتىگى، 7 - ايدىڭ 1 - كۇنى، بەيجيڭ. 6 - ايدىڭ 29 - كۇنى مەملەكەت ءتوراعاسى شي جينپيڭ دەلا ەسپريەللاعا تەلەگرامما جولداپ، ونىڭ كولۋمبيا رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن كولۋمبيا − ستراتەگيالىق سەرىكتەر. ديپلوماتيالىق قاتىناس ورناتقان 46 جىلدان بەرى جۇڭگو - كولۋمبيا قاتىناسى حالىقارالىق اۋمالى - توكپەلى وزگەرىستەردىڭ سىنىنان ءوتىپ، باستان - اياق تاماشا دامۋ ارىنىن ساقتادى. ەكى ەلدىڭ ساياسي ءوزارا سەنىمى ۇزدىكسىز بەكەمدەلىپ، حالىق دوستىعى جۇرت جۇرەگىنە تەرەڭ ۇيالاپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ سەلبەستىگى ۇزدىكسىز تىڭ ىلگەرىلەۋشىلىكتەرگە قول جەتكىزدى. مەن جۇڭگو - كولۋمبيا قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ دەلا ەسپريەللامەن بىرگە قۇلشىنىپ، ەكى ەلدىڭ ءار سالاداعى اۋىس - كۇيىسىن، سەلبەستىگىن اناعۇرلىم تەرەڭدەتىپ، جۇڭگو مەن كولۋمبيانىڭ ستراتەگيالىق سەرىكتەستىك قاتىناسىن تىڭ ساتىعا كوتەرۋگە جەتەكشىلىك ەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

سول كۇنى مەملەكەت ءتوراعاسىنىڭ ورىنباسارى حان جىڭ كولۋمبيانىڭ جاڭادان سايلانعان ورىنباسار زۇڭتۇڭى رەستروبونعا قۇتتىقتاۋ تەلەگرامماسىن جولدادى.