جۇڭگو اۋا رايى مەڭگەرمەسى: 7 – ايدا 2 – 3 رەتكى تايفىڭ داۋىلى قۇرلىققا ءىلىنۋى نەمەسە ەلىمىزدىڭ تەڭىز جاعالاۋىنداعى وڭىرلەرگە ىقپال جاساۋى مۇمكىن 

جۇڭگو اۋا رايى مەڭگەرمەسى بۇگىن اقپارات جاريالاۋ ءماجىلىسىن اشىپ، ەلىمىزدىڭ 7 – ايداعى كليمات اۋقىمى جونىندە بولجامدىق تالداۋ جاسادى.

جاۋىن – شاشىن جاعىنان العاندا، ىشكى موڭعۇلدىڭ شىعىسى، شىعىس - سولتۇستىك ءوڭىر، سولتۇستىك جۇڭگونىڭ باسىم كوپ بولىگى، ورتا جۇڭگونىڭ ورتا – وڭتۇستىك بولىگى، شىعىس جۇڭگونىڭ ورتا بولىگى، وڭتۇستىك جۇڭگو، باتىس - وڭتۇستىك ءوڭىردىڭ وڭتۇستىگى، شينجياڭنىڭ باتىس – وڭتۇستىك بولىگى، شيزاڭنىڭ باتىس – سولتۇستىك بولىگى جانە شىعىس - وڭتۇستىك بولىگى قاتارلى جەرلەردە جاۋىن – شاشىن بۇرىنعى جىلدارداعى سول مەزگىلدەگىدەن كوپ بولادى، بۇكىل ەلىمىزدىڭ باسقا رايوندارىندا جاۋىن – شاشىن مولشەرى بۇرىنعى جىلدارداعى وسى مەزگىلدەگىمەن ۇقساس نەمەسە از بولادى.

تەمپەراتۋرا جاعىنان العاندا، ىشكى موڭعۇلدىڭ شىعىسى، شىعىس - سولتۇستىك ءوڭىردىڭ باتىس – سولتۇستىك بولىگى، وڭتۇستىك جۇڭگونىڭ باتىس – وڭتۇستىك بولىگى، باتىس - وڭتۇستىك ءوڭىردىڭ وڭتۇستىك بولىگى قاتارلى جەرلەردە تەمپەراتۋرا بۇرىنعى جىلدارداعى وسى مەزگىلدەگىدەن تومەن بولادى، ەلىمىز بويىنشا قالعان باسىم كوپ رايونداردا تەمپەراتۋرا جوعارىلاۋ بولادى، مۇنىڭ ىشىندە ىشكى موڭعۇلدىڭ باتىس بولىگى، باتىس - سولتۇستىك ءوڭىردىڭ سولتۇستىك بولىگى، شينجياڭنىڭ شىعىس - سولتۇستىك بولىگى قاتارلى وڭىرلەردە 1 – 2 سەلتسي گرادۋس جوعارى بولادى.

تايفىڭ داۋىلى جاعىنان العاندا، تىنىق مۇحيتتىڭ باتىس - سولتۇستىگى مەن نانحاي تەڭىزى ايدىنىندا 4 – 6 رەت تايفىڭ داۋىلى سوعادى، بۇرىنعى جىلدارداعى وسى مەزگىلدەگىدەن (3.8 رەت) كوپ بولادى؛ 2 – 3 رەتكى تايفىڭ داۋىلى قۇرلىققا ىلىنەدى نەمەسە ەلىمىزدىڭ تەڭىز جاعالاۋىنداعى وڭىرلەرگە ىقپال جاسايدى، بۇرىنعى وسى مەزگىلدەگىدەن (1.8 رەت) كوپ بولادى؛ كۇشەمەلىلىگى جالپى جاقتان كۇشتى بولادى، ءبىرشاما كۇشتى تايفىڭ داۋىلىنىڭ سولتۇستىككە قاراي ويىسىپ، ەلىمىزدىڭ سولتۇستىكتەگى وڭىرلەرىنە ىقپال جاساۋ حاۋپى بار.

(ورتالىق تەلەۆيزيا ءتىلشىسى ۋۋ ۋي)