جاۋاپكەرشىلىكتى مىقتى يگەرىپ، قاتەردەن اراشالاۋعا، قۇتقارۋعا كۇش سالدى (اپاتتان ساقتانۋ، اپاتتان قۇتقارۋدىڭ ءتۇرلى قىزمەتىن تىڭعىلىقتى ويداعىداي ىستەيىك)

«حالىق گازەتى» (2026 - جىلى 7 - ايدىڭ 8 - كۇنى، 1 - بەت)جۋىقتا گۋاڭشي، حۋبەي، گانسۋ سياقتى جەرلەردە نوسەر جاۋىپ، بوران سوعىپ، سۋ قويمالارىندا توسپا جىرىلۋ، تاۋ كوشكىنى سياقتى اپاتتار ارت - ارتىنان تۋىلىپ، اۋىر ءولىم - ءجىتىم جانە ەكونوميكالىق زيان تۋدىردى.

باس شۋجي شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەرىپ، ”قاتەردەن اراشالاۋ، قۇتقارۋ - كومەكتەسۋ، جارالانعانداردى قۇتقارۋ - ەمدەۋ، بۇقارانى ورنالاستىرۋ سياقتى قىزمەتتەردى بار كۇشپەن ۇيىمداستىرۋ كەرەك“ دەپ اتاپ كورسەتىپ، ”اپاتتان ساقتانۋ، اپاتتان قۇتقارۋ قىزمەتتەرىن تىڭعىلىقتى ويداعىداي ىستەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك“ دەپ باسا دارىپتەدى.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولعان قاتىستى وڭىرلەر مەن تاراۋلار اپاتتان ساقتانۋ، اپاتتان قۇتقارۋ جاۋاپكەرشىلىگىن قاداعالاپ، ناقتىلاندىرىپ، قاتەردەن اراشالاۋدى، قۇتقارۋ - كومەكتەسۋدى بار كۇشپەن ورىستەتىپ، اپاتقا ۇشىراعان بۇقارانى ۇيلەسىمدى ورنالاستىرىپ، اپاتتان ساقتانۋ، اپاتتان قۇتقارۋ قىزمەتتەرىن تىڭعىلىقتى جاقسى ىستەدى.

7 - ايدىڭ 7 - كۇنى مەملەكەتتىك تاسقىننان ساقتانۋ باس قولباسشىلىق شتابى كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى گۋاڭشي، حۋبەي، گانسۋ سياقتى جەرلەردىڭ تاسقىن جاعدايىن ۇزدىكسىز ورنالاستىرىپ، كوپتەگەن تاراۋلاردى بىرلەسىپ تاسقىننان ساقتانۋ، اپاتتان قۇتقارۋ قىزمەتىن ويداعىداي ىستەۋگە ۇيىمداستىردى. مەملەكەتتىك تاسقىننان ساقتانۋ باس قولباسشىلىق شتابى گۋاڭشيگە باعىتتالعان تاسقىننان ساقتانۋدىڭ 2 - دارەجەلى شۇعىل جاعدايعا توتەپ بەرۋ ۇندەۋىن ساقتادى؛ شۇعىل جاعدايعا توتەپ بەرۋدى باسقارۋ مينيسترلىگى گانسۋعا قاراتا مەملەكەتتىڭ گەولوگيالىق اپاتتارعا شۇعىل توتەپ بەرۋ 4 - دارەجەلى ۇندەۋىن شىعارىپ، گۋاڭشيگە باعىتتالعان مەملەكەتتىڭ گەولوگيالىق اپاتتارعا شۇعىل توتەپ بەرۋ 3 - دارەجەلى ۇندەۋىن ساقتادى.

تايفىڭ بورانى ”ميساكتىڭ“ اسەرىندە گۋاڭشيدا كەڭ كولەمدە ءۇرتىس قاتتى جاڭبىر جاۋدى. گۋاڭشي جۋاڭزۋ اۆتونوميالى رايوندىق پارتكوم، ۇكىمەت قاتەردەن اراشالاۋ، اپاتتان قۇتقارۋ، كومەسكى قاتەردى اداقتاۋ، بۇقارانى كوشىرۋ سياقتى قىزمەتتەردى كۇش سالا ورىستەتتى. 7 - ايدىڭ 7 - كۇنى ساعات 20 عا دەيىن ناننيڭ قالاسىنىڭ ليۋلان سۋ قويماسى سياقتى 4 سۋ قويماسىندا قاتەرلى جاعداي جارىققا شىعىپ، 112 مىڭ ادام اپاتقا ۇشىراپ، 63 مىڭ ادام شۇعىل كوشىرىپ ورنالاستىرىلدى؛ گۇيگاڭ قالاسىنىڭ داكاي سۋ قويماسى سياقتى 5 سۋ قويماسىندا قاتەرلى جاعداي جارىققا شىعىپ، 132 مىڭنان استام ادام اپاتقا ۇشىراپ، 53 مىڭ ادام شۇعىل كوشىرىپ ورنالاستىرىلدى. گۋاڭشيدە رايونعا بولىنگەن 14 قالاداعى، 63 اۋدان، رايون اپاتقا ۇشىرادى، اپاتقا ۇشىراعان حالىق سانى 375 مىڭ ادام بولدى، 130 مىڭ ادام شۇعىل جوتكەپ ورنالاستىرىلدى.

”جولداردى تەزىرەك اشايىق!“ ”دروندى تاعى بىرنەشە رەت ۇشىرايىق، جوتكەلەتىن بۇقاراعا ازىق - تۇلىك پەن سۋ كەرەك!“... 7 - ايدىڭ 7 - كۇنى تۇستەن كەيىن ءتىلشى اپات ەڭ اۋىر رايونداردىڭ ءبىرى ناننيڭ قالاسى حىڭجوۋ قالاسى ليۋلان قىستاعىنا بارعاندا، اپاتتان قۇتقارۋ قىزمەتى قاربالاس ورىستەتىلۋدە ەكەن. جول بويىنداعى كوپتەگەن ۇيلەردە تاسقىن سۋىنىڭ سورابى قالىپتى، ءبىر ءبولىم عيماراتتاردى باسقان قىزىل سۋ 2 مەتردەن اسىپتى. ليۋلان سۋ قويماسىندا حاۋىپ - قاتەر تۋىلعاننان كەيىن جەرگىلىكتەگى قالاشىق، قىستاق كادرلارى ءار سالادان كەلگەن قۇتقارۋ - كومەك بەرۋ كۇشتەرىمەن بىرلەسىپ، بۇقارانى باسقا جاققا جوتكەپ ورنالاستىرۋ، قامالىپ قالعانداردى ىزدەۋ، قۇتقارۋ قىزمەتىن بىرگە ورىستەتتى. قازىر حىڭجوۋ قالاسى كوپتەگەن اۋىل - قالاشىقتاردا ۋاقىتتىق ورنالاستىرۋ تۇيىندەرىن قۇردى.

مەملەكەتتىك تاسقىن اپاتىنان ساقتانۋ، قۋاڭشىلىققا قارسى اتتانۋ باس قولباسشىلىق شتابى مەن شۇعىل جاعدايعا توتەپ بەرۋدى باسقارۋ مينيسترلىگى، سۋ ىستەرى مينيسترلىگى قىزمەت گرۋپپالارىن گۋاڭشيدەگى شۇعىل جاعدايعا قارسى اتتانۋ، قۇتقارۋ قىزمەتىنە جەتەكشىلىك ەتۋگە جىبەردى، مەملەكەتتىك دامۋ جانە رەفورما كوميتەتى، قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى سياقتى مينيسترلىكتەر مەن كوميتەتتەر گۋاڭشيدى شۇعىل قارجىمەن جانە زاتپەن قامدادى. 7 - ايدىڭ 7 - كۇنى ساعات 20 عا دەيىن مەملەكەت، اۆتونوميالى رايون اۋماعىنداعى ارميا، قارۋلى ساقشىنىڭ، ورتتەن ساقتانۋ - قۇتقارۋ بولىمدەرىنىڭ، حالىق جاساقتارىنىڭ، قوعام حاۋىپسىزدىگى تاراۋلارىنىڭ، سالاماتتىق كوميتەتتەرىنىڭ، ەلەكتر ەنەرگياسى، حابارلاسۋ سياقتى ورىنداردىڭ حاۋىپ - قاتەردەن قۇتقارۋ جاۋىنگەر - قىزمەتشىلەرىنەن 8342 ادام، 1700 دەن استام قۇرىلىس، قۇتقارۋ اۆتوموبيلى ات سالىستى، 5700 دەن استام ماتورلى قايىق، قۇتقارۋ قايىعى، قىزىل كرەست، لاندۇن، لانتيان سياقتى 40 قوعامدىق قۇتقارۋ ۇيىمى 300 دەن استام ادامدى ءبىر تۇتاس جوسپارلاپ ورنالاستىرىپ، سۋ قويمالارىن حاۋىپتەن ارىلتۋ، جوعالعان ادامداردى ىزدەۋ - قۇتقارۋ، تاسقىن سۋىن ىعىستىرۋ سياقتى قىزمەتتەردى ورىستەتتى.

تايفىڭ داۋىلى ”ميساكتىڭ“ سىرتقى بۇلت جۇيەسىنىڭ ىقپالىنان حۋبەيدىڭ حۋاڭشى، حۋاڭگاڭ، ىجوۋ، شياننيڭ سياقتى جەرلەرىندە قالىڭ نوسەر جاۋدى جانە ناجاعايلى بوران سوقتى. بۇنىڭ ىشىندە حۋاڭگاڭ قالاسى حۋاڭجوۋ رايونىندا قۇيىن سوعىپ، قۇيىننىڭ ەڭ جوعارى جىلدامدىعى 15 بالدان استى.

7 - ايدىڭ 7 - كۇنى تۇستەن كەيىن ءتىلشى حۋاڭجوۋ رايونى دۇڭحۋ ءمالىسى حۇڭچياۋ الەۋمەتتىك اۋماعىنا بارعاندا، تۇنىمەن قاربالاس بولعان الەۋمەتتىك اۋماق پارتكومىنىڭ شۋجيى جوۋ بەيبونىڭ كوپشىلىكتى باستاپ، تۇرعىنداردىڭ ۇيلەرىندەگى تەرەزەلەرگە ورناتىلعان ۇرىدان ساقتانۋ تورلارىن شاعىپ، جولداعى كەدەرگىلەردى تازالاپ جاتقانىن كوردى.

حۋبەي ولكەلىك شۇعىل جاعدايعا توتەپ بەرۋدى باسقارۋ مەڭگەرمەسىنىڭ ساناعىنا قاراعاندا، 7 - ايدىڭ 7 - كۇنى ساعات 7 گە دەيىن ناجاعايلى بوران سوعىپ، 14 مىڭ 600 ادام اپاتقا ۇشىراپ، 996 ادام شۇعىل قۇتقارىلىپ، 246 ادام كوشىرىپ ورنالاستىرىلعان. بۇكىل ولكەدەگى شۇعىل جاعدايعا توتەپ بەرۋ، قارۋلى ساقشى، ءورت ءوشىرۋ، ەلەكتر قۋاتى، قاتىناس، قوعام حاۋىپسىزدىگى، دەنساۋلىق ساقتاۋ، سالاماتتىق سياقتى تاراۋلار 9500 دەن استام قۇتقارۋ كۇشىن، 700 دەن استام جابدىقتى شىعارىپ، 200 دەن استام ۋاقىتتىق زاتتاردى تازالاپ، 20 دان استام توك جولىن قالپىنا كەلتىرىپ، قامالىپ قالعان 320 دان استام بۇقارانى قۇتقارىپ، 170 تەن استام جارالانعان بۇقارانى شۇعىل جوتكەپ ەمدەدى. حۋاڭشى دايە قالاسى قالاشىق، قىستاق، قوعام حاۋىپسىزدىگى، ءورت ءوشىرۋ سياقتى ورىندارداعى 900 دەن استام پارتيالى كادردى ءبىرىنشى شەپكە جىبەرىپ، ناق مايداندا ىزدەۋ، قۇتقارۋ، جارالىلاردى جوتكەۋ، قۇتقارۋ سياقتى قىزمەتتەردى جۇرگىزدى.

7 - ايدىڭ 7 - كۇنى تاڭەرتەڭ گانسۋ ولكەسى لۇڭنان قالاسى تانچاڭ اۋدانى نانحى قالاشىعى رىنزاڭزۋ قىستاعىندا تاۋ كوشكىنى ءتۇسىپ، ادامدار قامالىپ قالدى. شۇعىل جاعدايعا توتەپ بەرۋدى باسقارۋ مينيسترلىگى قىزمەت گرۋپپاسىن ناق مايدانعا جىبەرىپ، قۇتقارۋ، ءبىر جاقتى ەتۋگە جەتەكشىلىك ەتتى. سول ورىنداعى ءورت ءوشىرۋ تاراۋلارى ناق مايدانعا 7 اۆتوموبيل، 40 ادامدى جىبەردى. مەملەكەتتىك ءوندىرىس حاۋىپسىزدىگى بويىنشا شۇعىل جاعدايعا توتەپ بەرۋ، قۇتقارۋ ورتالىعى مەملەكەتتىك ءوندىرىس حاۋىپسىزدىگى بويىنشا شۇعىل جاعدايعا توتەپ بەرۋ، قۇتقارۋ، بارلاۋ اترەتىنە 2 اۆتوموبيل، 5 ادامدى شەكارا بەتكەيىندەگى راداردى الىپ ناق مايدانعا بارىپ قۇتقارۋعا قاتىناسۋدى بۇيىردى؛ مەملەكەتتىك كەن شۇعىل قۇتقارۋى، سىچۋان سۋ ىعىستىرۋ اترەتى، سىچۋان كومىر اترەتى، جيڭيۋان اترەتى، مەملەكەتتىك حاۋىپتى حيميالىق زاتتارعا شۇعىل توتەپ بەرۋ، قۇتقارۋ - كومەكتەسۋ لانجوۋ مۇناي - حيميا اترەتىنەن 120 ادام جينالىپ، بۇيرىق كۇتىپ، قۇتقارۋ - كومەكتەسۋ دايىندىعىن ويداعىداي ىستەدى.

مەملەكەتتىك دامۋ جانە رەفورما كوميتەتى ورتالىقتىڭ مەجە ەسەبىنەن 30 ميلليون يۋان قارجى ورنالاستىرىپ، تانچاڭ اۋدانىنداعى اپات تۋىلعان رايوننىڭ نەگىزدىك قۇرىلعىلارى مەن الەۋمەتتىك قىزمەت وتەۋ قۇرىلعىلارىنىڭ اپاتتان كەيىنگى شۇعىل قالپىنا كەلتىرۋ قۇرىلىسىن قولدادى.

مەملەكەتتىك تاسقىننان ساقتانۋ باس قولباسشىلىق كەڭسەسى 7 - ايدىڭ 7 - كۇنى مەملەكەتتىك استىق جانە زات زاپاسى مەكەمەسىمەن بىرگە گۋاڭشيگە دوربا، كۇردەلى جارعاقتان توقىلعان كەزدەمە، مەتال تور ساندىق، رازينكە قايىق سياقتى ورتالىقتىڭ 36 مىڭنان استام تاسقىننان ساقتانۋ بۇيىمىن جوتكەدى. مەملەكەتتىك اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتى كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى شۇعىل جاعدايعا توتەپ بەرۋ زاتتىق ماتەريالدارىن ۇكىمەت پەن قوعامدىق ۇيىمداردىڭ سەلبەسىپ قامتاماسىزداندىرۋ مەحانيزمى ارقىلى قاتىستى قور قوعامدارىن سايكەستىرىپ، گۋاڭشيگە شۇعىل جاعدايعا توتەپ بەرەتىن ازىق - تۇلىك، شۇعىل جاعدايعا توتەپ بەرەتىن جارىقتاندىرۋ شىراعى، سۋلىق، سۋ ەتىك، تاسقىننان ساقتانۋ توسەنىشى سياقتى 40 مىڭ دانا زات قوستى، الدىڭعى مەزگىلدە جوتكەلگەن 160 مىڭ دانا ورتالىقتىڭ اپاتتان قۇتقارۋ بۇيىمدارى گۋاڭشيدىڭ اپات تۋىلعان رايونىنا جەتكىزىلدى.

شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنىنان 1372 ادامدى، 270 اۆتوموبيلدى، 140 قايىقتى گۋاڭشيدە قۇتقارۋ - كومەكتەسۋ قىزمەتىن ورىستەتۋگە جىبەرىپ، قامالىپ قالعانداردان 137 ادامدى قۇتقاردى، قاتەرگە ۇشىراعان بۇقارادان 1058 ادامدى قۇتقاردى؛ جۇڭگو اننىڭ، جۇڭگو جۇڭتيە، جۇڭگو قاتىناس توبى، جۇڭگو تەمىر جول قۇرىلىسى، جۇڭگو قۇرىلىسى سياقتى ورتالىق كاسىپورىندارى ينجەنەريالىق قۇتقارۋ كۇشتەرىنەن 2200 دەن استام ادامدى كاسىپتىك جابدىقتاردى الىپ ادامداردى كوشىرۋ، جولدى اشۋ، توسپانى قورعاۋ سياقتى قيمىلداردى ورىستەتۋگە ۇيىمداستىردى.

7 - ايدىڭ 6 - كۇنى تۇستەن كەيىن مەملەكەتتىك ءورت ءسوندىرۋ، ورتتەن ساقتانۋ قۇتقارۋ - كومەكتەسۋ مەكەمەسىنىڭ بۇيرىعىن تاپسىرىپ العاننان كەيىن گۋاڭدۇڭ ءورت ءسوندىرۋ، ورتتەن ساقتانۋ قۇتقارۋ - كومەكتەسۋ موتورلى باس اترەتى 200 كوماندير - جاۋىنگەردى، 34 ءورت ءوشىرۋ اۆتوموبيلىن، 17 قايىقتى شۇعىل توپتاپ، گۋاڭشيدىڭ حىڭجوۋ قالاسىنا كومەككە جىبەردى. 7 - ايدىڭ 7 - كۇنى ساعات 17 گە دەيىن گۋاڭدۇڭ ءورت ءسوندىرۋ، ورتتەن ساقتانۋ قۇتقارۋ - كومەكتەسۋ زاپاس باس اترەتى قامالىپ قالعان بۇقارادان 287 ادامدى كوشىردى.

7 - ايدىڭ 7 - كۇنى سۋ يگىلىگى مينيسترلىگى گۋاڭشيدىڭ تاسقىن اپاتىنان ساقتانۋ قىزمەتىن ىشكەرىلەي ورنالاستىردى. سۋ يگىلىگى مينيسترلىگىنىڭ ينفورماتسيا ورتالىعى تاسقىن اپاتىنىڭ قىزعىلت سارى ءتۇستى ساقتىق سيگنالىن جاريالادى. جۋجياڭ تاسقىننان ساقتانۋ باس قولباسشىلىق شتابى تاسقىننان ساقتانۋ شۇعىل جاعدايعا توتەپ بەرۋ ۇندەۋىن 1 - دارەجەگە كوتەردى، جۋجياڭ كوميتەتى تاسقىننان ساقتانۋ شۇعىل جاعدايعا توتەپ بەرۋ ۇندەۋىن 1 - دارەجەگە كوتەردى. سۋ يگىلىگى مينيسترلىگىنىڭ ءبىر تۇتاس ورنالاستىرۋى بويىنشا الدىڭعى مەزگىلدە 2 قىزمەت گرۋپپاسىن جىبەرۋ نەگىزىندە، 3 قىزمەت گرۋپپاسىن گۋاڭشيگە جىبەرىپ، تاسقىننان ساقتانۋ جانە ينجەنەريالىق حاۋىپ - قاتەردى تەكسەرۋ قىزمەتىنە جەتەكشىلىك ەتتى.

جۇڭحۋا قايىر - ساحابات باس قوعامى دەرەۋ قوعامدىق مەيىر باعىشتاۋ كۇشتەرىن شۇعىل اتتانىسقا كەلتىرىپ، جالپى قۇنى 50 ميلليون يۋاندىق تاسقىننان ساقتانۋ، اپاتتان قۇتقارۋ قارجىسىن جينادى. وسىدان بۇرىن ءبىر توپ زات شۇعىل جينالىپ، اپاتقا ۇشىراعان رايونعا جەتكىزىلدى.