وقۋ – اعارتۋ مينيسترلىگى: ”مەكتەپ تاماعىن“ جونگە سالۋ تابىسىن بەكەمدەپ، وقىتۋ قوسىمشا قاراجاتى، مەكتەپ كيىمى بىلىقپالىعى تۇزەتىلەدى

7 ـ ايدىڭ 7 ـ كۇنى، مەملەكەتتىك ورتا، باستاۋىش مەكتەپتەردىڭ مەكتەپ اۋلاسىنداعى مەكتەپ تاماعى، وقىتۋ قوسىمشا ماتەريالدارى، مەكتەپ كيىمى قاتارلى ”ءۇش ءتۇرلى رەتتەۋ ـ وڭاۋدى“ جۇمىس باسىندا ىلگەرىلەتۋ ءماجىلىسى ىشكى موڭعۇلدىڭ وردوس قالاسىندا اشىلدى. وقۋ ـ اعارتۋ مينيسترلىگى پاتگرۋپپاسىنىڭ مۇشەسى، ورىنباسار مينيسترى، باس باقىلاۋشى ۋاڭ جيا ـ ي ماجىلىسكە قاتىناستى ءارى ءسوز سويلەدى. ءماجىلىس مىنالاردى اتاپ كورسەتتى: بيىل جىل باسىنان بەرى، وقۋ ـ اعارتۋ جۇيەسى 20 ـ كەزەكتى ورتالىق ءتارتىپ تەكسەرۋ كوميتەتى بەسىنشى جالپى ءماجىلىسىنىڭ ورنالاستىرۋلارىن باتىل دايەكتىلەندىرىپ، ”ءۇشتى رەتتەۋ ـ وڭاۋدى“ وقۋ - اعارتۋ سالاسىنداعى ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋداعى ماڭىزدى ساياسي مىندەت ەتىپ، قاتىستى تاراۋلارمەن بىرگە تىڭعىلىقتى ىلگەرىلەتىپ، نەگىزدىك وقۋ ـ اعارتۋدى جونگە سالۋ قابىلەتى مەن دەڭگەيىن ءونىمدى جوعارىلاتىپ، وقۋ ـ اعارتۋدىڭ جوعارى ساپالى دامۋىنا بەرىك نەگىز قالادى.

ءماجىلىس مىنالاردى باسا دارىپتەدى: بيىل ‐ شوعىرلى رەتتەۋ ـ جونگە سالۋدان قامال الۋدىڭ شەشۋشى شايقاس جىلى، ماسەلەنى باعدار ەتۋگە تاباندى بولىپ، ”ءبىردى بەكەمدەۋدى، ەكىنى وڭاۋدى“ كورنەكتىلەندىرىپ، ”مەكتەپ تاماعىن“ رەتتەۋ ـ جونگە سالۋدىڭ جەتىستىكتەرىن بەكەمدەپ، وقىتۋ قوسىمشا قاراجاتى، مەكتەپ كيىمى بىلىقپالىعىن تۇزەتۋ جانە جونگە سالۋ كەرەك. دۇرىس ناتيجە كوزقاراسىن ورناتىپ جانە ونى امالياتتا ايگىلەپ، ”قازىرگى كەزدە جونگە سالۋ“ مەن ”باياندى ۇستاۋدى“ ۇشتاستىرۋعا تاباندى بولىپ، رەتتەۋ - وڭاۋ قىزمەتىنىڭ كەزەڭدىك قامال الۋدان ۇدايىلانعان جونگە سالۋعا، ۇستىنەن وڭاۋ مەن بىلىقپالىقتى جونگە سالۋدان تۇبىرىنەن وڭاۋ ارقىلى قاينارىن تازالاۋعا بۇرىلىس جاساۋىن ىلگەرىلەتۋ كەرەك.

كەلۋ قاينارى: حالىق تورابى